Josué 13:7 - Bible in Tzeltal de Oxchuc y Tenejapa

⁷ Pucbeya sq'uinalic te balunchajp sts'umbal alumal soc te olil xan sts'umbal Manasés —xi' te Cajwaltique.

Bible in Tzeltal Bachajón

⁷ Pucbeya hiche te q'uinal ini te balunchahp soc te j'ohlil yu'un Manasés, xchi.

Josué 13:7 Referans Kwoze

Números 33:54

Ja'uc me to, ya me apucbey abaic te q'uinal ta swenta snumeroil ta na'el, ta chajbalchajp te ats'umbalique. Teme bayal ta jtul ay yu'un te jchajbe, muc' me sq'uinal ya yich' stuquelic, yan teme jteb naxe, jteb nax me ya yich'ic. Ta chajbalchajp te ats'umbale ya me yich'ic jich yipal q'uinal te ya yac' ta na'el te snumeroile.

Josué 13:6

Ya jloq'ues bael ta sq'uinal te sidonetic, yu'un ya x'ochic te israeletique, soc ya jloq'ues spisil mach'atic nainemic ta witstiquil, c'alal ta Líbano, ja' to ta Misrefot-maim. Yan te ja'ate at'elina spuquel sq'uinal te alumal israeletic, jich me te bit'il calojbat mandale.

Josué 13:8

Te sts'umbal te Rubén, Gad soc te olil sts'umbal Manasés ac'botix sq'uinalic stuquelic. Tey ac'botic yu'un Moisés ta jejch' ja' Jordán ta stojol sloq'uib c'aal.

Salmos 78:55

La sloq'ues ta stojol Israel te mach'atic ma ba ch'uunbil yu'une; ta juju-jchajb sts'umbal Israel la spucbey ta sejpelsejp te q'uinale, soc la yac' nainuc ta scampamentoic.

Salmos 105:44

Soc la yac'bey sq'uinalinic sq'uinal yantic nacionetic; la yac'bey yu'uninbey sit yawal-sts'unub jyanlumetic,

Ezequiel 45:1

“Teme la apuquic te q'uinale, chican bila númeroil ya xc'ot ta swentaic ta chajbalchajp sts'umbalique, ya me sc'an ya awijq'uitayic jsejpuc q'uinal, lajchayeb kilómetro soc olil ta snajt'il soc lajuneb kilómetro ta sjamalul. Te q'uinale yu'un Cajwaltic ya xc'ot. Ta spamal te q'uinale, ch'ul q'uinal me stuquel.

Números 34:13

Te Moisés la spas ta mandal te israeletique: —Ja' me te lumq'uinal ya apucbey abaic ta swenta snumeroil ta na'el. Ja' te lumq'uinal te yaloj mandal Cajwaltic te ya yich'ic ac'beyel te balunchajp soc olil te ma ba staoj sq'uinalique.

Josué 14:2

Te bit'il la spuquic te q'uinale, la spasbeyic snumeroil ta na'el te banti ya xc'ot ta swentaic te q'uinal ta sbalunchajbal sts'umbal soc te olile, jich bit'il yaloj mandal Cajwaltic ta stojol Moisés te jich ya spase.