San Juan 10:28 - Bible in Tzeltal de Oxchuc y Tenejapa

²⁸ Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

Nuevo Testamento Tzeltal de Amatenango

²⁸ Te joꞌone ya kaꞌbe xkuxlejal sbajtel kꞌinal, y ni jaymel ya xchꞌay, ni maꞌyuk machꞌa ya xjuꞌ ya spojbon ta jkꞌab.

Bible in Tzeltal Bachajón

²⁸ soc ho'on ya ca'be scuxlejalic sbahtel q'uinal, ma jaymehl ya xch'ayic, soc mayuc mach'a ya xhu' ya spojbonic ta jc'ab.

San Juan 10:28 Referans Kwoze

San Juan 6:37

Spisil mach'a ya yac'bon te Jtate ya xtal ta jtojol. Te mach'a ya xtal ta jtojole ma ba jch'oj loq'uel.

Hebreos 7:25

Jich ya xju' ya scoltay sbajt'el q'uinal te mach'atic ya xnoptsajic ta stojol Dios ta swentae, melel ya xju' ya xc'opoj yu'unic spisil ora stuquel te bit'il cuxul ay sbajt'el q'uinal.

Romanos 8:29

Melel te mach'atic namey to na'bil sbaic yu'un te Diose, xjajch'ibal to tel chapal sc'oplalic yu'un Dios te bit'il pajal yilelic ya xc'ot soc te Snich'ane, swenta yu'un ja' sbabial ya xc'ot ta yolil te tsobol yijts'inabe.

San Juan 18:9

Jich c'ot ta pasel te bila la yal te Jesuse: “Te mach'atic la awac'bon ta jwentae, jtul ma ch'ay cu'un”, te xie.

Filipenses 1:6

Xch'uunej co'tan te Dios ya sju'tes te lequil at'elil te la sjajch'es ta pasel ta awo'tanic, ja' to te bi ora ya xtal te Jesucristoe.

Isaías 54:17

ja'uc me to, ma'yuc mach'a spasoj te at'ejibaletic te ya xju' ya sjinate. Ya me awac' xmajc' jilel ye te mach'a ya sleat ta c'ope. Ja' ya cac'bey te ya yaiy tsalaw te mach'atic ya yac' sbaic ta abatinel cu'une —xi'. Jich la yal te Cajwaltique.

1 Juan 2:25

Soc yalojix te Jesucristo te ya yac' cuxinucotic sbajt'el q'uinale.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

Romanos 8:1

Jich yu'un ta ora to, te mach'atic ayic ta swenta te Cristo Jesuse, ma'yuquix ta swentaic te castigo yu'un te smulique. [Ja' te mach'atic ma ba st'unojix pasel te bila swenta nax te sbaq'uetale, te ja' st'unojix ta pasel te bila swenta te Espiritue.]

Judas 1:24

Te jip jtul Dios te bayal sp'ijile, te Jcoltaywanej cu'untic, ay yu'el ta scanantaybelex te manchuc ya xyalex ta mulile, swenta yu'un ma me ayuc amulic te ya atejc'an abaic ta stojol ta bay te yutsilale. Jich me bayal ya xbujts'naj awo'tanic yu'un. Ay yutsilal stuquel, soc ay ta ich'el ta muc', soc ay yu'el, soc ya xmandalaj spisil ora ta swenta te Cajwaltic Jesucristo, ja' to ta xjajch'ibal, soc ta ora to, soc ta sbajt'el q'uinal. Jichuc.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Juan 5:24

“Jamal ya calbeyex, ja' te mach'a ya yaiybon stojol te jc'ope, soc teme ya xch'uun te mach'a la sticunon tele, ya me xcuxin sbajt'el q'uinal. Ma ba ya x'ac'ot ta castigo, jich ma'yuquix ta swenta lajel, ayix ta swenta cuxinel.

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

1 Juan 5:11

La yalbotiquix ta testigo-c'op te Diose te ya yac'botic jcuxlejaltic sbajt'el q'uinal, te cuxlejale ja' ta swenta te Snich'ane.

Judas 1:21

Jc'axel ac'a abaic ta bay xc'uxul yo'tan te Diose. Soc maliyaic te bi c'aalil ya xc'uxtayotic te ya yac'botic jcuxlejaltic sbajt'el q'uinal ta jpisiltic te Cajwaltic Jesucristoe.

