Josué 23:1 - Bible in Tzeltal de Oxchuc y Tenejapa

¹ Bayal xan c'aal ta patil te ac'botix lamajuc q'uinal ta stojolic te israeletic yu'un te Cajwaltique, te Josué mamalix a.

Bible in Tzeltal Bachajón

¹ Bayel c'ahc'al ta patil, te c'alal a'botix scux yo'tanic yu'un Jehová te snich'nab Israel yu'un te scontrahic ta sjoyobal, soc mamalix te Josué, ayix bayel ya'bilal a,

Josué 23:1 Referans Kwoze

Josué 13:1

C'alal mamalix a te Josué, te Cajwaltic jich la yalbey: —Te ja'ate yacatix ta mamalubel, bayalix te awa'wilale. Pero ay to bayal q'uinal quechel jilel ta ich'el.

Josué 21:44

Te Cajwaltic la sc'otes ta pasel te bila yaloj, soc la yac' lamajuc q'uinal ta sjoylejal. Te scontroique ma'yuc bay tsalotic yu'un, melel te Cajwaltic la yac'bey yaiyic tsalaw.

Josué 11:23

Jich me la yich' spisil q'uinal te Josué, jich nix c'ot spisil te bit'il yalojbey Cajwaltic ta stojol Moisés. Ta patil la spucbey ta chajbalchajp sts'umbal israeletic, swenta yu'un ya me yu'uninic ta jc'axel. Ta patil lamaj c'op ta spamal q'uinal.

Salmos 46:9

jc'axel la slajinbey sc'oplal te guerra c'alal ta slajibal balumilal; la sc'asix te t'imalte'etique, la swuyix te lanzaetique, la xchiq'uix te carretaetic yu'un guerra.

Josué 22:4

Ta ora to te Cajwaltic la sc'otes ta pasel te bitic yalojbey sc'oplale. Jich yu'un te bit'il lamalix jilel q'uinal ta stojol te quermanotactic, sujt'aniquix bael ta anailpaq'uic c'alal ta aq'uinalic te la yac'beyex Moisés te yabat Cajwaltic, ta jejch' muc'ja' Jordán ta stojol sloq'uib c'aal.

Deuteronomio 31:2

—Te jo'one ayix wacwinic (120) ca'wilal, ma'yuquix quip, ma xju'ix cu'un te bayuc ya xboone. Ja' te Cajwaltic la yalbonix te ma ba ya xc'axonix bael ta jejch' ja' Jordán.

Génesis 25:8

Mero mamalix a te Abraham te laje. Mamalub ta lec soc ac'bot najt' yorail. Jich ba sjoin te mach'atic neel lajemic yu'une.

Isaías 63:14

jich bit'il wacax te ya xco bael ta pamal aquile —xiic ta yalel. Ja' ic'awan ta beel te espíritu yu'un te Cajwaltique. Jich me la yic' ta beel te lum yu'un soc jich la sta te muc' yutsil sc'oplale.

1 Samuel 12:2

Li' ayix te muc' ajwalil awu'unic te ya swentainexe. Te jo'one mamalonix, saquix jol, te jnich'nabe ay ta awolilic. Jo'on te la jwentainex ta jqueremil to tel c'alal ora.

1 Reyes 1:1

Te c'alal mamalix a te muc' ajwalil David, bayal la yaiy sic. Manchuc me la smuquic soc la yac'beyic lec sc'u', pero ma ba q'uixnaj yu'un.

1 Crónicas 23:25

Te David ay yaloj ta neelal: “Te Cajwaltic, te Dios yu'un Israel, la yac'beyix yich' xcux yo'tan te lum yu'une, soc jc'axel la yalbey sc'oplal sbajt'el q'uinal te ja' yawil te Jerusalén.

1 Crónicas 27:1

Ja'ic in to ja' lista yu'un te israeletic te ajtaybil ta swenta jwolwanejetic ta chajbalchajp, soc te jtsobwanejetic ta chajbalchajp batallón soc ta chajbalchajp compañía, soc te sjo'tac ta ajwalil te ayic ta abatinel yu'un te muc' ajwalile, yu'un ya yilic ta spisil bitic ya yich' chajbanel ta stojol juju-jchajp te ayic ta soldadoil te ya xtuunic ta jeltomba ta jujun u ta sjunal bael te ja'wile. Te juju-jchajpe ay chaneb xcha'winic ta jmil (24,000) soldadoetic.

2 Crónicas 14:1

C'alal laj te Abiam, la smuquic ta Lum-yu'un-David. Ja' jil ta ajwalil te Asa, ja' te snich'ane. Lamal nax q'uinal c'ax yu'un lajuneb ja'wil.

2 Crónicas 14:5

Spisil te lumetic ta sq'uinal Judá la sloq'ues te toyol ch'uunjibaletic. Lamal nax q'uinal ta slumal te c'alal c'ax ta ajwalile.

2 Crónicas 20:30

Jich jun yo'tan mandalaj ta ajwalil te Josafat, melel te Diose la yac' lamajuc q'uinal yaiy soc te nacionetic te jun smojón soque.