San Juan 10:2 - Bible in Tzeltal de Oxchuc y Tenejapa

² Yan te mach'a ya x'och bael ta ti'corrale, ja' jcanan-chij stuquel abi.

Nuevo Testamento Tzeltal de Amatenango

² Pero te machꞌa ya xꞌoch ta tiꞌ korale, jaꞌ jkanan-karnera abi yuꞌun ya skanantay.

Bible in Tzeltal Bachajón

² Yan te mach'a ya x'och ta sti'il, ha me te jcanan yu'un te tuminchijetic stuquel.

San Juan 10:2 Referans Kwoze

San Juan 10:14

“Jo'on te lequil jcanan-chijone. Ya sna'bon jba te Jtate soc ya jna'bey sba uuc. Ja' nanix jich jna'bey sba te chijetic cu'une soc ya sna'bonic jba uuc. Soc ya cac' jba ta lajel yu'un te chijetique.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

1 Pedro 5:4

Jich te c'alal ya xchicnaj te Mach'a mero Jwolwanej yu'un te jcanan-chijetique, ya me awich' acoronaic te ma sna' xlaj soc te jelawen yutsile.

Salmos 23:1

Te Cajwale ja' pastor cu'un; ma'yuc bi ya spasbon falta.

Isaías 40:11

Jich me ya xtal te bit'il jtul jcanan-chij te ya scanantay te xchije; te ya stsac jajch'el ta sc'ab te alal chijetic yu'une, ya spet bael ta stan, ya me yat'elin scanantayel te mero alaletic toe.

Eclesiastés 12:11

Te p'ijil c'opetic yu'un te mach'atic ay sp'ijilique, jich c'oemic te bit'il chicote ya quich'tic tojtesel ae. Te c'alal yich'ojix chajbanel a, jich c'oemic te bit'il estacaetic te buen lec yich'ojic ts'apele, ts'apbil yu'un jtul nax jcanantaywanej.

Hebreos 13:20

Te Dios, te ya yac' lamal q'uinale, la xcha'cuses tel ta bay animaetic te Cajwaltic Jesucristo te Muc' Jcanantaywanej yu'un te chijetique, te ja' ta swenta xch'ich'el te chajbaj a te trato te sbajt'el q'uinal aye.

1 Timoteo 4:14

Bayaluc me sc'oplal ta awo'tan te amajt'an te ac'bilate soc te ac'botat ta awenta te c'alal c'opojic ta atojol te j'alwanejetic yu'un te Diose, soc te la scajanbat sc'abic ta ajol te ancianoetique.

San Juan 10:9

Jo'on ti'corralon. Te mach'a ya x'och bael ta jwenta, ya me xcol. Jun yo'tan ya x'och soc jun yo'tan ya xloc' ta corral, soc ya me sta swe'el tey a.

San Juan 10:7

Jich yu'un te Jesús la xcha'yalbey yaiyic xan: —Jamal ya calbeyex, jo'on ti'corralon yu'un te chijetique.

Zacarías 11:8

Ta jun nax u la jloq'ues oxtul jcananetic te c'ax co'tan yu'unique, jich nix la yilayonic.

Zacarías 11:5

Te mach'atic ya smanique, ma muliluc ta yo'tanic te ya smilique. Jich te mach'atic ya xchonic bael, jich me ya yalic: “Wocol la yal te Cajwaltic, jc'ulejonix”, xiic yu'un. Ni ja'uc te jcananetic yu'unic ya xna'bot yo'bolil sbaic yu'un te chijetique.

Zacarías 11:3

Ac'a me awunicuc ta oq'uel te jcanan-chijetic, melel te yutsilal te aquetic jc'axel la yich'ix lajinel. Ya xchicnaj sme'ba aw te león-choj, melel te pimil q'uinal ta Jordán, jc'axel lajemix jilel.

Ezequiel 34:23

Ya me cac' chicnajuc xan tel te cabat David, ja' me ya cac' ochel ta jcanan-chij stuquel. Ja' me ya xcanantayotic yu'un, ja' me jcanantaywanej yu'unic ta mero melel stuquel.

Salmos 80:1

Jcanan-chijat ta stojol Israel, te ya awic' ta beel te José, jich ya awic' ta beel te bit'il jtsojp chijetique, ja'at te ay amuc'ul nactijib ta sba querubinetic, aiybon awaiy jc'op. Lecuc me ta asit te Efraín,

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

1 Pedro 2:25

Yu'un ta neelal jich ayex te bit'il chijetic te jowejemique. Ja'uc me to, sujt'emexix tel ta stojol te Cristoe te ja' Jcanantaywanej awu'unic stuquel te yat'elinej scanantaybel te ach'ulelique.

Tito 1:5

Te bit'il la quijq'uitayat jilel ta bay sq'uinal Creta, ja' swentail te ya me alajin ta chajbanel te bila quechel jilel ta chajbanele, soc ta juju-jpam lum ay me mach'atic ya awac'bey yich' yat'elic ta ancianoil yu'un te jch'uunjeletique, jich bit'il te la calbat jilel mandale.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Miqueas 5:5

Ya me yac' lamal-o'tanil stuquel. C'alal ya yochintay asiriaetic te jlumaltic soc te ya x'ochic ta muc'ul palacioetic cu'untic, ya me jticuntic bael ta yilbeyel sba soc juqueb jtsobwanejetic soc waxactul winiquetic te muc' sc'oplalique.

Isaías 63:11

La sna'ic te bit'il ay te namey q'uinale, ja' te Moisés te la yac' ta libre te slumale. Jich la sjojc'obey sbaic: —¿Banti ay te Dios te la scoltay loq'uel ta muc'ja' Nilo te Moisés, te ja' jcanantaywanej yu'un te chijetique? ¿Banti ay te Dios te la yac'bey ta stojol Moisés te ch'ul espíritu yu'une?

San Mateo 15:11

Ma ja'uc amen sc'oplal ya xc'ot ta stojol Dios te winic yu'un te bila ya yotses ta yee. Ja' amen sc'oplal ya xc'ot ta stojol Dios yu'un te bila ya xloc' tel ta yee —xi' te Jesuse.