Josué 5:6 - Bible in Tzeltal de Oxchuc y Tenejapa

⁶ Melel te israeletic beenic cha'winic (40) ja'wil ta muc'ul jochol taquin q'uinal. Lajemiquix jilel stuquelic a te mach'atic staojiquix lec ya'wilalic te loq'uic tel ta Egipto, ja' te winiquetic te ma la xch'uunbeyic smandal te Cajwaltique. Ja' swentail te la yal ta jamal te ma xyac'bey yilic te q'uinal te albil yaiy te antiguo sme'-statique, ja' te q'uinal ta bay ya x'oquin leche soc chab c'oeme.

Bible in Tzeltal Bachajón

⁶ Como te snich'nab Israel behenic cha'winic (40) ha'bil ta jochol taq'uin q'uinal ha to c'alal cham spisil te winiquetic te ya xhu' ya yaq'uic guerra te loq'uic tal ta Egipto. Chamic ta scaj te ma ba la sch'uhumbeyic sc'op te Jehová. Ha yu'un la yal ta jamal te Jehová te ma ba ya ya'be yilic te q'uinal te la yalbe ta jamal te sme'static te ya ya'be, ha te q'uinal ta banti ya x'oquin leche soc chab.

Josué 5:6 Referans Kwoze

Números 14:23

ma me ayuc jtuluc ya yilic te q'uinal te la calbey yaiy sc'oplal te antiguo sme'-state. Ma me ayuc jtuluc ya yil te mach'atic ma lecucon ta yo'tanique.

Deuteronomio 2:14

“Te c'alal loc'otic jajch'el ta Cades-barnea, asta c'alal te bi c'aalil c'axotic ta beja' Zered, c'ax waxaclajuneb xcha'winic (38) ja'wil. Ta ora to, spisil lajiquix te winiquetic te ya x'at'ejic ta guerra te ayic ta campamento a, jich nix te bit'il jc'axel jamal albotic yu'un te Cajwaltique.

Hebreos 3:11

Ja' swentail te ilinon ta stojolique, te jc'axel ma xju' ya x'ochic tey a ta banti ay te cux-o'tan cu'une”, xi' te Ch'ul Espiritue.

Deuteronomio 2:7

Te Cajwaltic Dios awu'unique, yac'ojbeyex bendición ta spisil a te bitic apasojique. Te cha'winic (40) ja'wil ma la spijt'esex, la scanantayex ta beel tey ta muc'ul jochol taquin q'uinal, ma'yuc bila la spasex falta tey a.

Deuteronomio 1:3

Ta sbabial c'aal sjajch'el a te sbuluchebal u te sloq'uel cha'winic (40) ja'wil, te c'alal Moisés la stsalix te Sehón, te muc' ajwalil yu'un amorreoetic te nainem ta lum Hesbón a, soc te Og, te muc' ajwalil yu'un lumq'uinal Basán sbiil te nainem ta Astarot soc ta Edrei, te Moisés la yalbey yaiyic te israeletic spisil te bila mandalil albot yu'un Cajwaltic te ya sc'an ya spasique.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Ezequiel 20:15

‘Ja' nix jich tey ta jochol taquin q'uinal, jc'axel la calbeyix te ma ba ya cac' ochel tey ta lumq'uinal la cac'beye, ja' te ma'yuc yan q'uinal te pajal st'ujbilal soque, te banti ya x'oquin leche soc chab c'oeme.

Jeremías 2:2

—Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Deuteronomio 8:4

Te c'ax awu'unic te cha'winic (40) ja'wile, ma ba laj ac'u'-apaq'uic, soc ma ba sijt' awacanic.

Ezequiel 20:6

Ja' nix ta yorail a, la cal jba ta jamal te ya quic' loq'uel tel ta sq'uinal Egipto, te ya quic' bael ta lumq'uinal te jo'on jleoje, tey ta q'uinal te banti ya x'oquin leche soc chab c'oeme. Ja' te buen t'ujbil lumq'uinal, te ma'yuc yan pajal soque.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

Joel 3:18

Te c'alal ya xc'ot sc'aalelal, te vino soc te leche ya me x'oquin c'oem ta tseletic soc ta witstiquil. Te beja'etic yu'un Judá ya me yich'ic bael bayal ja'. Ta templo cu'un ya xchicnaj sloq'uibja' te ya yajts'es te stenlej xatal q'uinal yu'un Sitim.

Números 26:63

Jich c'ot ta loq'uel te censo yu'un te israeletic te la spas te Moisés soc te sacerdote Eleazar ta bay spamlej q'uinal yu'un Moab, ta sts'eel muc'ja' Jordán te ay ta jejch' ja' te lum Jericó.

Josué 5:5

Ja'ic ta spisilic te loq'uic tel ta Egipto yich'ojic circuncisión stuquelic; ja'uc me to, ay ayinic tel ta be ta jochol taquin q'uinal te mach'atic ma ba yich'ojic circuncisión.

Josué 5:7

Jich yu'un te Josué ja' la yac'bey yich'ic circuncisión te yal-snich'nabic te winiquetique, ja' te mach'atic ac'bot sjelolin yu'un Cajwaltic in winiquetic to, melel ma ba yich'ojic circuncisión, yu'un ayic to nax ta be stuquelic a.

Salmos 107:4

Ch'ayemic ta beel ta ji'ileltic ta jochol taquin q'uinal a, ma ba la stabeyic sbelal ni junuc lum te banti ya xju' ya xnainique.

Josué 1:6

Ma xiwat, pasa tulan, yu'un ja'at me ya x'och ta awenta spuquel sq'uinal te lume, ja' te la calbey ame'-atatic ta namey te ya cac'beye.

Josué 24:7

Te antiguo ame'-atatic la sc'opononic, jich la cac' tel muc'ul ijc'al q'uinal ta yolilic soc te egipcioetique, soc la cac' ch'ayuquic bael ta ja', mujq'uic bael. Ja'ex testigoex yu'un te bitic la jpas ta Egipto. “Ta patil c'ax bayal c'aal awu'unic ta muc'ul jochol taquin q'uinal,