Josué 2:11 - Bible in Tzeltal de Oxchuc y Tenejapa

¹¹ Ja' bayal xiwotic yu'un te c'alal la caiytic stojole, melel ma'yuc mach'a ya xju' spajaltayex. Melel cajal nix stuquel a te Awajwal te Dios awu'unique, te ja' Dios yu'un ch'ulchan soc Dios tey ta balumilal.

Bible in Tzeltal Bachajón

¹¹ Te c'alal hich la jca'iycotic, laj yip co'tancotic yu'un; mayuc jtuhl winic te ay yip yo'tan yu'un ya scomex, como te Jehová te Dios awu'unic, ha Dios ta ch'ulchan ta toyol soc ta bahlumilal ta ye'tal.

Josué 2:11 Referans Kwoze

Deuteronomio 4:39

“Ja' yu'un ac'a ta awo'tanic soc ta ajolic, te bit'il ja' Dios stuquel te Cajwaltic cu'untique. Ja' Dios ta ch'ulchan soc ja' nix Dios ta balumilal, ma'yuc yan te Diose.

Josué 5:1

Spisil te muc' ajwaliletic yu'un te amorreoetic te ayic ta swenta smalib c'aal yu'un Jordán, soc te muc' ajwaliletic yu'un te cananeoetic te nopol ayic ta Mar Mediterráneo, la yaiyic stojol te taquinaj ya'lel te Jordán, te c'axic tel tey a te israeletique. Jich och bayal xiwel ta yo'tanic, jich ma'yuc bila la yalbeyic ta stojol te israeletique.

Isaías 13:7

Jich yu'un ta spisil te ants-winiquetic ma me ayuc yip ya xjil te yoc sc'abique, lajemiquix ta q'uinal ya yaiyic,

Josué 7:5

Ay la yich'ic milel waclajuneb xcha'winic (36) ta jtul. Te yantique la yich'ic nutsel bael c'alal ta yochibal te lume, ja' to c'alal ta bay sloq'uesjibal tonetic, ta bay coel tey la yich'ic milel a. Ja' swentail te pejc'aj yo'tanic te israeletique, ch'ay yip te yo'tanique.

Salmos 102:15

Spisilic te muc' ajwaliletic yu'un nacionetic ta balumilal ya me yich'beyic ta muc' yutsilal te Cajwaltique.

Salmos 83:18

Ac'a sna'ic te ja'at nax Ajwalilat, te ja'at nax te mero Toyolat, te atuquel ay ta awenta spamal te q'uinale.

1 Reyes 8:60

soc swenta yu'un ta spisil ta jpam nacionetic ta balumilal ya sna'beyic sba a te Cajwaltic te ja' Dios stuquel soc te ma'yuc yan te diose.

Apocalipsis 6:16

Soc jich caj yalbeyic te witstiquile soc te ch'entiquile: “La' net'awotic, macawotic ta sit te Mach'a nacal ta smuc'ul nactijibe. Ma me staotic te yilimba te Alalchije.

Nahúm 2:10

Lajinotix, jojch'ajix, t'analix jilel, jich ayix te lum Nínive. Ya xjinix yo'tanic yu'un te xiwele; ya xnijq'uic te sjol yacanique. Ta spisilic ma'yuquix yipic soc sacuben yelawic yu'un xiwel.

Salmos 22:14

Jich c'oemon te bit'il ja' te ya xmale; te jbaquel pitc'ujemiquix. Te co'tan jich c'oem te bit'il chabec' te ya x'ulub ta yutil te jbaq'uetale.

Josué 14:8

Yan te mach'atic joinej bael, ja' nax c'o xiwtesbey yo'tanic te jlumaltique. Yan te jo'one jun nax co'tan ta stojol te Cajwal te Dios cu'une.

Deuteronomio 20:8

“Patil te jwentainwanejetic ya me xc'opoj yan buelta ta stojol te soldadoetic, jich ya yalic: “Teme ay mach'a buen xiwel ya yaiye, ac'a bajt'uc ta sna, swenta yu'un jich ma xyac' ta xiwel a te yantic sjo'taque”, xi' me.

Deuteronomio 1:28

Yo'tic ¿banti ya xbootic? Te mach'atic jun jlumaltic soc, ya yalic te mero bayal yipic soc te mero najt'ic te mach'atic tey ayic a, c'axem laj jichic a te bit'il jo'otique. Soc niwac lumetic laj ay yu'unic soc mero toyolic laj sjoyob ts'ajc'ul, soc ay laj la yilbeyic sts'umbal te c'ax najt'il winic Anac tey a. Ta spisil, jc'axel ya spejc'anbotic co'tantic”, xaex.

Éxodo 15:14

Te lumetic ya me xnijc' yo'tanic c'alal ya yaiyic stojol; te filisteoetic ya me x'ajc'naj yo'tanic yu'un xc'uxul mel-o'tan.

Éxodo 15:15

Te capitán-soldadoetic yu'un edometic ya me xmajc' ic' ta yo'tanic, te jtsobwanejetic yu'un moabetic ya me xnijq'uic yu'un xiwel, jc'axel me ma'yuc yip yo'tanic ya xc'ot spisilic te cananeoetique.

2 Reyes 5:15

Te Naamán soc spisil sjo'tac ba yilic te Eliseo. C'alal c'otic ta stojol, te Naamán jich la yalbey: —Yo'tic la jna'ix ta lec ta spamal balumilal ma'yuc Dios, ja' nax ay Dios stuquel ta Israel. Ja' yu'un, wocoluc, tsaca amajt'an te ya cac'bat te jo'on awabatone —xi'.

Salmos 58:7

Ac'a ch'ayuquic, jich te bit'il ja' ya xmal ta taquin lume; ac'a taquejuc, jichuc ac ta be;

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Ezequiel 21:15

Ya me x'ac'bot bayal xiwelic yu'un, ya me yac' bayal milaw. Ta spisil te nanatic yu'un la caq'uix ochel te jmilawal puñale. Ja' te puñal la yich' juxel ta leque, xlemet me xojobil ya yac' tey a, yich'oj juxel ye yu'un milaw.

Josué 2:24

Jich jul yalic: —Te Cajwaltique yac'ojbotiquix ta jc'abtic te q'uinale. Jo'otic ta jcajtic te lajem ya yaiyiquix yu'un xiwel te lume —xiic.

Josué 9:24

La sjac'beyic sc'op te Josué: —Jich la jpastic, melel bayal xiwotic yu'un teme ya xba amilotique. Yu'un caiyojtic stojol te Ajwalil, te Dios awu'unique, la yalbey Moisés, te yabate, te ya yac'beyex spamal te q'uinale soc ya yich' milel spisil te mach'atic nainemic tey ae.

Nehemías 6:16

Te jcontrotique la yaiyic te ju'ixe. Spisilic te lumetic ayic ta sjoyobal te jq'uinaltique, bayal xiw yo'tanic yu'un. Pejc'aj te stoybailique, melel c'ot ta yo'tanic te ja' ta swenta bit'il ja' la scoltayotic te Dios cu'untic te ju' ta pasel cu'untic te at'ele.

Ester 8:17

Ta spisil ta jpam q'uinal, lumetic, soc te banti c'ot te c'op chapal yu'un te muc' ajwalile, te judioetic tal bayal sbujts' yo'tanic soc sbujts' q'uinal la yaiyic yu'un. La stsob sbaic ta we'el swenta q'uin. Te yajwal te lumq'uinal tsobol la yac' sbaic ta judioil, ta scaj te u'uninotic yu'un xiwel te bit'il la xi'ic te judioetique.