Josué 23:2 - Bible in Tzeltal de Oxchuc y Tenejapa

² Te Josué la yic' tel spisil te israeletic soc te mamaletic yich'oj yat'elic yu'unic, te jwolwanejetic, te jchajbanwanejetic soc te mach'atic xan ay yat'elic, jich la yalbey: —Te jo'one mamalonix, bayalix te ca'wilale.

Bible in Tzeltal Bachajón

² te Josué la yic' tal spisil Israel, ha te mamaletic, príncipaletic, juecetic soc te mach'atic ay ya'telic ta Israel, hich la yalbe: Te ho'one mamalonix, bayelix ca'bilal.

Josué 23:2 Referans Kwoze

Josué 24:1

Te Josué la stsob ta Siquem spisil ta jchajp te sts'umbal Israel. La yic' ta stojol Cajwaltic te mamaletic yich'oj yat'elic, jwolwanejetic, jchajbanwanejetic soc te yantic ay yat'elique.

1 Crónicas 28:1

Te David la stsob ta Jerusalén spisil te sjo'tac ta at'el ta Israel: ja' te jtsobwanejetic yu'un chajbalchajp sts'umbalic te lume, te jtsobwanejetic yu'un chajbalchajp soldadoetic te ayic ta abatinel yu'un te ajwalile, te capitanetic yu'un juju-jchajp batallón soc juju-jchajp compañía, te jwentainwanejetic yu'un spisil ta jsejp te sq'uinal soc te xchamsbalam te muc' ajwalil soc te snich'nabe, soc te yantic muq'uic sc'oplale, soc spisil te soldadoetic te ay yipique.

Deuteronomio 31:28

Ic'aic tel spisil te mamaletic yich'oj yat'elic, soc te jtsobwanejetic yu'un ta chajbalchajp te jts'umbaltique, swenta yu'un ya me calbey yaiyic spisil, soc swenta yu'un ya me cac' ta testigoetic ta stojolic te ch'ulchan soc te balumilale.

Josué 23:3

Te ja'ex la awilic spisil te bila la spas te Cajwaltic ta stojol spisil te lumetic te la stoy sbaique. Ja' me stuquel te la yac' guerra ta awentaic te Cajwaltique.

Josué 13:1

C'alal mamalix a te Josué, te Cajwaltic jich la yalbey: —Te ja'ate yacatix ta mamalubel, bayalix te awa'wilale. Pero ay to bayal q'uinal quechel jilel ta ich'el.

1 Samuel 12:2

Li' ayix te muc' ajwalil awu'unic te ya swentainexe. Te jo'one mamalonix, saquix jol, te jnich'nabe ay ta awolilic. Jo'on te la jwentainex ta jqueremil to tel c'alal ora.

1 Reyes 1:1

Te c'alal mamalix a te muc' ajwalil David, bayal la yaiy sic. Manchuc me la smuquic soc la yac'beyic lec sc'u', pero ma ba q'uixnaj yu'un.

1 Reyes 8:1

Te Salomón la stsob ta Jerusalén te mamaletic yich'oj yat'elic yu'un Israel, soc te jwentainwanejetic yu'un te juju-jchajp sts'umbalic, ja' te mach'atic ich'bilic ta muc', yu'un ya yich'ic c'axel te scajonil trato yu'un Cajwaltic, ya xjajch' ta Sión te ja' nix te Lum-yu'un-David.

1 Crónicas 23:2

soc la stsob tel spisil te jtsobwanejetic yu'un Israel, te sacerdoteetic soc te levitaetique.

1 Crónicas 27:27

Te Simei te talem ta Ramat, ja' swentainej te banti ts'unbil te ts'usubiletique; soc te mach'a ay ta swenta stsobel vino te ya yac' ta snaile, ja' te Zabdi, talem ta Sefam.