Josué 2:10 - Bible in Tzeltal de Oxchuc y Tenejapa

¹⁰ Melel caiyojtic stojol te c'alal loq'uex tel ta Egipto, Dios la staquintesbeyex slumil te Mar Rojo te c'axex tel a. Ja' nix jich jna'ojtic stojol te jc'axel la amilic jilel te cheb ajwaliletic yu'un te amorreoetique, te Sehón soc te Og, ja' te ayic ta jejch' muc'ja' Jordán.

Bible in Tzeltal Bachajón

¹⁰ Yu'un ca'iyejcotic te Jehová la staquijtes slumil te Mar Rojo ta atojolic te c'alal loq'uex tal ta Egipto, soc te bin la apasbeyic te cheb ajwaliletic yu'un te amorreohetic te ayic ta jehch Jordán, ha te Sehón soc Og, te jc'axel la alajinic.

Josué 2:10 Referans Kwoze

Deuteronomio 2:30

“Pero te muc' ajwalil Sehón, ma ba la sc'an la yac'otic c'axel ta sq'uinal, melel ja' nix te Cajwaltic Dios cu'untic te la stulantesbey yo'tan, swenta yu'un jich ya yac'botic ta jc'abtic a, jich te bit'il c'alal ora ay to ta jwentatic.

Números 23:22

Ja' te Dios te loq'uesotic tel yu'un ta Egipto, jich c'oem yu'unic te bit'il yip xulub ja'mal toro.

Josué 4:24

Jich yu'un ya me sna'ic spisil lumetic ta balumilal te bayal yu'el te Cajwaltique, soc te ja'exe ya me awich'ic ta muc' te Cajwaltic te Dios cu'untic sbajt'el q'uinal”, utaic me —xi' te Josué.

Números 20:14

C'alal ayic ta Cades, te Moisés la sticun bael cha'oxtul ta yich'el bael c'op ta stojol te muc' ajwalil yu'un Edom, jich la yal bael: —Te awermanotac-israeletic la yalic tel: “Te ja'at ya ana' ta lec te jwocoltic c'axemix tel cu'untique.

Números 24:8

Ja' te Dios te loq'uesotic tel yu'un ta Egipto, jich c'oem yu'unic te bit'il yip xulub ja'mal toro. Te Israel ya sbic' c'oem te nacionetique, ja' te scontroique. Ya sc'asbey sbaquelic, ya yejch'entes ta yat'ejibal st'imic.

Josué 5:1

Spisil te muc' ajwaliletic yu'un te amorreoetic te ayic ta swenta smalib c'aal yu'un Jordán, soc te muc' ajwaliletic yu'un te cananeoetic te nopol ayic ta Mar Mediterráneo, la yaiyic stojol te taquinaj ya'lel te Jordán, te c'axic tel tey a te israeletique. Jich och bayal xiwel ta yo'tanic, jich ma'yuc bila la yalbeyic ta stojol te israeletique.

Salmos 74:15

Ja'at la awac' t'omuc loq'uel tel sloq'uibja' soc muc'ja'etic; la awac' taquejuc te muc'ja'etic te ma xtaquej sc'oplale.

Josué 9:10

soc te bi la spasbey te cheb ajwaliletic yu'un te amorreoetic ta jejch' ja' Jordán, ja' te Sehón te ajwalil yu'un te lum Hesbón, soc te Og, te ajwalil yu'un Basán, te nain ta lum Astarot.

Josué 24:12

Te cheb ajwaliletic yu'un amorreoetic ma la atsal atuquelic ta puñal ni ta t'im, jo'on la jticunbey tel muc'ul xiwel ta stojolic ta awentaic te ja'exe. Jich loq'uemiquix bael ta anel a te c'alal c'oexe.