Josué 2:12 - Bible in Tzeltal de Oxchuc y Tenejapa

¹² Jich yu'un ya me calbeyex wocol yo'tic te yacuc awalbon ta stojol te Awajwalic te ya quich' c'uxtayel awu'unic jich nix bit'il la awich'ic c'uxtayel cu'un te ja'exe, te yacuc ac'uxtayon soc spisil mach'a ay yu'un te jtate. Ya jc'an te yacuc awac'bon señail te jichuc ya xc'ot ta pasel awu'unique.

Bible in Tzeltal Bachajón

¹² Ha yu'un ya calbeyex wocol yo'tic te yacuc awalbonic ta jamal ta stojol Jehová te hich te bin ut'il la awich'ic c'uxultayel cu'un te ha'exe, ha'uc ni me hich yac ac'uxultaybon te mach'atic ay yu'un te jtate. A'bon quil señahil te hichuc ya xc'oht ta pasel awu'unic,

Josué 2:12 Referans Kwoze

Josué 2:18

Te c'alal ya x'ochotic tel ta lum, ya me ajojc'an in tsajal lazo to ta bay ventana te banti la acojtesotique. Tsoba ta yutil ana te atat, te ame' soc spisil mach'atic ay yu'un.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

1 Timoteo 5:8

Te mach'a ma xyac'bey te bila ya xtuun yu'un te mach'a ay yu'une, soc c'axem to xan te mach'a ay ta snae, tojol ya yal te ay xch'uunjel yo'tane. C'ax jich smul c'oem a te bit'il te mach'a ma xch'uunejuc te Diose.

Romanos 1:31

jbol-o'tanetic, jchebal-o'tanetic, ma'yuc mach'a c'ux ya yaiy ta yo'tan, ma sna'ic spasel perdón, ma xc'uxtaywanic.

San Marcos 14:44

Te Judas te ac'awan ta c'abale, la yalix tel ta be te bila seña ya yac'bey yilic a te Jesuse. —Te mach'a ya xc'o jbujts'iye, ja' me abi. Tsacaic me ta ora. Chucaic bael ta lec —xi'.

Jeremías 12:16

Ta smelelil la sp'ijubtesic te lum cu'un ta yalel sbiil te Baal. Pero ta ora yo'tic ya xju' xnajc'ajic ta yolil te lum cu'une, teme ya xch'uun yo'tanic ta melel te bi xch'uunejic te lum cu'une, soc teme ya stabonic ta alel te jbiile: “Cuxul te Cajwaltic”, teme xiique.

Ester 8:6

Melel ¿bit'il ya xju' cu'un te ya quil te bila wocolil yac ta talel ta stojol te jlumale, soc te jc'axel ya yich' lajinel te mach'atic ay cu'une? —xi' te Ester.

2 Crónicas 36:13

Soc la stoy sba ta stojol Nabucodonosor te la yac'bey yal ta jamal ta stojol Dios te ya sjoin sba soque, soc mero tulan la yac' sba ta jyalel te ma la sc'an la sujt'es yo'tan ta stojol te Cajwaltic te Dios yu'un te Israele.

1 Samuel 30:15

Te David la sjojc'obey: —¿Ya bal ac'an ya awic'on bael tey c'alal ta banti ayic te jpoj-biluquetic ya awale? —xi'. La sjac' te egipcio-winic: —Teme ya awal ta jamal ta stojol Dios te ma ba ya amilone, soc teme ma ba ya awac'on ta sc'ab te cajwale, ya quic'at bael tey c'alal ta banti ayique —xi'.

Josué 9:15

Jich yu'un te Josué la xchap sc'op soc te lamal nax yo'tan ya xc'ot soque, jich la yal ta jamal te ya yac' cuxinuque. Te yantic jwolwanej-israeletic jich nix la yalic ta jamal.

Josué 2:13

Ac'bon cuxinuc te jtate, te jme'e soc ta spisil te mach'atic ay yu'une. Coltayawotic, ma me xawac'otic ta lajel —la yut.

Éxodo 12:13

“Te banti ayex soc te anaic, ja' me ya yac' ta na'el te ch'ich'e. Jich yu'un te c'alal ya xc'ax quejch'entes ta lajel te egipcioetic, ma me ayuc ya xlajex jtuluc te ja'exe. Ja' me ya quil te ch'ich'e, c'axel nax me ya xc'axon tey a.

Génesis 24:9

Jich yu'un te yabat la yac' tel sc'ab ta yet'al ya' te yajwale, ja' te Abrahame. La yal ta jamal te bit'il jich nix ya spas.

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

Génesis 21:23

Jich yu'un albon ta stojol Dios te bit'il spisil ora ma me xacontroinon, soc jnich'nab, soc te jts'umbal ta patil baele. Te bit'il la jc'uxtayat te ja'ate, ja' ni me jich ya ac'uxtayon soc spisil te mach'atic nainemic tey ta q'uinal te banti nainemate —xi'.

Génesis 40:14

Jich yu'un te ja'ate ya me ana'on te c'alal ayatix ta c'uxtayel xan a, ya me ac'uxtayon. C'oponbon te faraón, ayuc bit'il ya sticunon ta loq'uesel ta bay ayon ta chuquel.

Josué 2:19

Teme ya xloc' jtuluc ta ana, jich nix me ya xc'ot lajel ta swenta, ma me jmulticuc ya xc'ot te jo'otique. Yan teme ay mach'a ya yochintay te anae, jo'otic me jmultic ya xc'ot stuquel.

Josué 6:22

Te Josué la yalbey te jtsajtaywanejetic yu'un te q'uinale: —Baanic ta sna te jmulawil antse, loq'uesaic tel ta sna soc spisil te mach'atic ay yu'une, jich me te bit'il la awalbeyic jilele —xi'.

Jueces 1:24

Te j'ilwanejetic la yilic jtul winic yac ta loq'uel tel ta ti'lum, jich la yalbeyic: —Teme ya awac'botic quiltic banti ya x'ochotic, ja' yu'un te jo'otic bayal ya jc'uxtayticat —la yutic.