Josué 6:6 - Bible in Tzeltal de Oxchuc y Tenejapa

⁶ Te Josué la yic' tel te sacerdoteetic, jich la yalbey: —Q'uechaic bael te scajonil trato yu'un te Cajwaltique. Te ja'ex te juctulexe, neelajanic bael yu'un te cajón soc xulubil tat chij —xi'.

Bible in Tzeltal Bachajón

⁶ Ha yu'un te Josué snich'an Nun la yic'ticlan tal te sacerdotehetic, hich la yalbe: Q'uechahic bahel te scaxahul te chapbil-c'op, soc ac'a yich'ic bahel huqueb xulub tat tuminchij huctuhl sacerdotehetic te ya xnahilijic bahel yu'un te scaxahul te chapbil-c'op yu'un Jehová, xchi.

Josué 6:6 Referans Kwoze

Hechos 9:1

Te Saulo ma ba xquejch'aj ta yalel smilel te jnopojeletic yu'un te Cajwaltique. Jich ba sc'opon te muc' sacerdotee.

Josué 6:13

Te juctul sacerdoteetic neelajic bael, patil ay te cajón yu'un te Cajwaltique. Ma ba quejch'ajic ta beel soc ma ba quejch'ajic ta yoq'uesinel te xulubil yu'unique. Te winiquetic te yich'oj yat'ejibic yu'un guerra, neelaj bael stuquelic, te yantique beenic bael ta spat te cajone. Te xulubil yu'unique ma ba quejch'ajic ta yoq'uesinel.

Josué 6:8

Jich la spas spisilic te bit'il la yal mandal te Josué. Te juctul sacerdoteetic neelajic c'axel ta scajonil trato yu'un te Cajwaltique, yacalic ta yoq'uesinel ta sjuctululic te xulubil yu'unique. Tey ay bael ta spatic te scajonil trato yu'un te Cajwaltique.

Josué 3:6

Jich la yalbey te sacerdoteetic: —Q'uechaic bael te scajonil trato, c'axanic bael ta ja' ta stojol te lume —xi'. Te sacerdoteetic la sq'uechic jajch'el te scajonil trato, c'axic bael ta stojol te lume.

Josué 3:3

Jich la yalbeyic mandal te israeletique: —Ya me awilic te c'alal ya xc'ax scajonil trato yu'un Cajwaltic te ya sq'uechic bael te sacerdote-levitaetique, jich me ya xjajch'ex ta beel, ts'aclinaic bael.

Éxodo 25:14

Xija c'axel ta xch'ocowil te ayic ta jujun xujc' te scajonile, jich me ya aq'uechic bael a.

Josué 6:5

Te c'alal ya awaiybeyic stojol sc'op te xulubil yu'unic te ya xjalaj ta oq'uesinel yu'unique, tulan me ya x'awunex. Jich me ya xjin coel a te sts'ajc'ul te lum Jericó. Jich yu'un juju-jtul toj me ya x'animajex ochel ta yutil te lume —xi' te Diose.

Josué 6:7

Soc jich la yalbey te israeletique: —Baanic joyintayaic te lume. Te winiquetic te yich'oj yat'ejibic yu'un guerra, ac'a neelajuc bael yu'un a te cajón yu'un Cajwaltic —xi'.

1 Samuel 4:3

Te c'alal c'otic ta scampamentoic te israeletic, jich la yal te mamaletic yich'oj yat'el yu'unique: —¿Bi yu'un te la yac'otic ta tsalel yu'un filisteoetic te Cajwaltique? Ya xba quich'tic tel te scajonil trato yu'un Cajwaltic te ay ta Silo, swenta yu'un ya me sjoinotic ta beel ta coliltic, soc jich me ya scoltayotic ta sc'ab a te jcontrotique —xiic.

Josué 24:11

Patil c'axex bael ta muc'ja' Jordán, c'oex c'alal ta Jericó. Te mach'atic nainemic ta Jericó soc te amorreoetic, ferezeoetic, cananeoetic, hititaetic, gergeseoetic, heveoetic, soc te jebuseoetique la yac'beyex guerra; ja'uc me to, la cac'beyex ta ac'abic.