Josué 9:1 - Bible in Tzeltal de Oxchuc y Tenejapa

¹ Te ajwaliletic yu'un te hititaetic, amorreoetic, cananeoetic, ferezeoetic, heveoetic soc te jebuseoetique, la yaiyic stojol te bila c'oem ta pasele. (Tey nainemic ta stojol smalib c'aal yu'un te muc'ja' Jordán: ta bay witstiquil, ta bay alan q'uinal bael yu'une, soc ta spamlej bael ta ti'ti' muc'ul Mar Mediterráneo, ja' to ta sq'uinal Líbano.)

Bible in Tzeltal Bachajón

¹ Te c'alal la ya'iyic te bintic c'ohtix ta pasel spisil te ajwaliletic te ayic ta stojol smahlib c'ahc'al yu'un te muc'ul-ha' Jordán, ha te ayic ta witsiltic soc ta spamlejtic soc ta spisil sti'il te Muc'ul Mar c'alal ta Líbano, ha te heteo, amorreo, cananeo, ferezeo, heveo soc te jebuseohetic,

Josué 9:1 Referans Kwoze

Números 34:6

“Te smojonil ta smalib c'aal, ja' sti'il te Mar Mediterráneo.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

Josué 3:10

Ja' laj me seña te ay ta coliltic te cuxul Diose. Ja' te bit'il c'alal ya xc'axotic baele, ya laj me xjajch' sticunbotic loq'uel te cananeoetic, hititaetic, heveoetic, ferezeoetic, gergeseoetic, amorreoetic soc te jebuseoetique.

Éxodo 23:23

Te ch'ul abat cu'un ya me xneelaj bael awu'un. Tey me ya yiq'uex bael a ta bay slumal te amorreoetic, hititaetic, ferezeoetic, cananeoetic, heveoetic soc te jebuseoetique. Ja'ic te ya cac' ta lajel ta spisilic.

Josué 24:11

Patil c'axex bael ta muc'ja' Jordán, c'oex c'alal ta Jericó. Te mach'atic nainemic ta Jericó soc te amorreoetic, ferezeoetic, cananeoetic, hititaetic, gergeseoetic, heveoetic, soc te jebuseoetique la yac'beyex guerra; ja'uc me to, la cac'beyex ta ac'abic.

Josué 23:4

Jo'on la jpucbey ta swenta snumeroil ta na'el te sq'uinalic ta spisil ta jchajp sts'umbal te awermanotaque. Ma ja'uc nax la jpuc te q'uinal ta bay ich'bilixe, la me jpuc ta bay quechel ta ich'ele, ja' to me ta muc'ja' Jordán ta stojol sloq'uib c'aal, c'alal ta Mar Mediterráneo ta stojol smalib c'aal.

Josué 22:7

Te olil sts'umbal Manasés, te Moisés la yac'beyix sq'uinalic ta sq'uinal Basán. Te yan olil sts'umbal Manasés, te Josué la yac'bey sq'uinalic ta bay yantic israeletic, ta stojol smalib c'aal yu'un muc'ja' Jordán. Te mach'atic ay sq'uinalic ta jejch' ja', la sc'anbey bael bendición, soc la sticun sujt'el,

Josué 22:4

Ta ora to te Cajwaltic la sc'otes ta pasel te bitic yalojbey sc'oplale. Jich yu'un te bit'il lamalix jilel q'uinal ta stojol te quermanotactic, sujt'aniquix bael ta anailpaq'uic c'alal ta aq'uinalic te la yac'beyex Moisés te yabat Cajwaltic, ta jejch' muc'ja' Jordán ta stojol sloq'uib c'aal.

Josué 15:12

Ta slajibal, te mojón te ay ta stojol smalib c'aal, ja' sti'il te Mar Mediterráneo. Ja' mojonetic yu'un te q'uinal c'ot ta swentaic te sts'umbal Judá te la yich' puquel te jayeb ta jchajp te sts'umbale.

Josué 13:5

Quechel xan te sq'uinal te gibletic, soc spisil te Líbano ta stojol sloq'uib c'aal, c'alal ta Baal-gad te ay ta yoc wits Hermón ja' to ta yochibal Hamat.

Josué 11:17

C'alal ta wits Halac te jajch'em bael ta stojol Seir, soc ja' to ta Baal-gad ta bay spamlej yu'un Líbano ta yoc wits Hermón, te Josué la stsac soc la smil spisil te muc' ajwaliletic yu'un spamal te q'uinale.

