Josué 4:10 - Bible in Tzeltal de Oxchuc y Tenejapa

¹⁰ Te sacerdoteetic te la sq'uechic bael te scajonil trato, tey teq'uelic a ta yolil Jordán te c'alal yacalic spasel spisil israeletic te bi albil mandal yu'un Cajwaltic te Josué. Spisil la yich' pasel jich nix bit'il yaloj mandal Moisés ta stojol te Josué. Te israeletic la yaq'uic puersa ta c'axel ta bay taquejeme.

Bible in Tzeltal Bachajón

¹⁰ Te sacerdotehetic te la sq'uechic bahel te scaxahul te chapbil-c'op, tey tec'ajtic ta yohlil a te Jordán ha to c'alal c'oht ta pasel spisil bintic halbot yu'un Jehová te Josué te ya yalbe te pueblo; hich te bin ut'il spasot ta mandar yu'un Moisés te Josué. La suj sbahic sohlel te pueblohe.

Josué 4:10 Referans Kwoze

Josué 3:13

Te c'alal ya sq'uechic sacerdoteetic te scajonil trato yu'un te Cajwaltic, te ja' Yajwal yu'un spamal te balumilale, te c'alal nax ya yac' stan yacanic ta ja', ya me sq'uep sba te ja'e, cha'q'uejp me ya yac' sba. Te ja' ya x'oquin tel ta cajale, ya me scom sba ta oquinel, ya me stsob sba jilel tey a. Jich la yal te Diose —xi' te Josué.

2 Corintios 6:2

Yu'un jich yaloj jilel ta Sjun: “Ja' mero yorail te la caiybat stojol te ac'ope. Ja' sc'aalel colel a te la jcoltayate”, te xie. Ta ora to, ja' yorailix te ay ta ch'uunele, soc ta ora to, ja' sc'aalelalix te colele.

Isaías 28:16

Jich yu'un ya yal te Cajwaltique: —Ya cac' jp'ij ton ta lum Sión, ja' te jp'ij ton te tsabil, soc te mero bayal yutsile, ja' te mero bayal sc'oplal yu'un spasel na, ja' te ya xtuun yu'un te yiptajibe. Te mach'a ya yac' smuc'ul yo'tan ta stojole, ma ba ya xiw yo'tan.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

Proverbios 27:1

Ma me xatoy aba ta swenta pajel; melel ma x'ana' te bi ya xc'ot ta pasel te pajele.

Salmos 119:60

Cac'ojix puersa, ma ba ya xch'ajubon ta spasel te mandaliletic awu'une.

Deuteronomio 31:9

Te Moisés jich la sts'ibuy ta jun te mandaliletic, la yac'bey ta sc'abic te sacerdote-levitaetique, ja'ic te mach'atic ay ta swentaic yich'el bael te cajón yu'un trato yu'un te Cajwaltique, soc ta spisil mamaletic te yich'oj yat'elic yu'un Israel.

Éxodo 12:39

Ma ba ac'botiquix tiempo xchajbanel loq'uel swe'elic ta scaj te ora tenotic loq'uel yu'un te egipcioetique. La spaq'uic te swajic te ma ba yac'ojbey levadura, te loc' xan tel yu'unic ta Egipto.

Josué 4:9

Te Josué la to sts'ajc'uy xan lajchayeb tonetic ta bay yolil te muc'ja' Jordán ta bay la stejc'an sbaic te sacerdoteetic ta sq'uechel scajonil te tratoe. Te tonetic li'to ayic yo'tic a.

Josué 4:11

Te c'alal spisilic ayiquix ta jejch' ja', c'axic bael te sacerdoteetic soc te scajonil trato yu'un te Cajwaltique, ja'ic j'ic'wanejetic yu'un te lume.

Josué 24:11

Patil c'axex bael ta muc'ja' Jordán, c'oex c'alal ta Jericó. Te mach'atic nainemic ta Jericó soc te amorreoetic, ferezeoetic, cananeoetic, hititaetic, gergeseoetic, heveoetic, soc te jebuseoetique la yac'beyex guerra; ja'uc me to, la cac'beyex ta ac'abic.