Josué 7:16 - Bible in Tzeltal de Oxchuc y Tenejapa

¹⁶ Te Josué buen sab jajch' ta yan c'aal. La yalbey mandal te lum te ya xtal stejc'an sbaic ta stojol Cajwaltic ta chajbalchajp sts'umbal. Te Cajwaltic la yac' ta ilel te sts'umbal Judá.

Bible in Tzeltal Bachajón

¹⁶ Hich te Josué sab hahch, la yac' ya xnohpoj tal Israel ta jujuchahp; la yich' tsahel te jchahp yu'un Judá.

Josué 7:16 Referans Kwoze

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Salmos 119:60

Cac'ojix puersa, ma ba ya xch'ajubon ta spasel te mandaliletic awu'une.

Josué 3:1

Ta yan c'aal ta buen sab te Josué soc spisil israeletic loq'uic bael ta Sitim, c'otic ta muc'ja' Jordán, tey c'o spas scampamentoic a.

Génesis 22:3

Jich yu'un te Abraham buen sab a jajch' ta yan c'aal, la xchajban sburro. La yic' bael te snich'ane, ja' te Isaac, soc la sjoin bael cheb abatetic yu'un. La xch'uybey bael si'il te milbil smajt'an te Diose. Jajch'ic ta beel, bajt' ta banti albot yu'un te Diose.

Josué 7:15

Te mach'a yich'oj te bila sc'oplal ya yich' jinel ta jc'axele, ya me yich' chiq'uel ta sjunal sna soc spisil te sbiluque, ta scaj te la spas te bila ma lecuc ta yolil Israel. Ma la xch'uunic te bi la cal ta atojolique —xi' te Cajwaltique.

Josué 7:17

Jich te Josué la yalbey te sts'umbal Judá te ya stejc'an sbaic ta stojol Cajwaltic ta chajbalchajp. Ac'ot ta ilel te mach'atic sts'umbal Zara. Ta spisilic te mach'atic sts'umbal Zara, ac'ot ta ilel te mach'atic yal-snich'an jilel Zabdi.

Jueces 20:19

Jich yu'un te soldado-israeletic buen sab a jajch'ic, ba spas scampamentoic ta nopol lum Gabaa.