Josué 4:3 - Bible in Tzeltal de Oxchuc y Tenejapa

³ Albeya ac'a sloq'uesic lajchayeb tonetic ta yolil ja', ja' me te bay teq'uelic te sacerdoteetique. Ac'a yich'ic bael, tey me ya xc'o yaq'uic ta banti ya xc'o spas scampamentoic in ajc'ubal to —xi' te Cajwaltique.

Bible in Tzeltal Bachajón

³ soc hich yac apasulan ta mandar: Tamahic lahchayeb tonetic li' ta yohlil te Jordán, te banti teq'uelic te sacerdotehetic, ich'ahic bahel, tey ya xc'oht awaq'uic ta banti ya xc'ax ahc'abal awu'unic, xchi.

Josué 4:3 Referans Kwoze

Josué 4:8

Jich te lajchaytul winiquetic la spasic te bit'il la yal mandal te Josué: la stsaquic tel lajchayeb tonetic ta Jordán, jujun la yich'beyic swenta juju-jchajp sts'umbal Israel, la yich'ic tel ta bay scampamentoique. Tey la yaq'uic a te tonetique, jich bit'il yalojbey Cajwaltic te Josué.

Josué 3:13

Te c'alal ya sq'uechic sacerdoteetic te scajonil trato yu'un te Cajwaltic, te ja' Yajwal yu'un spamal te balumilale, te c'alal nax ya yac' stan yacanic ta ja', ya me sq'uep sba te ja'e, cha'q'uejp me ya yac' sba. Te ja' ya x'oquin tel ta cajale, ya me scom sba ta oquinel, ya me stsob sba jilel tey a. Jich la yal te Diose —xi' te Josué.

San Lucas 19:40

La yal te Jesuse: —Ya calbeyex: Teme ya scom sbaic ta aw ta spisilic in to, ja' ya xjajch'ic ta aw uuc te tonetique —xi'.

Salmos 103:2

Ya calbey yutsil sc'oplal Cajwaltic ta spisil co'tan; ma ba ya jch'ay ta co'tan te jc'uxtayel yu'une.

Salmos 11:4

Te Cajwaltic ay ta ch'ul templo yu'un; ay smuc'ul nactijib ta ch'ulchan. Mero jamal sit ta lec stuquel, yat'elinej scanantayel xcuxlejal te ants-winiquetique.

1 Samuel 7:12

Patil te Samuel la stsac jun ton la yac' ta yolil Mizpa soc Sen, Eben-ezer sbiil la yac'bey. Jich la yal te Samuel: —Ta ora in to la scoltayotiquix te Cajwaltique —xi'.

Josué 24:27

Jich la yalbey spisil te lume: —Te tone ja' me ya xtuun cu'untic ta testigo. Ja' me testigo yu'un spisil te bila yalojbotic te Cajwaltique. Ja' me testigo ta atojolic ja'ex, swenta yu'un ma xapasic ta lot te Diose —xi'.

Génesis 28:22

Soc te ton te la jtejc'anixe, ja' sna Dios ya xc'ot cu'un. Soc spisil te bila ya yac'bon te Diose, ya me cac'bey jun ta slajunebal smajt'anin”, xi'.

Josué 4:4

Jich yu'un te Josué la yic' tel te lajchaytul winiquetic stsaoje.