Josué 7:11 - Bible in Tzeltal de Oxchuc y Tenejapa

¹¹ Te alumal israeletic staoj smulic. La xc'axintayic te trato la jchap soque, melel la stsaquic te biluquetic la calbey sc'oplal te ma stsaquique. Sna'ojic stojol te ma'yuc permiso ya stsaquic; ja'uc me to, la stsaquic ta puersa. Tey snac'ojic ta bay sbiluquic.

Bible in Tzeltal Bachajón

¹¹ Stahoj smul te Israel, la sc'axuntayic te chapbil-c'op cu'un, ha te la jpasex ta mandar. La stsaquic te bintic parte ac'bil scuenta lajel, la ya'iyic elec', la ya'iyic lot soc la sq'uejic ta yohlil te sbiluquique.

Josué 7:11 Referans Kwoze

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

Hechos 5:9

Te Pedro la yalbey: —¿Bistuc la achap ac'op ta achebalic te la awilbeyic yo'tan te Espíritu yu'un te Cajwaltique? Aiya awaiy stojol, ayix ta ti'nail te mach'atic c'o smucbat jilel te amamlale. Ja' nix ya yich'bat bael abaq'uetal te ya smucbate —xi'.

San Mateo 22:21

La yalic: —Ja' te Cesare —xiic. Jesús la yalbey yaiyic: —Te bila ja' yu'un te Cesare, ac'beyaic me jiche, soc te bila ja' yu'un te Diose, ac'beyaic me uuc —xi' te Jesuse.

Zacarías 5:4

Te Cajwaltic te Spisil ya xju' yu'un jich yaloj ta jamal: “Jo'on ya jticun te castigo swenta yu'un ya me x'och ta sna te mach'a ya x'elc'aje, soc ya me x'och ta sna te mach'a ay bila ya stojol-tabon ta alel ta lot te jbiile. Te castigo tey me ya x'ain a, asta ja' to teme laj te sts'amte'al soc te tonetic yu'un te snae”, xi' me —xi' te ch'ul abate.

Habacuc 2:6

Ja'uc me to, spisil te nacionetic ya xcaj slabanic te j'u'uninwanejetic yu'unique, jich ya sc'ajintaybey sc'oplalic: “¡Ya me awil awocol ja'at te ya apas aba ta jc'ulej a te bila ma ja'ucat awu'une! ¿Jayeb xan buelta ya atsob te c'ulejalil ya alo'laye?” xi' me sc'oplal.

Oseas 6:7

“Ja'uc me to, te lum cu'un pajal soc Adán, la xc'axintayic te trato cu'un soc ma junuc yo'tanic ta jtojol.

Jeremías 31:32

Te trato ya jpase, ma jichuc te bit'il la jpas soc te antiguo sme'-static, c'alal la jtsacbey tel sc'abic te la jloq'ues tel ta Egipto. Melel ma la sc'otesic ta ch'uunel te trato cu'une, manchuc teme jo'on yajwalonique. Jo'on Ajwalilon, jich ya cal.

Isaías 24:5

Te balumilal boloben yu'un te mach'atic nainemic tey a, melel la yijq'uitayic ta pasel te mandaliletic, la xc'axintay ta spisilic, la xch'ayic ta ch'uunel te trato te ay ta sbajt'el q'uinale.

2 Reyes 18:12

Jich c'ot ta pasel melel ja'ic nix ma ba la xch'uunbeyic te smandal te Cajwaltic te Dios yu'unique. Yu'un la xc'axintaybeyic te bi c'opil chapal ta stojolic yu'une, soc ma ba la yich'beyic ta wenta spisil te bi la yal ta pasaw ta mandal ta stojolic te Moisés yabat te Cajwaltique, soc ma ba la spasic.

Jueces 2:20

Ja' swentail te ilin yo'tan Cajwaltic ta stojol Israel. Jich la yal: “Te lume, ma xyich'ic ta muc' te trato jchapoj soc te antiguo sme'-statique, soc ma sc'an xch'uunbonic te jc'ope.

Josué 23:16

teme ma x'ac'otesic ta pasel te trato te la xchap ta atojolique. Teme ya xbaex ta xch'uunel yantic diosetic, soc teme ya xba aquejan abaic ta stojol, ya me x'ilin ta atojolic te Cajwaltique, jich me ora ya slajinex ta q'uinal ta bay mero lec te la yac'beyexe —xi' te Josué.

Josué 7:1

Ay jtul te ay ta swenta sts'umbal Judá, Acán sbiil. Ja' snich'an Carmi, smam Zabdi, soc ja' xcha'lamal smam te Zara. Ay biluc la stsac te albil sc'oplal te ya yich'ic jinel ta jc'axele. Ja'uc me to, spisil israeletic la smulinic ta stojol te Cajwaltique, melel Acán la stsac te biluquetic albil mandal yu'un te ya yich' jinel ta jc'axele. Ja' swentail te bayal ilin Cajwaltic ta stojolic.

Deuteronomio 17:2

“Teme ay ta lumetic te banti ya yac'beyex te Cajwaltic te Dios cu'untique, teme ay ya xchicnaj te ay ants o winic te ya spas te bila ma smulan te Cajwaltique, te ya xc'axintaybey te trato yu'un,

Levítico 5:15

—Te mach'a ma spasemaluc yo'tan ya sle smul, teme la sta falta ta swenta bit'il la scom sba ta yaq'uel te bila ch'ultesbil cu'un jo'on te Ajwalilone, ya me xju' ya yic'bon tel jcojt' xchij te ma'yuc bila boloben ta sbaq'uetal, swenta milbil jmajt'an yu'un te falta staoje, ya me yic'bon tel ta jtojol jo'on te Ajwalilone. Te stojol te chije ya me yich' tojel ta plata, chican te bit'il ay te sp'isjibal yalal te yac ta tuunel ta ch'ul awilal ta swenta te majt'anile.

Josué 7:10

Te Cajwaltic la sjac': —Jajch'an, ¿bi ya apas te pacalat ta lume?

1 Samuel 14:38

Ja' yu'un jich la yal te Saúl: —La', noptsajanic tel ta apisilic te jayebex te jtsobwanejex yu'un soldadoetic, na'a awaiyic mach'a a te sleoj smule.

2 Reyes 5:24

C'alal c'otic ta ch'in wits, te Giezi la stsac te plata yich'oj te abatetique. La sq'uej ta sna, la sticun sujt'el te abatetique.