1 Pedro 1:5

Ya me scanantayex ta yu'el te Diose ta swenta xch'uunjel awo'tanic, swenta yu'un jich me ya ataic te bila chajbanbil te ya yac'beyex awich'ic ta slajibal c'aale.

Salmos 37:28

Melel te Cajwaltic ja' ya smulan te bila stojil ta pasel. Ma ba ya spijt'es te mach'a jun yo'tan ta stojole; yan te mach'atic amen yo'tanic ya slajin stuquel, jc'axel ya slajinbey sts'umbal.

Deuteronomio 33:3

Te Cajwaltic c'ux ta yo'tan te lum yu'une, ya scanantay te mach'a ya yac' sba ta sc'abe; ya me yac' sbaic ta ye'tal yacan, ya xch'uunic mandal yu'un.

Isaías 45:17

Ja'uc me to, te Israel coltayotix yu'un te Cajwaltique, sbajt'el q'uinal te coltayel la yac'beye; mero ma xjilic ta q'uexlal stuquelic, ni ma me peq'ueluc ya xjilic yu'un.

San Juan 11:25

Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

Jeremías 31:3

ta c'ubul tal cac' jba ta ilel yu'unic. Jo'on c'uxbajemat ta co'tan sbajt'el q'uinal; ja' yu'un jich nix yutsil co'tan ta atojol ta ora to.

Judas 1:1

Jo'on Judason te abaton yu'un te Jesucristoe, soc ja' jbanquil te Jacoboe. Ya jpatbeyex awo'tanic ja'ex te ic'bilex yu'un te Jtatic Diose, soc te ch'ultesbilex yu'une, soc te canantaybilex yu'un te Jesucristoe.

Proverbios 24:16

Manchuc me ya xyal juqueb buelta, pero ya me xjajch' xan juqueb buelta. Yan stuquel te mach'atic amen yo'tanique, ya me xc'oic bael ta lajel stuquelic.

2 Tesalonicenses 2:13

Jich yu'un, quermanotac, ya sc'an ya calbeytic wocol Dios ta awentaic, te c'uxex ta yo'tan te Cajwaltique, te bit'il xjajch'ibal to stsaojex Dios yu'un te ya xcolexe. Ja' ta swenta te Espíritu te ya xch'ultesbeyex awo'tanique, soc ja' ta swenta te ay xch'uunjel awo'tanic yu'un te smelelil c'ope.

San Juan 3:36

Te mach'a ya xch'uun te Nich'anile, ya me xcuxin sbajt'el q'uinal. Te mach'a ma sc'an xch'uun te Nich'anile, ma xyil te cuxinele. Ja' nax quechel yilimba Dios ta stojolic.

2 Timoteo 1:12

Ja' swentail te ay jwocol yu'un ta ora to. Ja'uc me to, ma ba ya xq'uexawon yu'un, melel ya jna' te mach'a jch'uuneje, soc xch'uunej co'tan te bit'il ay yu'el ta scanantayel te bila cac'ojix jilele ja' to te c'alal ya sta sc'aalelal te ya xcha'tal xane.

Romanos 5:21

Jich bit'il ay yu'el ta yaq'uel lajel te mulile, ja' nanix jich te yutsil yo'tan te Diose ay yu'el ta yaq'uel ta libre yu'un mulil soc ta yaq'uel cuxinel sbajt'el q'uinal ta swenta te Cajwaltic Jesucristoe.

Job 17:9

Ya yaq'uic puersa ta yalel te toj yo'tanic stuquelic, soc te ma'yuc smul te sc'abique.

1 Timoteo 1:16

Ja'uc me to, la xc'uxtayon te Diose, swenta yu'un jich me ya yac' ta ilel ta jwenta te bit'il bayal perdón ay ta yo'tan te Jesucristoe. Ja' ejemplo ya yilic a te mach'atic patil ya xch'uunic te Jesucristoe, swenta yu'un jich me ya staic xcuxlejalic sbajt'el q'uinal yu'un.

Romanos 6:23

Melel te stojol te mulile, ja' te lajele. Yan te majt'anil yu'un te Diose ja' te cuxlejal sbajt'el q'uinal ta swenta te jun c'oemotic soc Cristo Jesús te Cajwaltique.

Romanos 5:17

Teme ta swenta nax jtul winic te la xc'axintay mandal la yu'unin spisil ants-winiquetic te lajele, ja' nix jich c'axem to xan ya me yich'ic xcuxlejalic spisil te mach'atic ayic ta c'uxtayel yu'un Dios ta swenta jtul Winic, ja' te Jesucristoe. Soc majt'anil ya x'ac'otic ta libre yu'un te smulique.

