Josué 6:2 - Bible in Tzeltal de Oxchuc y Tenejapa

² Te Cajwaltic la yalbey te Josué: —Te jo'one cac'ojbatix ta ac'ab te Jericó, te muc' ajwalil yu'un soc te soldadoetic yu'une.

Bible in Tzeltal Bachajón

² Te Jehová la yalbe te Josué: Ilawil, la jca'batix ta ac'ab te Jericó, te ajwalil yu'un soc te swinic yu'un guerra.

Josué 6:2 Referans Kwoze

Deuteronomio 7:24

Te Cajwaltic ya me yac'beyex ta ac'abic te muc' ajwaliletic yu'unique. Te ja'exe ya me alajinic, yu'un jich me ma'yuc mach'a ya sna'ic xan ta balumilal. Ma me ayuc ni jtuluc ya xju' yu'un tsalaw ta guerra ta atojolic. Ja' yu'un ya me xju' awu'unic, ya me xju' ya alajinic ta spisilic.

Josué 8:1

Te Cajwaltic la yalbey te Josué: —Ma me xiwat, ma me xpejc'aj awo'tan. Tsoba spisil te soldadoetic awu'une; moanic bael, ac'beyaic guerra te lum Hai. Jo'on ya cac'bat atsal te ajwalil yu'un lum Hai soc te yajwale. Jich me ya awich'beyic te slumal soc spisil te sq'uinale.

Josué 2:24

Jich jul yalic: —Te Cajwaltique yac'ojbotiquix ta jc'abtic te q'uinale. Jo'otic ta jcajtic te lajem ya yaiyiquix yu'un xiwel te lume —xiic.

Josué 2:9

—Ya jna' te ja' ya yac'beyex in q'uinal to te Awajwal te Dios awu'unique, melel bayal yac'ojbotiquix xiwel. Spisil te yajwal lum lajemiquix ya yaiyic yu'un xiwel ta acajic te ja'exe.

Nehemías 9:24

Ochic bael, c'o yu'uninic te sq'uinal Canaán. La awac'bey spejc'an sbaic ta stojol te yajwal te lumq'uinale. Te muc' ajwaliletic yu'une soc ta spisil te yajwal ta spamal te q'uinale, la awac'bey ta sc'abic, swenta yu'un ya spasic te bila ya smulanic spasele.

Daniel 4:17

Ja' te castigo la yaq'uic j'il-q'uinal ch'ul abatetic in to, swenta yu'un spisil me winiquetic ya sna'ic te ja' Dios mero toyol ay yip yu'el ta stojolic te chajbalchajp ajwaliletic ch'ich'-baq'uetetique. Ja' ya yac' ochel ta ajwalil te mach'a ya sc'an yo'tane, ya yac' ochel ta jwentainwanej ta stojol jun nación te mach'a mero peq'uele, ja' te mero peq'uel yu'un te winiquetique’, xi' sc'op te j'il-q'uinal ch'ul abate.

Daniel 2:21

Ja' ya sjelbey sc'aalelal, soc yajtalul. Ya xju' yu'un ya sloq'ues ajwaliletic, soc ya yac' ochel ajwaliletic. Ya xju' ya yac'bey sp'ijil yo'tan te mach'a ay sp'ijile; ya xju' ya yac'bey snopjibal yu'un te mach'a ay bila sna'oje.

2 Samuel 5:19

Ja' yu'un te David la sjojc'obey te Cajwaltic, jich la yalbey: —¿Ya bal xju' ya xba jta ta guerra te filisteoetique? ¿Ya bal awac'on ta tsalaw ta stojolic? —xi'. La sjac' te Cajwaltique: —Yac, baan ac'beya guerra. Ya me cac'at ta tsalaw ta stojolic —xi' sc'oplal.

Jueces 11:24

Teme ja' te dios awu'unic, te Quemós sbiil, ya yac'beyex jtebuc q'uinal te ya awu'uninique, ja' awu'unic nix ya xc'ot a, ¿me jichuc? Jich te jo'otique, cu'untic nix c'ot a te bi la yac'botic te Cajwaltique.

Jueces 11:21

Ja'uc me to, te Cajwaltic te Dios cu'untic te Israelotic te lumotic yu'une, la yac'botic jtsaltic te Sehón soc te soldadoetic yu'une.

Daniel 4:35

Ta stojol stuquel, mero ma'yuc swentail te mach'atic ayic ta balumilale. Ja' me ya spas ta ch'ulchan soc ta balumilal te bila ya sc'an ya spase. Ma'yuc mach'a ya xju' yu'un ya scombey te yu'ele; ma'yuc mach'a ya xju' yu'un ya sjojc'obey bi yu'un jich ya spas.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Daniel 5:18

“Te Dios mero toyole la yac'bey ta swenta te at'el ta muc' ajwalil te Nabucodonosor, ja' te atate, soc la yac'bey yutsil sc'oplal soc la yac' ta ich'el ta muc'.

Josué 6:1

Ma'yuc jtuluc mach'a ya xju' ya x'och bael, soc ma'yuc mach'a ya xju' ya xloc' tel ta Jericó, melel la smacbeyic te yochibal sts'ajc'ul te lum ta sjoyobale. Yu'un jich ya scoltay sbaic ta sc'ab ta sc'opic a te israeletique.

Josué 6:3

Jich yu'un ja'ex te soldado-israelex jun me buelta ya xbeenex ta sjoyintayel jujun c'aal te lume, waqueb me c'aal te jich ya apasique.

Josué 12:9

Te muc' ajwaliletic la yich'ic tsalel ta jc'axel, ja'ic in to: ajwalil yu'un Jericó, yu'un Hai, ja' te nopol yiloj sba soc Betel,

Josué 20:1

Te Cajwaltic la sc'opon te Josué, jich la yalbey: