Josué 13:11 - Bible in Tzeltal de Oxchuc y Tenejapa

¹¹ C'ot ta swentaic Galaad, te sq'uinal gesuretic, te sq'uinal maacateoetic, soc spisil te wits Hermón, soc ta spisil te sq'uinal Basán c'alal ta lum Salca,

Bible in Tzeltal Bachajón

¹¹ soc Galaad, te sq'uinal gesureohetic soc te maacateohetic, spisil te wits Hermón soc spisil te sq'uinal Basán c'alal ta Salca;

Josué 13:11 Referans Kwoze

1 Crónicas 2:23

Ja'uc me to, te Gesur soc Aram la yu'uninbeyic te campamentoetic yu'un Jair, soc la yu'uninbeyic te campamentoetic yu'un Kenat soc te ch'in lumetic yu'une. Ta spisil ay oxwinic (60) ta jpam te lumetique. Ja' sts'umbal Maquir ta spisilic, ja' te stat Galaad.

Génesis 37:25

La snajc'an sbaic, ochic ta we'el. Yacalic ta we'el a, la stoy sitic, la yilic yacalic ta talel ismaeletic jajch'emic tel ta Galaad. Smacojic ta beel scamelloic te xcuchojic te bila bujts'an yic' soc bálsamo soc mirra, te ya xba xchonic ta Egipto.

Números 32:29

—Spisil te winiquetic te sts'umbal Gad soc Rubén, te chapalic soc yat'ejibic yu'un guerra, teme ya sjoinex c'axel ta muc'ja' Jordán, jich te bit'il mandal yu'un te Cajwaltic, ja' to c'alal ya awich'ic te lumq'uinal, jich yu'un ja' me ya awac'beyic te lumq'uinal yu'un Galaad, te ja' sq'uinalic ya xc'ot.

Deuteronomio 3:10

Ta spisil te lumetic ayic ta toyol spamlejetic, ja' te Galaad soc Basán c'alal ta lum Salca, soc lum Edrei, ja' te lumetic swentainej a te Og, te muc' ajwalil yu'un Basán, spisilic och ta jc'abtic.

Josué 11:3

te cananeoetic ta stojol sloq'uib c'aal soc ta stojol smalib c'aal, te amorreoetic, te hititaetic, te ferezeoetic, te jebuseoetic ta witstiquil soc te heveoetic ta wits Hermón ta spamal bael q'uinal yu'un Mizpa.

Josué 13:2

Quechel jilel spisil in to: te sq'uinal filisteoetic soc te gesuretic,

Josué 13:10

Ja' spisil te lumetic yu'un te Sehón, te anima muc' ajwalil amorreo yu'un lum Hesbón, ja' to c'alal ta sts'ajc' sq'uinal te amonetique.

Josué 13:25

Ja' jil ta swentaic te lum Jazer, spisil te lumetic te ayic ta Galaad, soc olil la yich'bey sq'uinal te amonetic ja' to c'alal ta yan Aroer te stojol yiloj sba soc Rabá,

Josué 17:5

Ja' yu'un te sts'umbal Manasés la yich' lajunsejp q'uinal stuquel, soc xan te q'uinal ta Galaad soc Basán, te ayic ta stojol sloq'uib c'aal ta jejch' ja' Jordán,

1 Crónicas 5:11

Te sts'umbal Gad tey ainic a te bay stojol ayic te rubenetic, ta sq'uinal Basán ja' to ta lum Salca.

1 Samuel 13:7

Ay tsobolic c'axic ta jejch' ja' Jordán ta sq'uinal Gad soc sq'uinal Galaad, pero te Saúl jil ta Gilgal stuquel. Spisil te soldadoetic yu'un, t'unbil to nix yu'un, pero yacalic ta buen xiwel.