Josué 14:2 - Bible in Tzeltal de Oxchuc y Tenejapa

² Te bit'il la spuquic te q'uinale, la spasbeyic snumeroil ta na'el te banti ya xc'ot ta swentaic te q'uinal ta sbalunchajbal sts'umbal soc te olile, jich bit'il yaloj mandal Cajwaltic ta stojol Moisés te jich ya spase.

Bible in Tzeltal Bachajón

² La yich' pucticlanel te q'uinal ta scuenta spasbeyel seña ta na'el, hich te bin ut'il Jehová la spas ta mandar te Moisés te ya yich'ic te balunchahp soc ohlil.

Josué 14:2 Referans Kwoze

Números 34:13

Te Moisés la spas ta mandal te israeletique: —Ja' me te lumq'uinal ya apucbey abaic ta swenta snumeroil ta na'el. Ja' te lumq'uinal te yaloj mandal Cajwaltic te ya yich'ic ac'beyel te balunchajp soc olil te ma ba staoj sq'uinalique.

Números 33:54

Ja'uc me to, ya me apucbey abaic te q'uinal ta swenta snumeroil ta na'el, ta chajbalchajp te ats'umbalique. Teme bayal ta jtul ay yu'un te jchajbe, muc' me sq'uinal ya yich' stuquelic, yan teme jteb naxe, jteb nax me ya yich'ic. Ta chajbalchajp te ats'umbale ya me yich'ic jich yipal q'uinal te ya yac' ta na'el te snumeroile.

Proverbios 16:33

Ay mach'a ya spas número ta na'el; pero ja' ya yac' número te Cajwaltique.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

Proverbios 18:18

Te spasel snumeroil ta na'el ya yac' quejch'ajuc te c'opetique; ya yac'bey sq'uej sbaic te mach'atic scontroinej sbaique.

Hechos 1:26

Jich la spasbeyic snumeroil ta na'el te mach'a tsabil ya xc'ote. Ja' c'ot ta swenta te Matiase. Jich la sjoin ta ajtayel te buluchtul jpuc-c'opetique.

Números 34:17

—Te mach'atic ya spuquic te q'uinal ta awolilic ja' me te sacerdote Eleazar soc Josué, te snich'an Nun.

Josué 18:6

Te c'alal lajix ta p'isel a te jucsejpe, ya me yich'bonic tel te sc'oplale. Jich me ya jpasbey snumeroil ta na'el te bit'il ya yich' puquel ta stojol Cajwaltic te Dios cu'untique.

Números 26:52

Te Cajwaltic la sc'opon te Moisés, jich la yalbey:

Josué 13:7

Pucbeya sq'uinalic te balunchajp sts'umbal alumal soc te olil xan sts'umbal Manasés —xi' te Cajwaltique.

Josué 18:10

Jich yu'un te Josué la spucbey sq'uinalic te israeletic tey ta Silo, la spasbey snumeroil ta na'el ta stojol te Cajwaltique.

Ezequiel 45:1

“Teme la apuquic te q'uinale, chican bila númeroil ya xc'ot ta swentaic ta chajbalchajp sts'umbalique, ya me sc'an ya awijq'uitayic jsejpuc q'uinal, lajchayeb kilómetro soc olil ta snajt'il soc lajuneb kilómetro ta sjamalul. Te q'uinale yu'un Cajwaltic ya xc'ot. Ta spamal te q'uinale, ch'ul q'uinal me stuquel.