Josué 19:51 - Bible in Tzeltal de Oxchuc y Tenejapa

⁵¹ Ja' spisil in q'uinaletic to te la spasbeyic snumeroil ta na'el ta puquel ta stojol chajbalchajp israeletic te sacerdote Eleazar, Josué soc te jwolwanejetic yu'unic. La spasic ta stojol Cajwaltic ta yochibal Nailpac' te bay ya yich' c'oponel Dios, te ay ta lum Silo. Jich la yich' juju-jsejp sq'uinalic te juju-jchajp sts'umbal Israel.

Bible in Tzeltal Bachajón

⁵¹ Ha ini te q'uinaletic te sacerdote Eleazar, Josué snich'an Nun, soc te jolaletic ta jujuchahp na te la spucbeyic ta scuenta spasel seña ta na'el te jujuchahp snich'nab Israel ta Silo ta stojol Jehová, ta yochibal te Nahilpac' Templo yu'un tahojibal. Hich laj yo'tanic ta spuquel te q'uinale.

Josué 19:51 Referans Kwoze

Josué 18:10

Jich yu'un te Josué la spucbey sq'uinalic te israeletic tey ta Silo, la spasbey snumeroil ta na'el ta stojol te Cajwaltique.

Josué 14:1

Ja' te q'uinaletic yu'un Canaán te la yich' sq'uinalinic te israeletique, ja' te pucbotic yu'un te sacerdote Eleazar soc Josué soc te jwolwanejetic yu'un te juju-jchajp sts'umbal te israeletique.

Josué 18:1

Te bit'il yich'ojiquix a te q'uinale, spisil te lum israel la stsob sbaic ta Silo ta xchajbanel yawil te Nailpac' te bay ya yich' c'oponel te Diose.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

San Mateo 20:23

La yal te Jesuse: —Melel nix a te ya x'ac'botex uuc te woclajele soc te ya awich'ic uts'inel uuc jich te bit'il ya quich' te jo'one. Yan te bit'il ya ac'anic te ya xnajc'ajex jtul ta jwa'el soc jtul ta jq'uexene, ma ja'uc ay ta jwenta yaq'uel. Ja' ay ta swenta stuquel te Jtate te mach'atic ya yac' najc'ajuc tey a —xi' te Jesuse.

Salmos 78:60

soc la yijq'uitay te templo ta Silo, te ja' sna ta yolil te ants-winiquetique.

1 Samuel 1:3

Te Elcana jujun ja'wil ya xloc' jajch'el ta slumal, ya xbajt' ta lum Silo ta xch'uunel soc ta yaq'uel milbil smajt'an te Cajwaltic te Spisil ya xju' yu'une. Tey ay a te cheb snich'nab sacerdote Elí: Ofni soc Finees sbiilic, ja' nix sacerdoteetic yu'un te Cajwaltique.

Jueces 21:21

P'ijanic me tey a, c'alal ya xloc' tel ta ajc'ot tsojboltsojp te ach'ixetic, loc'anic me bael te bay anac'oj abaique. Tsacaic bael juju-jtul, baanic ta aq'uinalic soc.

Jueces 21:19

Ja'uc me to, jujun ja'wil ay muc'ul q'uin yu'un Cajwaltic ya xc'ax ta Silo, te ay ta stojol norte yu'un Betel, soc ta stojol sloq'uib c'aal yu'un te be ya xjajch' ta Betel ya xbajt' c'alal ta Siquem, soc ta stojol sur yu'un Lebona.

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Hechos 13:19

Soc la sjin te jucchajp nacionetic te ayic ta sq'uinal Canaán, yu'un la yac'bey ta swentaic te q'uinale.

Josué 20:1

Te Cajwaltic la sc'opon te Josué, jich la yalbey: