Josué 23:12 - Bible in Tzeltal de Oxchuc y Tenejapa

^12-13 Ya me jc'an te ya ana'ic in to: Teme ya awijq'uitay ta awo'tanic te Diose, soc teme ya acap abaic soc te ants-winiquetic te jilem ta awolilic, soc teme ay ya xnujbinex soque, te Cajwaltic te Dios cu'untic ma ba ya sloq'uesbeyex ta awolilic. Jich me ya xtuun ta atojolic te bit'il ya syaquex ta lazo soc te bit'il pejts', swenta yu'un tey ya x'ochex a te ja'exe. Jich me ya xc'ot te bit'il smajibal apatic, soc jich bit'il ch'ix ya x'och ta asitic, ja' to me ni jtuluc ya xjilex li'to ta q'uinal te mero lec, te la yac'beyex te Cajwaltic te Dios cu'untique.

Bible in Tzeltal Bachajón

¹² Como teme ya suhtex bahel ta apatic, teme jun ya xc'ohex soc te nacionetic te hilemic ta awohlilic, teme ya xnuhpunex soc, teme yac acap abahic soque,

Josué 23:12 Referans Kwoze

Deuteronomio 7:3

Ma me xapajaltay abaic soc, ma me xawaq'uic ta nujbinel aquerem-nich'anic, ni awantsil-nich'anic,

Sofonías 1:6

Ja' nix jich ya jlajin te mach'atic ya xchebaj yo'tanic ta jtojole, te mach'atic ma ba ya sleonic soc ma xnoptsajic tel ta sjojc'oyel te jc'ope —xi'.

Ezequiel 18:24

“Pero teme ya squejch'an spasel te bila stojil ta pasel te mach'a toj yo'tane, teme ja' ya spas te bila amen ta pasel te ilaybil cu'une, jich te bit'il te mach'a amen yo'tane, ¿ya bal acuyic te ya to xcuxin te mach'a jich ya spase? Te jo'one ma ba ya jna'beyix te bitic lec spasoje. Ya me xlaj ta scaj smul, yu'un ma junuquix yo'tan.

1 Juan 2:9

Te mach'a ya yal te ayix ta bay te saquil q'uinale, teme yilintayej te yermanoe, yu'un nanix ay to ta ijc' q'uinal abi.

Romanos 12:9

C'ux me x'awaiy abaic ta melel. Ilayaic te bila amene; ja' me x'at'unic te bila leque.

San Juan 6:66

Jich ora te ay sujt' ta spatic tsobol jnopojeletic yu'un te Jesuse. Ma la sc'anic te la sjoinic xan ta beele.

San Mateo 12:45

Jich ya xba yic' tel juqueb pucujetic te c'ax jich yixtaelic te bit'il ay stuquele. Spisilic ya x'och snainbey yo'tan te ants-winique. C'ax to xan jich ya xbolob a te bit'il ay ta neelale. Jich me ya xc'otic te mach'a cuxulic ta q'uinal ta ora to te ma lecuc yo'tanique —xi' te Jesuse.

Isaías 1:4

¡Obol abaic ja'ex, lum te jmulawilexe, te nojel mulil ta awo'tanic; sts'umbalex te mach'a amen yat'elique, snich'nabex jmulawil! C'ubul ayexix ta stojol te Cajwaltique, la aq'uej abaic loq'uel ta stojol te Ch'ul Dios yu'un Israel, la awijq'uitayix ta awo'tanic.

Salmos 125:5

yan te mach'atic amen be st'unojic, tey xawac' bael ta banti ay te bila stalel ya xc'ot ta swentaic te mach'atic amen yat'elique. ¡Ac'a lamajuc q'uinal ta stojol Israel!

Salmos 36:3

Bol c'op soc pas-lot ay ta yo'tan, la xch'ay ta pasel te bila toje, la yijq'uitay ta pasel te bay leque.

1 Reyes 11:4

Te c'alal mamalix a, te antsetic yu'un la syantesbeyic yo'tan te Salomón ta stojol te diosetic yu'unique, melel ma spisiluc yo'tan la yac' sba ta stojol te Cajwaltic te Dios yu'une. Ma jichuc la spas te bit'il la spas te state, ja' te David.

1 Reyes 11:2

ja'ic te yantic nación antsetic te albil sc'oplal yu'un Cajwaltic te ma xju' ya yic' sbaic ta nujbinel soc te israeletique. Melel teme jich ya spasique, puersa me ya xyanaj bael yo'tanic ta stojol te diosetic yu'unique. Pero te Salomón la smulan yo'tan te antsetic, jich la yic' sba soc.

Génesis 34:3

Te Siquem la smulan te Dina, la sc'an te ya yic' sba soc, lec la sc'opon.

Génesis 2:24

Ja' swentail te ya yijq'uitay sme'-stat te winique, ya yic' sba soc te yiname, jun nax sbaq'uetalic ya xc'ot.

Deuteronomio 7:4

melel ya me yac'bey ch'ayuc ta yo'tanic te Cajwaltique, ya me yac'beyic xch'uunic yantic bitic cuybilic ta Dios. Teme jiche, ya me xtil jajch'el ta atojolic te yilimba te Cajwaltique, ta ora nax me ya slajinex.

Josué 23:11

Tsajtayaic me jiche, c'ux me x'awaiy ta awo'tanic te Cajwaltic te Dios cu'untique.

Jueces 3:6

Te snich'nab israeletic, queremetic ach'ixetic, la yic' sbaic soc te queremetic ach'ixetic yu'un te lumetic, soc la xch'uunic te loc'ombaetic yu'unique.

Deuteronomio 6:15

melel te Cajwaltic te Dios cu'untic te ay ta atojolic, mero stuquel nax ya sc'an ch'uunel. Teme ya x'ilin ta atojolic, jich me ya slajinex ta jc'axel.

Jueces 14:3

Ja'uc me to, te sme'-stat la yalbey: —¿Bi yu'un te ya xba ale awinam ta bay filisteoetic te ma'yuquic ta stojol te Diose? ¿Yu'un bal ma'yuc ach'ixetic yu'un quermanotactic soc ta spisil te israeletique? —xi'. Te Sansón la sjac': —Yu'un ya jmulan te ach'ix, soc ja' ya sc'an co'tan te ya quinamin —xi'.