Josué 3:4 - Bible in Tzeltal de Oxchuc y Tenejapa

⁴ Jich me ya ana'ic te banti ya xbaexe, melel te ja'exe ma'yuc banti awilojic jtuluc te be. Ja'uc me to, ma me xalaq'uic te scajonil trato, najt' me xawac' abaic, ayuc me jmil (1,000) metro ma x'ataic —la yutic.

Bible in Tzeltal Bachajón

⁴ scuenta yu'un yac ana'ic te banti behil ya xbahex, como te ha'ex mayuc c'axemex li' ta be ini. Pero ayuc me ho'bahc' (2,000) xuhc'ubil ma xatahic bahel te scaxahul te chapbil-c'op, ma me xalaq'uic bahel, xchihic.

Josué 3:4 Referans Kwoze

Salmos 89:7

Mero muc' Diosat, ayat ta xi'el; joytaybilat yu'un spisil bitic cuxajtic ta ch'ulchan.

1 Crónicas 11:2

Manchuc me ay ta ajwalil ta neelal te Saúl, pero ja'at yacatix ta yiq'uel loq'uel ta guerra te Israel, melel te Dios awu'un yalojbat ta jamal te ja'at ya xmandalajat ta ajwalil ta Israel, te lum yu'une —xiic.

Éxodo 3:5

Jich yu'un Dios la yalbey: —Ma me xnoptsajat tel. Loq'uesa te axanab, melel te banti ayate, ch'ultesbil te q'uinale —xi' sc'oplal.

Éxodo 19:12

Ya me awac'bey señail te bay ya xcomic ta sjoyobal te witse, te ma xc'axic tel tey a te lume. Albeya, ya me yich'ic ta muc' te bila la awalbeye. Ma me xmoic ta wits, soc ma me xnoptsajic ta sjoyobal, melel spisil mach'atic ya xnoptsajic bael tey a ya me xlajic.

Éxodo 4:10

La yal te Moisés: —¡Cajwal! Ma xju' cu'un c'op ta lec. Jtalel nix tel a c'alal ora to, te bit'il yacat ta c'op ta jtojol te awabatone. Te jujun buelta te ya xc'opojone, wocoltic ya xloc' te jc'ope, ya xchuc sba te caq'ue —xi'.

Génesis 31:2

Soc la yil te Jacob te bit'il ma jichuquix yo'tan Labán ta stojol te bit'il ta neelale.

Isaías 30:33

Ayix bayal c'aal chajbanbil ta swenta Asiria soc ta swenta te muc' ajwalil yu'un, te yawil woclajel, te muc' sjamalul soc najt' coel. Ay tsumbil c'ajc' tey a, te yac ta tilel soc c'axem to xan bayal si'il. Ya me stiles c'ajc' a te ic' ya xloc' ta ye te Cajwaltique, jich me ya xtal te azufre te bit'il snojel ja'.

Josué 3:3

Jich la yalbeyic mandal te israeletique: —Ya me awilic te c'alal ya xc'ax scajonil trato yu'un Cajwaltic te ya sq'uechic bael te sacerdote-levitaetique, jich me ya xjajch'ex ta beel, ts'aclinaic bael.

Josué 3:5

Te Josué la yalbey: —Ch'ultesa me abaic ta stojol Dios, melel te pajele ya me awilic te Cajwaltic te tulan ya spas chajp at'elil soc yu'el —xi'.

Salmos 25:12

Te mach'a ya yich' ta muc' te Cajwaltique, ja' ya x'ac'bot yil yu'un te be te ya st'une;

Isaías 48:17

Jich ya yal te Cajwaltic te J'ac'wanej ta libre awu'une, te Ch'ul Dios yu'un te Israele: —Jo'on te Ajwalilon te Dioson awu'une; jo'on ya jp'ijubtesat ta swenta te alequilale, jo'on ya quic'at ta be ta bay ya sc'an ya at'un baele.