Josué 9:8 - Bible in Tzeltal de Oxchuc y Tenejapa

⁸ Ja'uc me to, la yalbeyic te Josué: —Te jo'otic ya cac' jbajtic ta abatinel awu'unic —xiic. La sjojc'obey: —¿Mach'aex a te ja'exe? ¿Banti talemex? —la yut.

Bible in Tzeltal Bachajón

⁸ Pero la yalbeyic te Josué: Ho'otcotic a'batotcotic awu'un, xchihic. ¿Mach'ahex a? ¿Banti talemex? xchi te Josué.

Josué 9:8 Referans Kwoze

2 Reyes 10:5

Te mayordomo yu'un te sna ajwalil, te mach'a yich'oj yat'el ta stojol lum, te mamaletic soc te mach'atic swentainejic te sts'umbal ajwalile, jich la sticunbeyic ta alel te Jehú: “Te jo'otique ayotic ta awenta. Ya me jpastic spisil te bitic ya awac' jpastique, pero ma'yuc mach'a ya cac'tic ta muc' ajwalil. Pasa te bi ya sc'an awo'tan ya apase”, xiic.

Deuteronomio 20:11

Teme la sc'anic te lamal q'uinal te yajwal te lume, teme ya yaq'uex ochel ta lec naxe, ya me xtuun awu'unic ta abatil, ya me awaq'uic ta at'el ta puersa.

Josué 9:11

Jich yu'un te mamaletic cu'untic soc spisil te jlumale, la yalbotic: “Chajbanaic bael awe'elic ta swenta abeibic, baanic ta banti ayique. Albeyaic te ya cac' jbajtic ta abatinel ta stojolic, soc te yacuc sc'anic te ya jchap jc'optic soque”, la yutotic tel.

Josué 9:27

ja'uc me to, la yac' ta scuchel si' soc ta sliquel ja' yu'un te lum soc te xchic'jibal smajt'an te Cajwaltic, chican ta bay ya stsabey yawil stuquele. Te gabaonetic jich nix yat'elinejic ta ora yo'tic to.

Josué 9:25

Ja'uc me to ayotic me ta ac'ab, pasbotic ta jtojoltic te bila lec ya awaiy ta awo'tanic, soc te bila toj ta pasel ya awaiyique —xiic.

Josué 9:23

Mero ma me lecuc ac'oplal ya xc'oex yu'un, abatex me ya xc'oex ta jc'axel. Ya me ach'uyic si' soc ya me aliquic ja' te ya xtuun ta sna te Dios cu'une —la yut.

Josué 10:6

Jich yu'un te mach'atic ayic ta Gabaón la sticunbeyic bael c'op te Josué ta scampamento spisil te israeletic ta Gilgal, jich la yalic bael: “Ma me wocoluc x'awaiyic te ya xtalex ta scoltayel te abatetic awu'une, la' coltayawotic ta ora, la' situya abaic soc ta jwentatic. Te ajwaliletic yu'un amorreoetic te ayic ta witstiquil, jun la stsobix sbaic tel spisilic ta guerra ta jtojoltic”, xi' bael sc'opic.