Josué 5:10 - Bible in Tzeltal de Oxchuc y Tenejapa

¹⁰ Te israeletic la spas scampamentoic ta Gilgal, soc ta xchanlajunebal c'aal yajtalul a te u, ta malc'aal la spasic te q'uin Pascua ta spamlej yu'un Jericó.

Bible in Tzeltal Bachajón

¹⁰ Te c'alal ayiquix ta campamento ta Gilgal a te snich'nab Israel la spasic te Q'uin Pascua ta schanlajunebal (14) c'ahc'al yu'un te u, ta stibiltayel q'uinal, ta spamlej yu'un Jericó.

Josué 5:10 Referans Kwoze

Éxodo 12:6

Ya to me scanantayic ja' to me ta xchanlajunebal sc'aalelal te ue. Jich ora ta spisilic juju-jtul israel ya me smilic te chambalam ta mal c'aalil.

Ezequiel 12:3

Ja' yu'un, chajbana abiluc, jich yilel te bit'il ya xbaatix, yu'un ya x'ic'otat bael ta mosoile. Ta c'aaleltic me ya apas, jich me ya yilic spisilic. Ya me xloc'at jajch'el ta ana, ya me xbaat ta yan q'uinal. Jich wan ya sna'ic te ja'ic te lum te tulan yo'tanique.

Éxodo 12:18

Ya me awe'ic te waj ma ba yich'oj levadura c'alal ta mal c'aal xchanlajunebal c'aal te sbabial u, ja' to me ta jun xcha'winic (21) yajtalul.

Levítico 23:5

“Ta xchanlajunebal c'aal sjajch'el a te sbabial u, ta yijc'ubel q'uinal ya me yich' pasel te Pascua swenta quich'jibal ta muc' jo'on te Ajwalilone.

Josué 4:19

Te israeletic loq'uic tel ta Jordán ta slajunebal c'aal xjajch'el a te sbabial u. Tey c'o spas scampamentoic ta Gilgal, ja' te bay stojol sloq'uib c'aal yu'un Jericó.

Josué 5:11

Ja' nix c'aal te la swe'ic pan te ma ba yich'oj levadura, soc te ch'ilbil sbac' trigo. Ja' la stuuntesiquix te bitic ya yac' te lumq'uinale.

Josué 9:6

C'alal c'otic ta Gilgal ta scampamento te israeletique, jich c'o yalbeyic te Josué soc te israeletique: —Talotic ta c'ubul q'uinal. Te jo'otic ya jc'antic ta atojolic te yacuc jchap jc'optic —xiic c'oel.

1 Samuel 7:16

Ta jujun ja'wil ya xbajt' ta lum Betel, Gilgal soc Mizpa, swenta yu'un ya xba xchajban te c'opetic yu'unic te israeletic ta spisil te juju-jtsojbe.

2 Samuel 15:28

Yan te jo'one ya to xjilon ta tec'oja' te ay ta jochol taquin q'uinal. Ya me jmaliy bi c'opil ya aticunbonic ta alel —xi'.

Jeremías 39:5

Ja'uc me to, te soldado-caldeoetic la snutsic bael, la staic bael te Sedequías ta spamlej bael yu'un Jericó. La xchuquic, la yiq'uic bael ta stojol te muc' ajwalil Nabucodonosor, te ay ta lum Ribla ta Hamat. Te Nabucodonosor tey la xchajbanbey sc'oplal a: la yal mandal ta milel te snich'nab Sedequías, soc spisilic te mach'atic muc' sc'oplalic ta Judá, ta sit te Sedequíase.

Miqueas 6:5

Lum cu'un, na'a me yo'tic te bitic chapal ta yo'tan te Balac te muc' ajwalil yu'un Moab, soc te bila sujt'ib sc'op la yac' te Balaam snich'an Beor. Na'a me c'alal ayat ta Sitim te c'axat bael ta Gilgal, soc na'a ta lec te la caiy tsalaw ta bayuc —xi' te Cajwaltique.

Éxodo 12:11

Alapoj meix ac'u'ic soc axanabic, soc atsacoj meix anabate' ta ac'abic abi. Ti'aic ta animaltic te sbaq'uetal te chambalame, melel Pascua yu'un te Cajwaltique.