Josué 7:12 - Bible in Tzeltal de Oxchuc y Tenejapa

¹² Ja' swentail te ma xju' yu'unic stsalel te scontroic te alumale, ya me xloq'uic ta anel ta stojolic. Ta ora to ja' ya sc'an te ya yich' milel spisil te alumal Israel te jichuque. Teme ma ba ya ajinic ta ora te bi la calbey sc'oplal ta jinele, jich ma xtal joinex xan.

Bible in Tzeltal Bachajón

¹² Ha scuentahil te ma xhu' ya stsalic te scontra te snich'nab Israel, te ha ya xloq'uic ta ahnel ta stojol te scontra, como ha'ic nix parte ac'biliquix ta scuenta lajel. Ma ba ya joquinexix teme ma ba yac alajin ta awohlilic te bintic parte ac'bil ta scuenta lajel.

Josué 7:12 Referans Kwoze

Isaías 59:2

Ja'uc me to, te amulic te c'oem ta pasel awu'unique, ja' smacojex ta stojol te Diose; smacojix sit yu'un te amulique, ja' ma xyaiybeyex stojol yu'un.

Jueces 2:14

Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Números 14:45

Jich yu'un loq'uic tel te sts'umbal Amalec soc te cananeoetic te nainemic tey a. La snutsic te israeletic ja' to c'alal ta lum Horma. Jc'axel la yich'ic tsalel.

Josué 6:18

Soc te ja'exe ma me ayuc bi ya atsaquic jtebuc te bitic ay yu'un te lume, melel te Cajwaltic ya yac' ta lajinel ta jc'axel. Teme ay mach'a ya stsaque, ya me xtal woclajel ta jtojoltic jpisiltic te israelotique, ya me yac'otic ta jinel.

Deuteronomio 7:26

Ja' yu'un ma me x'awich'ic bael ta anaic te bila ilaybile, swenta yu'un ma ba ya awich'ic lajinel a, melel ja' me ay ta swenta lajel stuquel. Ja' yu'un ya me sc'an te ilaybiluc awu'unique.

Habacuc 1:13

Te ja'ate c'ax jelawen awutsilal, ma snujp'in ya awil te bitic ma lecuque; ma lecuc awo'tan yu'un te mulile. ¿Bi yu'unix a jiche te ma'yuc bila ya awalbey te j'uts'inwanejetique, te ma xc'opojat yu'un ta stojol te mach'a c'ax amen yo'tanic te yac ta slajinel te mach'atic ma pajaluc yo'tanic soque?

Oseas 9:12

Teme ay nix ju' yu'unic xch'ijtesel te snich'nabique, ya me jpojbey, ma ba ya quijq'uitaybey ni jtuluc. Obol sbaic te ants-winiquetic te c'alal q'uejel ya cac' jba ta stojole.

Jeremías 23:33

“Jeremías, teme ay jtul yajwal te lume, jtul j'alwanej, o jtul sacerdote te ya sjojc'obate: “¿Bila a te c'op mero al awentainej yu'un te Cajwaltique?” teme ya yutate, albeya: “Te Cajwaltic ya yal te alex jichuc ijc'atsil te ja'exe, te jich ya xch'ojex bael”, ya me awut.

Jeremías 6:8

Tojtesa aba ta lec, Jerusalén. Teme ma jichuc ya apase, ma me lecuc co'tan yu'un, ya me jq'uej jba bael ta atojol. Ya me jc'atp'unat ta jochol taquin q'uinal; ma me ayuc ants-winiquetic ya quijq'uitaybat —xi' te Cajwaltique.

Proverbios 28:1

Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.

Jueces 2:4

C'alal laj yo'tan ta c'op te ch'ul abat yu'un Cajwaltic, spisil te israeletic jajch'ic ta tulan aw ta oq'uel.

Números 14:39

C'alal Moisés la yalbey te israeletic te bila la yal te Cajwaltic, spisilic bayal la smel yo'tanic yu'un.

Jueces 16:20

Awun te Dalila: —¡Sansón, ya slumtayat te filisteoetique! —xi'. Te Sansón wijc' te site. La scuy te ya to xju' scoltayel xan sba, jich bit'il la spasulay ta jujun buelta. Ma ba sna'oj stojol te ijq'uitaybilix yu'un te Cajwaltique.

1 Samuel 14:38

Ja' yu'un jich la yal te Saúl: —La', noptsajanic tel ta apisilic te jayebex te jtsobwanejex yu'un soldadoetic, na'a awaiyic mach'a a te sleoj smule.

Salmos 44:10

La awac' sujt'ucotic ta anel ta stojol te jcontrotique; ya yelc'anbotic jbiluctic te mach'atic xti'ton slab yo'tanic ta jtojoltique, chican yo'tanic bila ya sc'an yich'ic bael.

Salmos 60:10

Melel ja'at Dios cu'untic la ach'ayotiquix; ma ba ya xloc'atix ta guerra soc te soldadoetic cu'untique.

Números 14:42

Ma me xbaex xan, melel ma ba ya sjoinex bael te Cajwaltique. Te acontro ya me stsalex.

Números 14:43

Ya me smaliyex te sts'umbal Amalec soc te cananeoetic, ya me yac'beyex guerra soc ya me smilex. Ja' yu'un te la awijq'uitay ta awo'tanic te Cajwaltic, jich ma ba sjoinejexix —xi' te Moisese.