Josué 5:5 - Bible in Tzeltal de Oxchuc y Tenejapa

⁵ Ja'ic ta spisilic te loq'uic tel ta Egipto yich'ojic circuncisión stuquelic; ja'uc me to, ay ayinic tel ta be ta jochol taquin q'uinal te mach'atic ma ba yich'ojic circuncisión.

Bible in Tzeltal Bachajón

⁵ Spisil te pueblo te loq'uic talel yich'ojic circuncisión stuquelic, yan te mach'atic ayinic ta be ta jochol taquin q'uinal te c'alal loq'uemiquix tal ta Egipto a ma ba yich'ojic circuncisión.

Josué 5:5 Referans Kwoze

Gálatas 6:15

Melel ta swenta Cristo Jesús, ma'yuquix sc'oplal teme quich'ojtic circuncisión, o teme ma ba quich'ojtique. Ja' ay sc'oplal teme ach'ubenotiquixe.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

1 Corintios 7:19

Melel ma'yuc sc'oplal te circuncisión teme awich'ojique o teme ma ba awich'ojique. Yan te bila bayal sc'oplale, ja' te ya ach'uunbeyic spisil smandal te Diose.

Romanos 2:26

Ja'uc me to, te mach'a ma ba yich'oj te circuncisione, teme jich ya spas te bit'il ya yal te mandalile, jich c'oemix ta stojol Dios te yich'oj circuncisione.

San Mateo 12:7

Te ja'exe ma ba ana'ojbeyic swentail te bila ts'ibubil ta Sjun te Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Te yu'unuc ana'ojbeyic swentaile, ma ba la alebeyic smul te mach'atic ma'yuc smulic te jichuque.

Josué 5:4

La sbojbey loq'uel snujc'ulel sjol sbaq'uetalic, melel spisil te winiquetic te staojix lec ya'wilalic a, te loq'uic tel ta Egipto, lajiquix jilel ta be stuquelic ta bay muc'ul jochol taquin q'uinal.

Josué 5:6

Melel te israeletic beenic cha'winic (40) ja'wil ta muc'ul jochol taquin q'uinal. Lajemiquix jilel stuquelic a te mach'atic staojiquix lec ya'wilalic te loq'uic tel ta Egipto, ja' te winiquetic te ma la xch'uunbeyic smandal te Cajwaltique. Ja' swentail te la yal ta jamal te ma xyac'bey yilic te q'uinal te albil yaiy te antiguo sme'-statique, ja' te q'uinal ta bay ya x'oquin leche soc chab c'oeme.