Josué 8:8 - Bible in Tzeltal de Oxchuc y Tenejapa

⁸ Te c'alal ayix ta ac'abic a, chic'aic me, jich bit'il yaloj mandal te Cajwaltic, melel ja' smandal stuquel —xi'.

Bible in Tzeltal Bachajón

⁸ Te c'alal la awu'untayiquix a, ya me achiq'uic; ya me apasic hich te bin ut'il yaloj te Jehová. A'iya me awa'iy, la jpasex ta mandar, xchi.

Josué 8:8 Referans Kwoze

2 Samuel 13:28

Jich la yalbey te abatetic yu'une: —Ya me awilic ta lec te Amnón te c'alal yacubenix yu'un te vino. Te c'alal ya calbeyex te ya amilique, milaic me. Ma me xiwex ta smilel, melel jo'on jmandal. Ja' yu'un ma me xiwex, ayuc me yip awo'tanic ta spasel —xi' ta stojol te swinictaque.

Josué 1:16

La sjaq'uic ta spisilic: —Ya me jpastic spisil te bila mandal ya awalbotique, ya me xbootic ta bay ya aticunotique.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Jueces 4:6

Ay jun c'aal te Débora la sticun ta iq'uel jtul winic Barac sbiil, snich'an Abinoam. Te winic ainem ta Cedes, jpam lum te ay ta sq'uinal sts'umbal Neftalí. Te Débora jich la yalbey: —Te Cajwaltic te Dios cu'untic te israelotic, ay smandal ya yalbat: “Baan ta bay wits Tabor, tsoba lajunmil (10,000) ta jtul winiquetic tey a te sts'umbal Neftalí soc sts'umbal Zabulón.

Josué 8:28

Te Josué la xchic' te lum Hai, busulbus a jil, asta c'alal ora chican yo'tic.

Josué 6:24

Te israeletic la xchiq'uic te lum soc spisil te bitic ay tey a. Ja' nax la sloq'uesic te plata, te oro soc te bitic pasbil ta bronce soc ta hierro. La yaq'uic ta sq'uejibal ta stojol te Cajwaltique.

Deuteronomio 20:16

Ja'uc me to, ta bay lumetic yu'un te nacionetic ya yac'beyex awu'uninic te Cajwaltic te Dios cu'untique, ma'yuc cuxul ya awijq'uitayic stuquel.

Josué 8:2

Lajina jilel ta milel te lum Hai soc te ajwalil yu'une, jich bit'il la alajin jilel te Jericó soc te ajwalil yu'une. Ta ora yo'tic ya me xju' ya awu'uninbeyiquix te sbiluquic soc xchamsbalamic te mach'atic ya xlajique. Chajbana te soldadoetic awu'un, muquen ya xba snac' sbaic ta bay spat bael te lume. Jich ma sna'ic te bila muquen ya xtal ta stojolique —xi' te Cajwaltique.

Josué 8:7

Jich yu'un te ja'exe ya me xloq'uex tel ta bay anac'oj abaique. Ya me awu'uninic te lume, melel te Cajwaltic te Dios cu'untique ya yac'botic ta jc'abtic.

Josué 8:9

Jich yu'un te Josué la yalbey mandal te ya xbajt'ique. Jich bajt'ic ta snac'bel sbaic ta bay olil ay yu'un te lum Betel te lum Hai, ja' ta swenta smalib c'aal yu'un Hai. Yan te Josué c'ax ajc'ubal yu'un ta campamento.

Josué 8:22

Te israeletic te la yu'uniniquix te lume, loq'uic tel, tal slapic ta olil te swinictac Hai. Jajch' yac'bey sbaic guerra soc, ja' to c'alal la smilic ta spisil.

Josué 8:13

Ja' yu'un te soldadoetic cha'chajp a loc' a. Te jchajbe ba snac' sbaic ta smalib c'aal yu'un te lume. Te yane ja' te la spasic scampamentoic ta stojol norte. Ta ajc'ubal neelaj bael te Josué soc soldadoetic yu'un c'alal ta yolil stenlej xatal q'uinal.