Josué 6:4 - Bible in Tzeltal de Oxchuc y Tenejapa

⁴ Juctul sacerdoteetic ya xneelajic ta beel yu'un te scajonil trato te q'uechbil baele, te juju-jtule ya me yich'ic xulubil tat chij. Ta sjuquebal c'aal juqueb me buelta ya sjoyintayic te lume, soc te sacerdoteetic ya me yoq'uesinic te xulubil yu'unique.

Bible in Tzeltal Bachajón

⁴ Huctuhl sacerdotehetic ya yich'ic bahel huqueb xulub tat tuminchij, ha ya xnahilijic bahel yu'un te scaxahul te chapbil-c'op. Ta shuquebal c'ahc'al huqueb buelta ya me ajoyobtayic te pueblo, yac ta yoq'uesinel xulubiletic a te sacerdotehetique.

Josué 6:4 Referans Kwoze

Apocalipsis 16:1

La caiy stojol te ay mach'a tulan c'opoj loq'uel tel ta bay yutil templo te jich la yalbey te juctul ch'ul abatetique: “Baanic, malaic ta balumilal te juqueb copaetic te nojel ta yilimba te Diose”, utotic.

2 Crónicas 20:17

Ma me ja'uquex ya xbaex ta atsalbel abaic soc ta guerra. Tejc'ana abaic tey a ta bay ya xc'oexe, ch'abanic me, ya me awilic bit'il ya caq'uex ta libre, jo'on te Ajwalilone. Yajwalex Jerusalén soc ta spisil Judá, ma me xiw awo'tanic, soc ma me xnijc' awo'tanic; baan ta stojolic pajel, melel ya me joinex bael”, xi' te Cajwaltique —xi' te j'alwaneje.

Apocalipsis 8:2

La quil ay juctul ch'ul abatetic tec'ajtic ta stojol te Diose. Ac'botic juqueb oq'uesetic.

2 Crónicas 20:21

Te c'alal laj yo'tan ta xchapel c'op soc te lume, la sle mach'atic ya xc'ajinic ta c'ayoj te jich ya yale: “Albeyaic wocol te Cajwaltique, melel te xc'uxul yo'tane sbajt'el q'uinal ay”, te xie. Te c'alal yacalic ta c'ayoj, slapojic xch'ul-c'u'ic, soc yacalic ta beel ta stojolic bael te soldadoetique.

1 Reyes 18:43

La yalbey te yabate: —Baan, ilawil bael ta stojol mar —la yut. Jich ba yil, patil jich la yal: —Ma'yuc bi chican —xi'. Pero pasot xan ta mandal yu'un Elías: —Baan juquebuc buelta —xi' sc'oplal.

Levítico 14:16

Ya me yajts'es a te yal swa'el sc'ab ta aceite te yich'oje, soc ya me stsijts'an juqueb buelta a te aceite ta stojol te Cajwaltique.

Apocalipsis 15:7

Soc ay cojt' ta xchancojt'ol te bitic cuxajtique la yac'bey ta sc'abic te juctul ch'ul abatetic te juqueb copaetic te pasbil ta oro te nojelic ta yilimba Dios te stalel cuxul sbajt'el q'uinale.

Apocalipsis 15:1

Ta ch'ulchan la quil yan muc'ul seña te yan sba ta ilele. Ja' bi, ay juctul ch'ul abatetic te yich'ojic te juqueb castigoetic te ya yac' ta patil, te ja' ya slajinbeyic yip yilimba a te Diose.

Apocalipsis 10:3

Tulan awun ta c'op jich bit'il ya x'awun te león-choje. Te c'alal awune, ay juqueb chawuc te awunic ta sjac'bel te sc'ope.

Apocalipsis 8:6

Jich te juqueb ch'ul abatetic te yich'oj ta sc'abic te juqueb oq'uesetique, la xchajban sbaic ta yoq'uesinel.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.

Apocalipsis 5:1

Soc la quil te ay balbil jun te stsacoj ta swa'el sc'ab te mach'a nacal ta muc'ul nactijibale. Ay bila ts'ibubil ta yutil soc ta spat te balbil june, soc yich'oj juqueb sello.

Apocalipsis 1:20

Jich ay sc'oplal te muquen c'op te juqueb eq'uetic te ay ta swa'el jc'abe soc te jucch'ix yawil c'ajc' te pasbilic ta oroe: Te juqueb xtuchtijib eq'uetique, ja' sc'oplalic te juctul ch'ul abatetic te ayic ta bay te jucchajp jch'uunjeletique, soc te jucch'ix xtuchtijib c'ajc' te la awile, ja' sc'oplal te jucchajp jch'uunjeletique —xi' la caiy.

