Josué 24:12 - Bible in Tzeltal de Oxchuc y Tenejapa

¹² Te cheb ajwaliletic yu'un amorreoetic ma la atsal atuquelic ta puñal ni ta t'im, jo'on la jticunbey tel muc'ul xiwel ta stojolic ta awentaic te ja'exe. Jich loq'uemiquix bael ta anel a te c'alal c'oexe.

Bible in Tzeltal Bachajón

¹² La jticon bahel ta nahil awu'unic xuxetic te la stenticlanic loq'uel ta atojolic te cheb ajwaliletic yu'un te amorreohetic; ma ha'uc loq'uic ta scuenta te espada o t'ihmalte' awu'unique.

Josué 24:12 Referans Kwoze

Deuteronomio 7:20

Soc ya me sticunbey tel muc' xiwel ta stojolic, ja' me ya yaiyic ya xlajic teme ay to colic jilel ta ac'abique.

Éxodo 23:28

Ta bay ya xbeenat bael muc' me xiwel ya cac' bael tey a. Jich me ya x'anic loq'uel ta atojol te heveoetique, te hititaetic soc te cananeoetique.

Éxodo 23:31

Ta bay c'alal ya xcom te aq'uinalique, jich ay: Ja' to me ta bay Mar Rojo, c'alal ta bay mar yu'un te filisteoetic, soc te bay jochol taquin q'uinal, soc c'alal ta bay muc'ja' Éufrates. Cac'ojbatix ta ac'abic yajwal te lumq'uinal, ja'ex me ya atenic loq'uel.

Salmos 80:9

La awaq'uentaybey te sq'uinalile, c'ub yisim tey a, jich noj yu'un spamal te q'uinale.

Números 21:31

Jich te Israel la yu'uninbeyic te sq'uinal amorreoetic.

Números 21:32

Te Moisés ay to la sticun cha'oxtul winiquetic ta stsajtayel te lum Jazer. Te israeletic la yich'ic te lumetic te nopol ayic, soc la snutsic bael te amorreoetic te tey nainemic a.

Deuteronomio 4:46

te c'alal ayic ta stojol sloq'uib c'aal yu'un Jordán a, ta muc'ul stenlej xatal q'uinal te yelawinej sba soc Bet-peor, ta sq'uinal Sehón, ja' te muc' ajwalil yu'un amorreoetique. Te Sehón nainem ta lum Hesbón a, te tsalot yu'un Moisés soc te israeletic, te c'alal loq'uic tel ta Egipto.

Deuteronomio 4:47

Te israeletic la yich'beyic te slum-sq'uinale, soc nix te sq'uinal muc' ajwalil Og ta Basán, cheb muc' ajwalil amorreoetic te nainemic ta stojol sloq'uib c'aal yu'un Jordán.

Deuteronomio 31:4

Te Cajwaltic jich nix me ya spasbey te nacionetic te bit'il la spasbey te Sehón soc te Og, te muc' ajwaliletic yu'un amorreoetic, te la slajin soc te slum-sq'uinale.

Josué 2:10

Melel caiyojtic stojol te c'alal loq'uex tel ta Egipto, Dios la staquintesbeyex slumil te Mar Rojo te c'axex tel a. Ja' nix jich jna'ojtic stojol te jc'axel la amilic jilel te cheb ajwaliletic yu'un te amorreoetique, te Sehón soc te Og, ja' te ayic ta jejch' muc'ja' Jordán.

Salmos 80:10

La smuc ta yaxinal te witsetic soc la smuc ta sc'abc'ab te buen toyol te'etique.

Salmos 135:11

ja' te Sehón, muc' ajwalil yu'un amorreoetic, ja' te Og, muc' ajwalil yu'un Basán, soc ta spisil te muc' ajwaliletic ta Canaán.