Josué 18:8 - Bible in Tzeltal de Oxchuc y Tenejapa

⁸ Te mach'atic ya xba yich'beyic tel sc'oplal te q'uinale, la xchajban sbaic. Te Josué la spas bael ta mandal, jich la yalbey: —Baan ilawilic spisil te q'uinale, soc p'isaic jilel. Sujt'anic tel te c'alal ya xlaj awo'tanique, swenta yu'un ya me jpasbey snumeroil ta na'el te ya jpuc ta Silo ta stojol te Cajwaltique —xi' te Josué.

Bible in Tzeltal Bachajón

⁸ Hich loq'uic bahel te winiquetique. Te Josué hich la spas bahel ta mandar te mach'atic ya xbaht yilic bin yilel te q'uinale: Bahanic, behentayahic te q'uinal, ts'ihbayahic bin yilel te q'uinal soc suhtanic tal ta jtojol, scuenta yu'un ya jpasbeyex seña ta na'el ta stojol Jehová li' ta Silo, xchi.

Josué 18:8 Referans Kwoze

Romanos 14:19

Jich yu'un, ac'a me cantaytic te bila lamal q'uinal ya caiytic yu'une, jich me ya xmuc'ub ta ch'uunel cu'untic a te Diose.

Josué 18:10

Jich yu'un te Josué la spucbey sq'uinalic te israeletic tey ta Silo, la spasbey snumeroil ta na'el ta stojol te Cajwaltique.

1 Samuel 14:41

Jajch' ta c'op te Saúl, jich la yal: —Cajwal, Dios yu'un Israel, ¿bi yu'un te ma ba la ajac'bon jc'op ta ora te abaton awu'une? Teme jo'on te ay jmule, o teme ja' te jnich'an Jonatán, ac'a me chicnajuc te c'alal ya yich' ch'ojel te seña sna'ojibal, ja' ac'a loc'uc te Urim. Pero teme ja' ay smul te israeletic, ja' te lum awu'une, chican me ja' ya xloc' te Tumim —xi'. Te c'alal la yich' ch'ojel te seña sna'ojibale, ja' c'ot ta swentaic te Jonatán soc te Saule. Te lume ma'yuc smul loc' stuquel.

Josué 18:6

Te c'alal lajix ta p'isel a te jucsejpe, ya me yich'bonic tel te sc'oplale. Jich me ya jpasbey snumeroil ta na'el te bit'il ya yich' puquel ta stojol Cajwaltic te Dios cu'untique.

Josué 18:1

Te bit'il yich'ojiquix a te q'uinale, spisil te lum israel la stsob sbaic ta Silo ta xchajbanel yawil te Nailpac' te bay ya yich' c'oponel te Diose.

Josué 15:1

Te q'uinal ac'bot ta swenta xchaplejal te sts'umbal Judá, ta swenta snumeroil ta na'el, ja' c'ot ta swenta c'alal ta sti'il sq'uinal Edom, soc ta stojol sur c'ot c'alal ta jochol taquin q'uinal Zin.

Josué 13:7

Pucbeya sq'uinalic te balunchajp sts'umbal alumal soc te olil xan sts'umbal Manasés —xi' te Cajwaltique.

Génesis 13:17

Jajch'an jiche, oclina te q'uinale, te bi yilel smuc'ul soc te bi yilel sjamalule, yu'un ya me cac'bat aq'uinalin —xi' sc'oplal.

Josué 18:9

Te winiquetic bajt'ic, beenic ta yilel spisil te q'uinale. La sp'isic jilel ta jucchajp te lumetic, soc la jts'ibuyic ta jun ta spisil. Patil sujt'ic tel ta bay yantic ta Silo ta stojol te Josué.

Isaías 34:17

Juju-jcojt' yac'ojbeyix yil te yawilique; ta sc'ab spucojbeyix te sq'uinale. Jc'axel me ya x'och ta swentaic; tey me ya xnainic a ta sbajt'el q'uinal.