San Juan 1:49 - Bible in Tzeltal de Oxchuc y Tenejapa

⁴⁹ Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

Nuevo Testamento Tzeltal de Amatenango

⁴⁹ Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

Bible in Tzeltal Bachajón

⁴⁹ La sjac' te Natanael: ¡Rabí, ha'at te Snich'anat Dios! ¡Ha'at Ajwalilat yu'un Israel! xchi.

San Juan 1:49 Referans Kwoze

San Juan 1:34

Jich la quil te jo'one. Jo'on testigoon yu'un te ja' Snich'an Dios stuquele —xi' te Juane.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Sofonías 3:15

Te bit'il chapal ac'oplal te ya awich' castigo, la slajinbeyix sc'oplal te Cajwaltic, soc la stenix bael te acontrotaque. Te Cajwaltic, te Muc' Ajwalil yu'un Israel, ay me ta awolilic; ma'yuc bila amen ya axi'ic.

San Lucas 19:38

—¡Bin nax yutsil te Muc' Ajwalil te talemix ta swenta te Cajwaltique! ¡Lamalix q'uinal ta ch'ulchan! ¡Jelawen yutsil te Mach'a ay ta ch'ulchane! —xiic ta aw.

San Mateo 27:42

—La scoltay yantic, ja'uc me to, ma xju' ya scoltay sba stuquel. Teme melel te ja' muc' ajwalil yu'un te Israele, couc tel ta cruz ta ora to. Jich me ya jch'uuntic.

San Mateo 21:5

“Albeya te lum yu'un Sión: ‘Ilawilic, talix te muc' ajwalil awu'unique. Peq'uel yac'oj sba. Scajtibinej tel te yal me' burra soc te alal burro te yal te cuch-ijc'atsil’, xaat me”, te xie.

San Mateo 2:2

Jul sjojc'oyic: —¿Banti ay te muc' ajwalil yu'un te judioetic te ayinemixe? La quilbeytic te ec' yu'un te banti talemotic ta stojol sloq'uib c'aale, jich yu'un tal quich'tic ta muc' —xiic.

San Juan 1:38

Te Jesús la sujt'es sba ta yilel. La yil ts'acal tel ta spat te chebique. La sc'opon: —¿Bi ya aleic? —xi'. La sjaq'uic: —Rabí (ja' bi, Maestro, xi' c'oem), ¿banti nainemat? —xiic.

San Mateo 27:11

Te Jesús la yich' tejc'anel ta stojol te Gobernador. Jich jojc'obot yu'un: —¿Ja'at bal Muc' Ajwalilat yu'un te judioetique? —xi'. La yal te Jesuse: —Ja'at te jich la awale —xi'.

San Mateo 14:33

Jich te mach'atic ayic ta barcoe la squejan sbaic ta stojol te Jesuse. Jich la yalic: —Melel nix a te ja'at Snich'anat te Diose —xiic.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

Miqueas 5:2

Ja'at Belén Efrata, manchuc teme ch'in jxujt'at te ayat ta yolil te mach'atic sts'umbal Judá, tey ya xloc' tel ta atojol jtul ajwalil yu'un Israel, ja' me sts'umbal te namey q'uinal sme'-state —xi'.

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Salmos 110:1

Te Cajwaltic Dios jich la yalbey te cajwale: “Naclan ta jwa'el, ja' to c'alal ya cac'bat apech' ta teq'uel te acontrotaque”, xi'.

Daniel 9:25

Ya sc'an te ya ana'bey swentail in to soc te ya xc'ot ta awo'tan ta mero melel: Te bi ora ya yich' alel mandal ta jachel xan te Jerusalén soc te ya me yich' cha'pasel xan, ja' to teme jul tel te ch'ul jwentainwanej, ya me xc'ax juqueb semana. Te calleetic soc joyob ts'ajc' te ya yich'ix xan pasel ta Jerusalén, ya me xjalajic cheb xchanwinic (62) semana, pero ta spisil in c'aal to, ay me bayal wocol a.

Salmos 2:6

“La caq'uix ta mandalteswanej te muc' ajwalil cu'une, ta bay ch'ul wits Sión cu'un”, xi' me.

San Mateo 4:3

Jich te pucuje tal yilbey yo'tan te Jesuse. Jich la yal: —Teme ja'at Snich'anat te Diose, albeya in tonetic to te ya xc'atp'uj ta waje —xi' te pucuje.

San Mateo 23:7

Soc ya smulanic te ya xpatbot yo'tanic ta comonsitil ta bay yolil ch'iwich, soc ya smulanic te “maestro” ya x'utotic yu'un te ants-winiquetique.

San Mateo 23:8

“Yan te ja'exe, ma me x'ac'anic te “maestro” xi' ac'oplalique. Melel awermano abaic ta apisilic soc jtul nax maestro ay awu'unic.

San Marcos 15:32

Teme melel te ja' Cristo te Muc' Ajwalil yu'un te Israele, couc tel ta cruz ta ora quiltic. Jich me ya jch'uuntic —xiic. Soc la slabanic uuc te mach'atic pajal jipilic ta cruz soque.

San Lucas 1:35

Jich la yal te ch'ul abate: —Ya xjul ta awenta te Ch'ul Espiritue. Ya me yaxintesat ta yu'el te Ch'ul Dios te mero toyol aye. Jich te ch'ul alal ya x'ayin awu'une, Snich'an Dios ya xc'ot te sbiile.

San Juan 1:50

La yal te Jesuse: —¿Ja' bal la ach'uunon yu'un te la calbat te la quilat ta yanil higo-te', te xoone? C'ax to xan muc' ya awil bael ta patil a in bit'il to —xi'.

San Juan 4:31

Te c'alal baem ta lum ta yalel sc'oplal Jesús a te antse, te jnopojeletique la yalbeyic wocol te Jesuse: —Maestro, we'an —xiic.