Josué 21:1 - Bible in Tzeltal de Oxchuc y Tenejapa

^1-2 Te jwolwanejetic yu'un chajbalchajp te levitaetic, bajt'ic ta Silo te ay ta sq'uinal Canaán, ta sc'oponel te sacerdote Eleazar, Josué soc te jtsobwanejetic ta chajbalchajp te israeletique. Jich c'o yalbeyic: —Te Moisés albot mandal yu'un Cajwaltic te ya awac'botic lumetic ta bay ya x'ainotic, soc aquiltic ta sjoyobal ta bay ya cac'tic xwe' te jchambalamtique —xiic.

Bible in Tzeltal Bachajón

¹ Te jolaletic yu'un jujuchahp snahic te levitahetic talic ta stojol te sacerdote Eleazar, te Josué snich'an Nun soc te jolaletic yu'un jujuchahp sna te snich'nab Israel,

Josué 21:1 Referans Kwoze

Josué 14:1

Ja' te q'uinaletic yu'un Canaán te la yich' sq'uinalinic te israeletique, ja' te pucbotic yu'un te sacerdote Eleazar soc Josué soc te jwolwanejetic yu'un te juju-jchajp sts'umbal te israeletique.

Josué 19:51

Ja' spisil in q'uinaletic to te la spasbeyic snumeroil ta na'el ta puquel ta stojol chajbalchajp israeletic te sacerdote Eleazar, Josué soc te jwolwanejetic yu'unic. La spasic ta stojol Cajwaltic ta yochibal Nailpac' te bay ya yich' c'oponel Dios, te ay ta lum Silo. Jich la yich' juju-jsejp sq'uinalic te juju-jchajp sts'umbal Israel.

Josué 17:4

Ja' talic ta stojol te sacerdote Eleazar, Josué soc te jwolwanejetic yu'un te lume, jich la yalbeyic: —Te Cajwaltic la yalbey te Moisés te ya yac'botic jq'uinaltic jich bit'il te quermanotaque —xiic. Jich yu'un te Josué la yac'bey sq'uinalic jich bit'il yermanotac te state, melel jich yaloj mandal te Cajwaltique.

Éxodo 6:25

Te Eleazar, ja' te jtul snich'an Aarón, nujbin soc te jtul yantsil-nich'an Futiel. Ayin alal yu'unic, ja' te Finees. Ja'ic tatiletic yu'un levitaetic te jun nax te sts'umbalique.

Éxodo 6:14

Ja' sbiilic te me'il-tatiletique: Te snich'nab Rubén te sba snich'an Israel, ja' te Hanoc, Falú, Hezrón soc Carmi. Ja'ic te jun nax sts'umbalic ta swenta Rubén.

Génesis 49:7

Ya me x'ac'bot stoj te yilimbaic soc te sc'ajc'alic te bit'il bayal jelawic ta bay nax c'alal. Pujc'ultic ya xc'ot cu'un ta bay jq'uinal, bayuc nax ya xc'otic ta jq'uinal jo'on te Israelone.

Números 35:1

Te Cajwaltic la sc'opon Moisés ta spamlej q'uinal yu'un Moab ta sts'eel muc'ja' Jordán, ta jejch' ja' yu'un Jericó, jich la yalbey:

Números 35:8

Te c'alal ya yac' lumetic chajbalchajp te israeletique, te juju-jchajp te muc' sq'uinal ac'bot ta swentaique, ya me yac' bayal ta jpam te lumetique. Yan te juju-jchajp te ma ba muc' sq'uinal, ma me sta jich yipal ya yac' stuquel —xi' te Cajwaltique.