Josué 24:1 - Bible in Tzeltal de Oxchuc y Tenejapa

¹ Te Josué la stsob ta Siquem spisil ta jchajp te sts'umbal Israel. La yic' ta stojol Cajwaltic te mamaletic yich'oj yat'elic, jwolwanejetic, jchajbanwanejetic soc te yantic ay yat'elique.

Bible in Tzeltal Bachajón

¹ Te Josué la stsob spisil te jchahp yu'un Israel ta Siquem, soc la yic' tal te mamaletic yu'un Israel, te príncipaletic, juecetic soc te yantic ay ya'telic ta Israel. Spisilic la stehc'an sbahic ta stojol Dios.

Josué 24:1 Referans Kwoze

Josué 23:2

Te Josué la yic' tel spisil te israeletic soc te mamaletic yich'oj yat'elic yu'unic, te jwolwanejetic, te jchajbanwanejetic soc te mach'atic xan ay yat'elic, jich la yalbey: —Te jo'one mamalonix, bayalix te ca'wilale.

1 Samuel 10:19

Pero yo'tic ma'yuquix sc'oplal ta awo'tanic te Dios awu'unic, te la scoltayex te c'alal ay bitic ay awocolic yu'un a, soc te ay bitic c'ux obol abaic yu'une. Ma ba la ac'aniquix, melel ya ac'anic te ya jlebeyex muc' ajwalil yu'un ya x'och swentainex. Ja' yu'un, yo'tic tejc'ana abaic ta stojol Cajwaltic ta juju-jchajp ats'umbalic, soc ta juju-jchajp te mach'atic ay awu'unique —xi' te Samuele.

Hechos 10:33

Jich la jticunat ta iq'uel ta ora nax. Bin nax co'tan yu'un te talatixe. Jich yu'un ta ora to, jpisiltic li' ayotic to ta stojol te Diose, yu'un ya jc'an caiytic stojol spisil te bila yalojbatix tel ta mandal te Diose —xi' te Cornelioe.

1 Reyes 12:1

Te Roboam bajt' ta Siquem, yu'un spisil Israel bajt' tey a, swenta yu'un ya yaq'uic ta muc' ajwalil.

Génesis 12:6

Yacalix ta c'axel bael ta sq'uinal Canaán te Abram, c'ot ta Siquem ta bay teq'uel jijte' te More sbiile. Te cananeoetic ja' yajwal te q'uinale.

Génesis 35:4

Jich yu'un la stsobic te bitic scuyojic ta Dios te yich'ojic, soc te staq'uinal xchiquinique. Te Jacob la smuc jilel ta lum ta yet'al jijte' ay ta nopol lum Siquem.

Deuteronomio 29:9

Ja' yu'un, pasaic me spisil te bila ya yal te trato, soc pasaic me bael, swenta yu'un lec me ya xc'oex soc spisil a te bitic ya apasique.

Josué 20:7

Jich yu'un te israeletic la stsaic swenta anjibal te lum Cedes te ay ta sq'uinal Galilea, ta bay witstiquil yu'un Neftalí; soc la stsaic te lum Siquem, ta witstiquil yu'un Efraín; soc te lum Quiriat-arba, te Hebrón yan sbiil, te ay ta witstiquil yu'un Judá.

Jueces 20:26

Jich yu'un ta spisil te soldadoetic yu'un Israel soc spisil te lume, cha'bajt'ic ta Betel ta oq'uel ta stojol te Cajwaltique. Sjunal c'aal c'ax yu'unic, ma ba we'ic, soc la yac'beyic majt'anil la xchic'beyic Cajwaltic, soc la smilic majt'anil swenta lamal-o'tanil.

2 Reyes 23:1

Ja' yu'un te muc' ajwalil la sticun ta iq'uel tel te mamaletic yich'oj yat'elic ta Judá soc Jerusalén, swenta yu'un ya stsob sba soc.