Josué 5:1 - Bible in Tzeltal de Oxchuc y Tenejapa

¹ Spisil te muc' ajwaliletic yu'un te amorreoetic te ayic ta swenta smalib c'aal yu'un Jordán, soc te muc' ajwaliletic yu'un te cananeoetic te nopol ayic ta Mar Mediterráneo, la yaiyic stojol te taquinaj ya'lel te Jordán, te c'axic tel tey a te israeletique. Jich och bayal xiwel ta yo'tanic, jich ma'yuc bila la yalbeyic ta stojol te israeletique.

Bible in Tzeltal Bachajón

¹ Spisil te ajwaliletic yu'un te amorreohetic te ayic ta stojol smahlib c'ahc'al yu'un te muc'ul-ha' Jordán, soc te ajwaliletic yu'un te cananeohetic ta nopol mar, c'alal la ya'iyic bin ut'il Jehová la staquijtes te ya'lel Jordán ta stojol te snich'nab Israel ha to c'alal sohlic bahel, laj yip yo'tanic soc och bayel xiwel ta yo'tanic ta stojol te snich'nab Israel.

Josué 5:1 Referans Kwoze

Números 13:29

Ta sq'uinal Néguev nainemic te amalequetic, soc ta witstiquil nainemic te hititaetic, te jebuseoetic soc te amorreoetique. Ta nopol mar soc ta ti'ti'muc'ja' Jordán, nainemic te cananeoetique —xiic.

1 Reyes 10:5

te yutsil swe'el ta smesa, te snaic te sjo'tac ta at'el ta ajwalil soc te bi yilel ayic, te bi yilel te sc'u'-spaq'uic te abatetic yu'une, te mach'atic ya sc'asesic uch'baliletic, soc te chic'bil smajt'an Dios yacalic yaq'uel ta templo, mero jchajp nax q'uinal la yaiy yu'un a.

Apocalipsis 18:10

Q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Jich ya yalic yu'un: “Obol nax aba, ja'at muc'ul lum Babilonia, te bayal awipe. Yu'un ora nax c'ot castigo ta atojol”, xiic ta smelel yo'tanic.

Amós 2:9

Yan te jo'on la jambeyex ochel abeic, la jin te amorreoetique; la jlajin ta jc'axel, manchuc me c'ax najt'ic jichuc cedroetic soc tulanic jichuc c'antulanetic.

Daniel 5:6

toj bael xch'ich'el yu'un. Ta scaj te mero bayal och xiwel ta yo'tan, jajch' ta nijq'uel ta yacan c'alal ta sjol.

Ezequiel 21:7

Teme ay ya sjojc'obat bi yu'un te ya x'oc'ate, albeya te yu'un ay bila awaiyoj sc'oplal te nopol ya xc'ot ta pasele. Ta spisil yajwal lum ya me xch'ay q'uinal ya yaiyic yu'un. Ya me saybuj yoc sc'abic, ma'yuc mach'a ma xtal xiwel ta yo'tan. Ta spisilic me ya xnijc' yacanic yu'un xiwel. Ya xc'otix yorail, ya xjajch'ix ta pasel. Jo'on Ajwalilon te jich caloje —xi'.

Ezequiel 16:3

Jich xawalbey: “Jich ya yal ta seña-c'op te Cajwaltique: Te bit'il ay sc'oplal te ajajch'ibal, Jerusalén, jich ay: Te ja'ate, cananea-antsat ta awayinab to. Amorreo-winic te atate, soc hitita-ants te ame'e.

Salmos 135:11

ja' te Sehón, muc' ajwalil yu'un amorreoetic, ja' te Og, muc' ajwalil yu'un Basán, soc ta spisil te muc' ajwaliletic ta Canaán.