Apocalipsis 1:4

Jo'on Juanon te ya jpatbeyex awo'tanic ja'ex te jucchajp jch'uunjelex te ayex ta sq'uinal Asia. Ac'a yac'beyex bayal yutsil yo'tan, soc lamaluc me q'uinal ya awaiyic yu'un te mach'a stalel aye, te ay ta namey tele, soc te mach'a talelixe, soc uuc te juqueb espirituetic te ayic ta yelaw te muc'ul nactijibale,

2 Reyes 5:10

Pero te Eliseo la sticun ta alel yu'un yabat: —Baan, poca aba juqueb buelta ta muc'ja' Jordán. Jich te abaq'uetale ya me xlecub —la yut.

Números 23:1

Jich yu'un te Balaam la yalbey: —Pasbon juqueb scajtijib ta chiq'uel majt'aniletic li'to, soc chajbanbon juqueb toroetic soc juqueb tat chijetic —xi' te Balaam.

Zacarías 4:6

Te ch'ul abat c'opoj xan: —Ja' in to ja' te sc'op ya yal Cajwaltic ta stojol Zorobabel: “Ma ta swentauc bayal soldadoetic soc ma ta swentauc awip. Jo'on ta swenta Espíritu cu'un jtuquel”, xi' te Cajwaltic te Spisil ya xju' yu'une.

Zacarías 4:2

—¿Bila yacat ta yilel? —la yuton. La jac'bey: —Yacon ta yilel scajtijib c'ajc' te pasbil ta oro, te ay yawil aceite ta sbae. Ta stoyolil te scajtijib c'ajc' ay juqueb yawil c'ajc', te ay juqueb tuboetic yac ta c'oel aceitee tey a.

Isaías 27:13

Te bi c'aalil ya cale, ya me yich' oq'uesinel te muc'ul oq'ues. Te mach'atic ch'ayemic ta bay Asiria, jich nix te ayic ta Egipto, ya me xtal squejan sbaic ta stojol te Cajwaltic ta Jerusalén, ta bay ch'ul wits.

Job 42:8

Yo'tic ya me atsaquic juqueb toroetic soc juqueb tat chijetic. Baanic ta stojol te cabat Job, ac'aic ta scojt'ol chic'bil majt'anil ta jtojol yu'un awu'unic ja'ex. Te cabat Job ya me sc'oponon ta awentaic, ya me quich'bey ta wenta te sc'ope, jich ma'yuc bila amen ya cac' c'otuc ta atojolic, manchuc me jich ya sc'an pasel ta atojolic te jichuque, melel ma ja'uc la awalic te bila smelelil jc'oplale, jich te bit'il la spas stuquel te cabat Job —xi'.

2 Crónicas 20:19

Te mach'atic levitaetic, te sts'umbalic Coat soc te sts'umbalic Coré, jajch'ic ta yalel yutsil sc'oplal te Cajwaltic te Dios yu'un Israel, mero tulan la yalic ta aw.

2 Crónicas 13:12

Ayuc me ta awo'tanic jiche te ay ta jtojoltic te Dios soc te sacerdoteetic yu'une. Chapalic meix te oq'uesetic te ya yich' oq'uesinel yu'un guerra ta atojolic te ja'exe. Ya me calbat xan, israeletic, ma me xawac'bey guerra te Cajwaltic Dios yu'un te antiguo jme'-jtatic, melel ma me xju' awu'unic te ya awaiyic tsalaw —xi' te ajwalil Abiam.

Levítico 4:6

Tey me ya xc'o yajts'es ta ch'ich' a te yal sc'abe, ya me stsijts'an juqueb buelta ta jtojol jo'on te Ajwalilone, tey me ya stsijts'an bael ta stojol te pac' macal a te Mero Ch'ul Awilale.

Génesis 2:3

La yac'bey bendición te sjuquebal c'aal soc la xch'ultes, ja' yu'un te la xcux yo'tan ta swenta spisil yat'el te la spase.

Josué 6:3

Jich yu'un ja'ex te soldado-israelex jun me buelta ya xbeenex ta sjoyintayel jujun c'aal te lume, waqueb me c'aal te jich ya apasique.

Josué 6:5

Te c'alal ya awaiybeyic stojol sc'op te xulubil yu'unic te ya xjalaj ta oq'uesinel yu'unique, tulan me ya x'awunex. Jich me ya xjin coel a te sts'ajc'ul te lum Jericó. Jich yu'un juju-jtul toj me ya x'animajex ochel ta yutil te lume —xi' te Diose.

Josué 6:13

Te juctul sacerdoteetic neelajic bael, patil ay te cajón yu'un te Cajwaltique. Ma ba quejch'ajic ta beel soc ma ba quejch'ajic ta yoq'uesinel te xulubil yu'unique. Te winiquetic te yich'oj yat'ejibic yu'un guerra, neelaj bael stuquelic, te yantique beenic bael ta spat te cajone. Te xulubil yu'unique ma ba quejch'ajic ta yoq'uesinel.

2 Reyes 5:14

Te Naamán bajt', c'o smul sba juqueb buelta ta Jordán, jich te bit'il pasot ta mandal yu'un te j'alwanej yu'un te Diose. Te sbaq'uetal jich c'ot te bit'il sbaq'uetal ch'in querem, mero lec a jil.