Romanos 5:2

Ja' ta swenta Cristo te quich'ojtic c'uxtayel yu'un te Diose, ta swenta te xch'uunjel co'tantique. Jich ay yip co'tantic yu'une, soc jich toyol co'tantic ta smaliyel te yutsilal te Diose.

Hechos 7:59

Te c'alal yacalic ta xch'ojel ta tone, te Esteban la sc'opon Dios. Jich la yal: —Cajwal Jesús, ic'bon jch'ulel —xi'.

San Juan 14:19

Jteb sc'an xch'ayon ta sitic te mach'atic ayic ta balumilale. Yan te ja'exe, ya to awilon xan atuquelic. Melel cuxulon te jo'one, jich me ya xcuxinex uuc te ja'exe.

San Juan 6:47

Jamal ya calbeyex, te mach'atic ya xch'uunonique ya me xcuxinic sbajt'el q'uinal.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

Jeremías 32:40

Ya me jpas trato soc ta sbajt'el q'uinal: Ya me cal ta jamal te ma'yuc bi ora ya xquejch'aj ta pasel cu'un ta stojolic te bila leque, soc ya jnojesbey ta yo'tanic ta yich'belonic ta muc', soc te ma'yuc bi ora q'uejel ya yac' bael yo'tanic.

1 Samuel 2:9

Te Cajwaltic ya me scanantay ta beel te mach'atic jun yo'tanic ta stojole; yan te mach'atic amen yo'tanic ya me xlajic ta yijc'al q'uinal stuquelic. Melel ma'yuc mach'a ya xju' ya yaiy tsalaw ta swenta nax te yip.

Romanos 5:9

Jich yu'un, te bit'il libre c'oemotic yu'un te jmultic te bit'il la smal xch'ich'el te Cristoe, c'axem to xan ya xcolotic ta yilimba te Dios ta swenta te Cristoe.

San Juan 6:68

Te Simón Pedro la yal: —Cajwal, ¿mach'a yan ya xbootic ta stojol? Melel ja'at nax atuquel te ay cuxinel sbajt'el q'uinal ta swenta te ac'ope.

San Lucas 23:46

Tulan awun te Jesuse, jich la yal: —Jtat, ya cac'bat ta ac'ab te jch'ulele —xi' ta aw. Te c'alal jich la yale, loc' xch'ulel.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

Salmos 31:5

Ya cac'bat ta ac'ab te jch'ulele; coltayawon, Cajwal, te Diosat ta melele.

San Marcos 13:22

Melel ay ya xchicnaj lotil cristoetic soc lotil j'alwanejetic. Ya me spasic señailetic soc jchajp at'eliletic. Ya me slo'layic uuc te mach'atic tsabilic yu'un te Diose te yacuc xju' yu'unique.

Isaías 55:3

La'ic ta jtojol, soc aiya awaiyic, aiybon awaiyic stojol te jc'ope, yu'un jich me ya xcuxinex. Te jo'one ya jpas trato ta sbajt'el q'uinal ta atojolic, jich me ya xc'ot ta pasel te bit'il caloj ta swenta xc'uxul co'tan ta stojol David.

Isaías 27:3

Jo'on te Ajwalilon te ya jcanantay, spisil ora ya cac'bey ya'lel. C'aal ajc'ubal ya jcanantay swenta yu'un ma'yuc bi ya x'ac'bot swocol yu'un.

Jeremías 23:4

Ya cac'bey jcanantaywanej yu'un te ya scanantayic ta lec, swenta yu'un ma me ayuc xiwel ya yaiyic, ni ma me xch'ay jcojt'uc. Jo'on Ajwalilon, jich ya cal —xi'.

San Juan 10:29

Melel ja' yac'ojbon ta jwenta te Jtate te cajal yu'el stuquele. Ma'yuc mach'a ya xju' ya spojbey loq'uel ta sc'ab te Jtate.

1 Juan 1:2

Ac'ot ta ilel te cuxinele. Te jo'on soc te jo'taque la quiltic. Ja' testigo c'oemon yu'un soc te jo'taque. Ja' ya calbeyex awaiyic sc'oplal te cuxinel sbajt'el q'uinale, te sjoinej sba soc te Tatil te chicnajix ta jtojoltique.