Josué 10:23

Jich la spasic te israeletic, la sloq'uesic tel ta nailch'en te ajwaliletique, ja' te muc' ajwalil yu'un Jerusalén, yu'un Hebrón, yu'un Jarmut, yu'un Laquis soc te yu'un Eglón.

Josué 5:1

Spisil te muc' ajwaliletic yu'un te amorreoetic te ayic ta swenta smalib c'aal yu'un Jordán, soc te muc' ajwaliletic yu'un te cananeoetic te nopol ayic ta Mar Mediterráneo, la yaiyic stojol te taquinaj ya'lel te Jordán, te c'axic tel tey a te israeletique. Jich och bayal xiwel ta yo'tanic, jich ma'yuc bila la yalbeyic ta stojol te israeletique.

Josué 3:17

Spisil te israeletic c'axic bael ta staquin lumil Jordán te bit'il tec'ajtic ta yolil a te sacerdoteetic te sq'uechojic te scajonil trato yu'un te Cajwaltique, taquin soc tulan te slumile.

Josué 1:15

ja' to me c'alal ya x'ac'botic ta bay ya xcux yo'tanic yu'un te Cajwaltique. Ta patil ya me sujt'ex bael ta bay aq'uinal te la yac'beyex te Moisés te yabat te Cajwaltique, ja' ta jejch' ja' Jordán ta bay stojol sloq'uib c'aale. Ja' me ya awu'uninic ta jc'axel —xi' te Josué.

Josué 1:4

Ya cac'bat spisil te q'uinal c'alal ta bay jochol taquin q'uinal ja' to c'alal ta witsetic yu'un Líbano, soc c'alal ta muc'ja' Éufrates, ja' spisil te sq'uinal hititaetic, ja' to c'alal ta Mar Mediterráneo.

Deuteronomio 7:1

“Te Cajwaltic te Dios awu'unique ya me yiq'uex ochel ta lumq'uinal te ya yac'beyex awu'uninique. Ya xch'ojbeyex loq'uel ta asitic jucpam nacionetic te mero muq'uic soc te bayal yipique, te c'axem jich yipic a te bit'il ja'exe. Ja'ic te hititaetic, gergeseoetic, amorreoetic, cananeoetic, ferezeoetic, heveoetic soc te jebuseoetique.

Deuteronomio 4:49

soc ta spisil te Arabá ta stojol sloq'uib c'aal yu'un Jordán, c'alal ta Mar Muerto ta ye'tal wits Pisga.

Deuteronomio 3:25

Ya calbat wocol te yacuc awac'on c'axel ta jejch' ja' Jordán, yu'un co'tan xquil te buen lequil q'uinale, ja' te buen t'ujbil witstiquil soc te Líbano”, xoon.

Éxodo 34:11

“Ch'uunaic te jmandal la calbeyex te naxe. Ya me jticunbeyex loq'uel ta atojolic te amorreoetic, cananeoetic, hititaetic, ferezeoetic, heveoetic soc te jebuseoetique.

Éxodo 23:31

Ta bay c'alal ya xcom te aq'uinalique, jich ay: Ja' to me ta bay Mar Rojo, c'alal ta bay mar yu'un te filisteoetic, soc te bay jochol taquin q'uinal, soc c'alal ta bay muc'ja' Éufrates. Cac'ojbatix ta ac'abic yajwal te lumq'uinal, ja'ex me ya atenic loq'uel.

Números 13:29

Ta sq'uinal Néguev nainemic te amalequetic, soc ta witstiquil nainemic te hititaetic, te jebuseoetic soc te amorreoetique. Ta nopol mar soc ta ti'ti'muc'ja' Jordán, nainemic te cananeoetique —xiic.

Josué 6:27

Te Cajwaltic la scoltay te Josué, jich pujc' bael sc'oplal ta spamal te q'uinale.

Josué 9:7

Te israeletic la sjac'beyic sc'op te heveoetique: —Teme repente nopol nax ayex, ¿bit'il ya jchaptiquix jc'optic a? —xiic.

Deuteronomio 1:7

Tsoba abiluquic, baanic ta witsetic yu'un amorreoetic soc ta spisil q'uinaletic te slac'oj sba soque: ja'ic te suclej Arabá, te toyol witstiquil, te peq'uel witstiquil, te sq'uinal Néguev, te sti'il mar, te slum-sq'uinal cananeoetic, te Líbano soc c'alal ta muc'ja' Éufrates.

2 Samuel 24:7

Patil bajt'ic ta lum Tiro te joytabil ta ja' te wocol ta ochintayel, soc ta spisil te lumetic yu'un heveoetic soc te cananeoetique, ja' to c'otic ta loq'uel ta sur yu'un Judá, ta lum Beerseba.