Esdras 9:1

C'alal ju' ta pasel in to, te jwolwanejetic talic ta jtojol, jich la yalbonic: —Te israeletic, soc nix te sacerdoteetic soc te levitaetique, ma ba ju'em yu'unic te parte yac'oj sbaic ta stojolic te mach'atic smacojic q'uinale, ja' te cananeoetic, hititaetic, ferezeoetic, jebuseoetic, amonetic, moabetic, egipcioetic soc te amorreoetique, manchuc me ilaybil sba te costumbre yu'unique te bit'il ma ba xch'uunejic te Diose.

2 Samuel 21:2

Te David la yic' tel te gabaonetic, c'opoj soc. (Te gabaonetic ma israeleticuc, jchajp sts'umbal amorreoetic te ay to jilemique. Ja'ic te ay bi mero jc'axel xchapojic soc te israeletic, pero te Saúl ay c'an slajin spisilic ta jc'axel. Yu'un la scuy te jich ay bi lec ya spasbey ta stojol te Israel soc te Judá.)

1 Samuel 25:37

C'alal sacub ta xchebal c'aal, te cuxix yo'tan ta yacubel a te Nabal, te Abigail la xcholbey yaiy spisil te bi c'ot ta pasele. Te Nabal, tup' yic', laj yip yoc sc'ab.

Jueces 11:23

¿Yu'un bal ya ac'an apojbotiquix yo'tic te sq'uinal amorreoetic, te la yich' pojel yu'un Cajwaltic, te la yac'botic te jo'otique?

Jueces 4:2

Jich yu'un te Cajwaltic la yac'bey ta sc'ab Jabín, ajwalil-cananeo ay ta lum Hazor. Te mach'a ay ta jtsobwanej ta swenta te soldadoetic yu'un Jabín, Sísara sbiil, nainem ta Haroset-goim.

Jueces 3:3

Jilic te jo'tul ajwalil filisteoetic, soc spisil te cananeoetic, sidonetic, soc heveoetic te ainemic ta witstiquil yu'un Líbano, c'alal ta wits Baal-hermón, ja' to c'alal ta bay ya xju' c'axel beel ta witstiquil ta lum Hamat.

Jueces 1:1

C'alal lajix a te Josué, te israeletic la sjojc'obeyic te Cajwaltic mach'a sts'umbal te neel ya xba yac'bey guerra te cananeoetique.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.

Josué 17:18

Ja' me witstiquil to te potsol ta niwac te'etic, ja' me ya awu'uninic xan, ya me awaiybeyic lec yutsilal te te'etique. Te cananeoetic ya me atenic loq'uel, manchuc me tulanic, soc manchuc me ay taq'uin scarretaic —xi' te Josué ta stojolic.

Josué 17:12

Ja'uc me to, te sts'umbal Manasés ma ju' yu'unic yu'uninel te lumetic, melel te cananeoetic tulan la yac' sbaic, jich jilic tey a.

Éxodo 23:28

Ta bay ya xbeenat bael muc' me xiwel ya cac' bael tey a. Jich me ya x'anic loq'uel ta atojol te heveoetique, te hititaetic soc te cananeoetique.

Génesis 48:22

Te ja'ate ay bayal la cac'bat atuquel, c'ax jich a te bit'il la cac'bey te abanquiltaque, ja' te lum Siquem te la jpojbey te amorreoetic c'alal la jtsal ta jpuñal soc ta jt'im —xi' sc'oplal yu'un.

Génesis 12:6

Yacalix ta c'axel bael ta sq'uinal Canaán te Abram, c'ot ta Siquem ta bay teq'uel jijte' te More sbiile. Te cananeoetic ja' yajwal te q'uinale.

Isaías 41:5

Te lumetic ta ti'ti'mar la yilic soc bayal och xiwel ta yo'tanic; nijc' te lumq'uinal ta juju-jejch' sti'il te q'uinale. Ya stsob sbaic tel, ya xtal yilic.

Josué 3:17

Spisil te israeletic c'axic bael ta staquin lumil Jordán te bit'il tec'ajtic ta yolil a te sacerdoteetic te sq'uechojic te scajonil trato yu'un te Cajwaltique, taquin soc tulan te slumile.