Josué 17:1 - Bible in Tzeltal de Oxchuc y Tenejapa

¹ Te q'uinal ac'bot ta swenta sts'umbal Manasés, ja' te sba snich'an José, jich ay: te Maquir te tulan yu'un guerra, te sba snich'an Manasés soc stat te Galaad, ja' c'ot ta swenta te q'uinal te Galaad sbiil, soc te Basán, te ay ta stojol sloq'uib c'aal yu'un Jordán.

Bible in Tzeltal Bachajón

¹ Soc a'bot sq'uinal ta scuenta spasbeyel seña ta na'el te sts'umbal Manasés, como ha te sba-nich'an José. Te Maquir, te sba-nich'an Manasés soc ha stat Galaad te mero ya sna' guerra, ha c'oht te sq'uinal Galaad soc Basán.

Josué 17:1 Referans Kwoze

Números 26:29

Te sts'umbal Manasés, ja' te mach'atic yu'un Maquir. Te sts'umbal Maquir, ja' te mach'atic yu'un Galaad.

Génesis 41:51

Te sbabial snich'ane, Manasés sbiil c'ot yu'un te José, yu'un la yal: “Dios la yac'bon ch'ayuc ta co'tan spisil te jwocol soc spisil te mach'atic ay cu'une”, xi'.

Génesis 50:23

Laj to yilbey sit snich'nab te snich'nab Efraín, soc laj to yich' ta wenta te snich'nab Maquir, ja' te snich'an te Manasés.

Génesis 46:20

Te José ayin cheb snich'nab ta Egipto: Manasés soc Efraín, te yalatac Asenat, te yantsil-nich'an te sacerdote yu'un lotil dios ta lum On, Potifera sbiil.

Génesis 48:18

Te José jich la yalbey te state: —Ma jichuc ya sc'an, jtat. Ja' banquilal te yane, ja' xacajanbey swa'el ac'ab ta sjol stuquel —la yut.

1 Crónicas 2:23

Ja'uc me to, te Gesur soc Aram la yu'uninbeyic te campamentoetic yu'un Jair, soc la yu'uninbeyic te campamentoetic yu'un Kenat soc te ch'in lumetic yu'une. Ta spisil ay oxwinic (60) ta jpam te lumetique. Ja' sts'umbal Maquir ta spisilic, ja' te stat Galaad.

Jueces 5:14

Ay winiquetic yu'un Efraín coic tel ta spamlej, ta spatic tal tsojboltsojp soldadoetic yu'un Benjamín. Ta tsojboltsojp yu'un Maquir coic tel te jtsobwanejetic yu'unic, soc ta tsojboltsojp yu'un Zabulón, coic tel te jwentainwanejetic yu'unique.

Deuteronomio 21:17

Puersa me ya sna' te ja' sba snich'ane. Ja' yu'un te sbiluque, ya me sc'an te cheb ya yac'bey jilel te ba alale, jujun me ya yac'bey te yantic snich'nabe. Melel te ba alale ja' sbabial sit te yipe, ja' ay ta swenta spisil te ba alale.

Números 32:33

Ja' yu'un te sts'umbal Gad soc Rubén soc te olil sts'umbal Manasés, te Moisés ja' la yac'bey sq'uinalin te sq'uinal Sehón, te muc' ajwalil yu'un amorreoetic, soc te sq'uinal Og, te muc' ajwalil yu'un Basán, soc te lumetic te ayic ta swenta soc te lumq'uinal ta sjoyobalique.

Números 27:1

Ta sts'umbal Manasés ay jo'tul antsetic te jun nax sme'-statique, ja' te Maala, Noa, Hogla, Milca soc Tirsa. Ja' yantsil-nich'nab Zelofehad, ja'ic mero sts'umbalinej te Hefer, Galaad, Maquir, Manasés soc José.

Génesis 48:17

Ja'uc me to te José, c'alal la yil te stat te bit'il ja' la scajanbey swa'el sc'ab ta sjol te Efraín, ma lecuc c'ot ta yo'tan. Jich yu'un la stsacbey sc'ab te state, te cajal ta sjol te Efraín, c'an yac' bael ta sjol Manasés.

Josué 17:2

Ja' nix jich la spasbeyic snumeroil ta na'el te mach'a ya xc'ot ta swentaic te jayeb xan sts'umbal Manasés, ja' chican te jayeb ta jchajp te sbiilique: ja' te Abiezer, Helec, Asriel, Siquem, Hefer soc Semida, ja'ic te snich'nab Manasés, te smamatac José.

Josué 22:7

Te olil sts'umbal Manasés, te Moisés la yac'beyix sq'uinalic ta sq'uinal Basán. Te yan olil sts'umbal Manasés, te Josué la yac'bey sq'uinalic ta bay yantic israeletic, ta stojol smalib c'aal yu'un muc'ja' Jordán. Te mach'atic ay sq'uinalic ta jejch' ja', la sc'anbey bael bendición, soc la sticun sujt'el,

Génesis 41:52

Te xchebal snich'ane, Efraín sbiil c'ot stuquel, yu'un la yal te José: “Dios la yac'bonix jnich'nab li' ta lum to te banti ay jwocol ta neelale”, xi'.

2 Samuel 2:9

Tey c'o yac' ochel ta muc' ajwalil yu'un Galaad, Gesuri, Jezreel, Efraín, Benjamín, soc yu'un spisilic te israeletique.

Ezequiel 47:13

La yal te Cajwaltic: —Jo'on Ajwalilon te jich ya cale: Ja' sti'il te lumq'uinal ya yich'ic ac'beyel yu'uninic te lajchaychajp sts'umbal Israel. (Te José cha'sejp me ya xc'ot ta swenta stuquel.)