Josué 4:22 - Bible in Tzeltal de Oxchuc y Tenejapa

²² albeya me yaiyic: “Ja' swentail te taquinaj te muc'ja' Jordán, te c'axic tel tey a te lum Israele.

Bible in Tzeltal Bachajón

²² hich me xawalbeyic: Te Israel taquin a sohlic ta Jordán,

Josué 4:22 Referans Kwoze

Josué 3:17

Spisil te israeletic c'axic bael ta staquin lumil Jordán te bit'il tec'ajtic ta yolil a te sacerdoteetic te sq'uechojic te scajonil trato yu'un te Cajwaltique, taquin soc tulan te slumile.

Isaías 51:10

La atup'bey ya'lel te mar, te ja' te smuc'ul na'bilale, la ac'atp'un ta taquin be te yolil mar, swenta yu'un c'axic bael tey a te mach'atic la awac' ta libre.

Apocalipsis 16:12

Te swaquebal ch'ul abate ba smal ta bay muc'ja' Eufrates te copa yich'oje. Jich taquej te muc'ja'e, swenta yu'un jamal sbeic ya xc'otic a te muc' ajwaliletic te ya xtalic ta bay te sloq'uib c'aale.

Isaías 44:27

Jo'on ya xju' ya cal mandal te ya xtaquej te mar, soc te beja'etic yu'un, mero ma'yuc ya'lel ya xjil.

Éxodo 15:19

C'alal ochic ta mar te carretaetic yu'un faraón soc te caballoetic yu'une, te Cajwaltic la yac' sta xan sba te ja'e. Yan te israeletic te c'axic bael ta mar, jich la st'unic c'axel te bit'il taquin q'uinal.

Éxodo 14:29

Yan stuquel te israeletic mero taquin la st'unic c'axel te slumil ja'e, yu'un la sjam sba, cha'tsel la yac' sba te ja'e, jun ta swa'el soc jun ta xq'uexen.

Éxodo 14:22

Tey c'axic bael a te israeletic ta bay taquine. Te bit'il la sjam sba soc la stselan sba te ja'e, jejch' c'ot ta swa'el soc jejch' ta xq'uexen.

Josué 4:21

Jich la yalbey te israeletique: —Teme ay bi ora ya sjojc'obeyex te awal-anich'anique: “¿Bi swentailuc te tonetic?” teme xiique,