Josué 13:6 - Bible in Tzeltal de Oxchuc y Tenejapa

⁶ Ya jloq'ues bael ta sq'uinal te sidonetic, yu'un ya x'ochic te israeletique, soc ya jloq'ues spisil mach'atic nainemic ta witstiquil, c'alal ta Líbano, ja' to ta Misrefot-maim. Yan te ja'ate at'elina spuquel sq'uinal te alumal israeletic, jich me te bit'il calojbat mandale.

Bible in Tzeltal Bachajón

⁶ Ho'on ya jloq'ueslan ta stojol te snich'nab Israel spisil mach'atic nahinemic ta witsiltic c'alal Líbano ha to ta Misrefot-maim soc spisil te sidonetique. Ha'at nax yac apucticlambe te q'uinal te snich'nab Israel, hich te bin ut'il la jpasat ta mandar.

Josué 13:6 Referans Kwoze

Josué 11:8

Te Cajwaltic la yac'bey yaiyic tsalaw te israeletique. La snutsic bael ta milel c'alal ta muc'ul lum Sidón soc Misrefot-maim, soc c'alal ta stojol sloq'uib c'aal ja' to ta spamlej ta Mizpa, ni jtuluc cuxul a jil.

Josué 23:4

Jo'on la jpucbey ta swenta snumeroil ta na'el te sq'uinalic ta spisil ta jchajp sts'umbal te awermanotaque. Ma ja'uc nax la jpuc te q'uinal ta bay ich'bilixe, la me jpuc ta bay quechel ta ich'ele, ja' to me ta muc'ja' Jordán ta stojol sloq'uib c'aal, c'alal ta Mar Mediterráneo ta stojol smalib c'aal.

Números 33:54

Ja'uc me to, ya me apucbey abaic te q'uinal ta swenta snumeroil ta na'el, ta chajbalchajp te ats'umbalique. Teme bayal ta jtul ay yu'un te jchajbe, muc' me sq'uinal ya yich' stuquelic, yan teme jteb naxe, jteb nax me ya yich'ic. Ta chajbalchajp te ats'umbale ya me yich'ic jich yipal q'uinal te ya yac' ta na'el te snumeroile.

Josué 13:7

Pucbeya sq'uinalic te balunchajp sts'umbal alumal soc te olil xan sts'umbal Manasés —xi' te Cajwaltique.

Salmos 80:8

Ta Egipto la aloq'ues tel jun ts'usubil; la ach'oj loq'uel te mach'atic ma ba xch'uunejate, ja' la ats'un tey a te ts'usubile.

Josué 1:6

Ma xiwat, pasa tulan, yu'un ja'at me ya x'och ta awenta spuquel sq'uinal te lume, ja' te la calbey ame'-atatic ta namey te ya cac'beye.

Josué 11:12

Ja' nix jich la spasbey spisil te lumetic te xchapoj sc'opic soque. La stsaquic soc la smilbeyic te muc' ajwaliletic yu'unique, jc'axel la sjinic jilel, jich bit'il la yal jilel mandal Moisés te yabat Cajwaltique.

Josué 23:5

Te Cajwaltic ya me sloq'ues bael te mach'atic nainemic tey a, ja' me ya awich'ic jilel te ja'exe, jich bit'il yalojbey sc'oplal te Cajwaltic te Dios cu'untique.