Josué 12:2 - Bible in Tzeltal de Oxchuc y Tenejapa

² Ja' te sq'uinal Sehón, ajwalil yu'un amorreoetic, te nainem ta lum Hesbón. Ja' mandalaj c'alal ta lum Aroer ta sti'il tel muc'ja' Arnón, soc ja' to ta yolil stenlej xatal q'uinal te muc'ja' Jaboc, ta bay jajch'em tel sq'uinal te amonetique. (Jteb ma sta olil te sq'uinal Galaad.)

Bible in Tzeltal Bachajón

² Ha te Sehón ajwalil yu'un te amorreohetic, te nahin ta Hesbón, te la scuentahin c'alal Aroer te ay ta sti'il te uc'um Arnón ha to ta uc'um Jaboc, te sti'il sq'uinal te snich'nab Amón, c'alal ta yohlil te sjuclej soc j'ohlil te sq'uinal Galaad.

Josué 12:2 Referans Kwoze

Génesis 32:22

Ta ajc'ubal jajch' te Jacob, la yac' c'axuc bael ta muc'ja' xchebal te yinam, soc xchebal te scriada, soc te buluchtul snich'nab, ta bay jay te ja'e.

Salmos 135:11

ja' te Sehón, muc' ajwalil yu'un amorreoetic, ja' te Og, muc' ajwalil yu'un Basán, soc ta spisil te muc' ajwaliletic ta Canaán.

Nehemías 9:22

“La awac'bey yu'uninic yan lumq'uinaletic, soc te yajwale, la apucbey ta sejpelsejp. La yu'uninic Hesbón, slum-sq'uinal muc' ajwalil Sehón. La yu'uninic Basán, slum-sq'uinal muc' ajwalil Og.

Jueces 11:22

Jich la quich'beytic spisil sq'uinal te amorreoetic ja' to ta muc'ja' Arnón, c'alal ta muc'ja' Jaboc, soc c'alal ta jochol taquin q'uinal, c'alal ta muc'ja' Jordán.

Jueces 11:13

Te ajwalil yu'un amonetic la sujt'esbey tel sc'op te Jefté: “Te ja'ex te israelex te c'alal loq'uex tel ta Egipto, la apojbotic jq'uinaltic, c'alal ta muc'ja' Arnón, c'alal ta muc'ul ja'etic Jaboc soc Jordán. Ora yo'tic sujt'esbon ta puro lequilal”, xi'.

1 Crónicas 5:8

soc te Bela te snich'an Asaz, te ja' smam te Sema, te snich'an Joel. Te Bela nain ta Aroer. Te sq'uinal Bela bajt' c'alal ta Nebo soc ta Baal-meón.

Jeremías 48:19

Lum Aroer, tejc'ana aba ta ti'be, soc ilawil; jojc'obeya awaiy te mach'atic cuxulic toe, bila a te c'oem ta pasele.