Josué 12:8 - Bible in Tzeltal de Oxchuc y Tenejapa

⁸ te toyol witstiquil, soc spamlej soc ta stenlej xatal q'uinal yu'un Jordán, te coel q'uinal bael, te jochol taquin q'uinal soc te Néguev. Ja' sq'uinalinejic ta neelal te hititaetic, amorreoetic, cananeoetic, ferezeoetic, heveoetic soc te jebuseoetique.

Bible in Tzeltal Bachajón

⁸ ta witsiltic, spamlejetic, ta Arabá, ta cohel q'uinal bahel, ta jochol taquin q'uinal soc ta Neguev, te banti nahinic te heteo, amorreo, cananeo, ferezeo, heveo soc te jebuseohetic:

Josué 12:8 Referans Kwoze

Josué 11:16

Te Josué ju' yu'un yich'el spamal te q'uinale: ja' te toyol witstiquil, spisil te Néguev, spisil te sq'uinal Gosén, te spamlejal soc stenlej xatal q'uinal yu'un Jordán, soc spisil te witstiquil soc spamlejal yu'un Israel.

Josué 10:40

Jich ju' yu'un te Josué ta yu'uninel spamal te q'uinale. La stsal te muc' ajwaliletic yu'un lumetic ta toyol witstiquil, ta sq'uinal Néguev, ta peq'uel witstiquil soc ta coel q'uinal bael. Spisil la sjin jilel soc la smilic ta spisil, ma'yuc jtuluc cuxul jilel, jich bit'il yaloj mandal Cajwaltic te Dios yu'un Israel.

Josué 9:1

Te ajwaliletic yu'un te hititaetic, amorreoetic, cananeoetic, ferezeoetic, heveoetic soc te jebuseoetique, la yaiyic stojol te bila c'oem ta pasele. (Tey nainemic ta stojol smalib c'aal yu'un te muc'ja' Jordán: ta bay witstiquil, ta bay alan q'uinal bael yu'une, soc ta spamlej bael ta ti'ti' muc'ul Mar Mediterráneo, ja' to ta sq'uinal Líbano.)

Deuteronomio 9:1

“Aiya awaiyic, israeletic: C'otix yorail te ya xc'axex bael ta jejch' ja' Jordán, soc te ya xjajch'ex ta at'el ta spisil awipic ta stsalel ta guerra yantic nacionetic, te c'axem jich smuc'ulic soc c'axem jich yipic a te bit'il ja'exe. Ya me atsalic niwac lumetic te buen toyolic sjoyob ts'ajc'ule.

Deuteronomio 7:1

“Te Cajwaltic te Dios awu'unique ya me yiq'uex ochel ta lumq'uinal te ya yac'beyex awu'uninique. Ya xch'ojbeyex loq'uel ta asitic jucpam nacionetic te mero muq'uic soc te bayal yipique, te c'axem jich yipic a te bit'il ja'exe. Ja'ic te hititaetic, gergeseoetic, amorreoetic, cananeoetic, ferezeoetic, heveoetic soc te jebuseoetique.

Éxodo 23:23

Te ch'ul abat cu'un ya me xneelaj bael awu'un. Tey me ya yiq'uex bael a ta bay slumal te amorreoetic, hititaetic, ferezeoetic, cananeoetic, heveoetic soc te jebuseoetique. Ja'ic te ya cac' ta lajel ta spisilic.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Génesis 10:17

te heveoetic, te araceoetic, te sineoetic,

Génesis 12:9

C'ax xan bael te Abram, squechcon nax been bael ta stojol q'uinal te Néguev sbiile.

Génesis 13:7

Te jcanan-chambalametic yu'un te Abram la yut sbaic soc te jcanan-chambalametic yu'un Lot. Tey nix nainemic a te cananeoetic soc te ferezeoetique.

Josué 3:10

Ja' laj me seña te ay ta coliltic te cuxul Diose. Ja' te bit'il c'alal ya xc'axotic baele, ya laj me xjajch' sticunbotic loq'uel te cananeoetic, hititaetic, heveoetic, ferezeoetic, gergeseoetic, amorreoetic soc te jebuseoetique.

Jueces 1:9

Ja' nix jich ba yac'beyic guerra te cananeoetic te nainemic ta witstiquil, ta Neguev soc ta coel q'uinal bael.