Josué 11:12 - Bible in Tzeltal de Oxchuc y Tenejapa

¹² Ja' nix jich la spasbey spisil te lumetic te xchapoj sc'opic soque. La stsaquic soc la smilbeyic te muc' ajwaliletic yu'unique, jc'axel la sjinic jilel, jich bit'il la yal jilel mandal Moisés te yabat Cajwaltique.

Bible in Tzeltal Bachajón

¹² Ha nix hich te Josué la yu'untay spisil te pueblohetic yu'un te ajwaliletic, soc la smilticlan ta espada spisil te ajwaliletic yu'unic, jc'axel la smilticlan hilel, hich te bin ut'il pasot ta mandar yu'un Moisés te a'bat yu'un Jehová.

Josué 11:12 Referans Kwoze

Deuteronomio 7:2

Te c'alal bi ora ya yac'beyex ta ac'abic te Cajwaltic te Dios cu'untic te nacionetic, soc te bi ora ya atsalique, jc'axel me ya ajinic, ma me ayuc bila ya achapic soc te nacionetique. Ma me x'ana'beyic yo'bolil sbaic.

Josué 11:15

Te Cajwaltic la yalbey mandal te Moisés, te la yalbey jilel te Josué. Ts'acal la spasix spisil, ma'yuc c'ax jilel yu'un jp'aluc.

Josué 10:37

C'alal la yu'uninic te lum, jc'axel la slajinic ta milel ta puñal spisil te ants-winiquetic, te muc' ajwalil yu'unic, soc te xchamsbalamic, soc nix te lumetic te nopol yiloj sbaic soque, jich la spasbeyic bit'il Eglón.

Josué 10:35

Ja' nix sc'aalelal te la yu'uninique, la smilic ta puñal spisil ants-winiquetic. Jc'axel la slajinic jilel ta jyalel jich bit'il la spasbeyic te lum Laquis.

Josué 10:32

Ta xchebal c'aal te Cajwaltic la yac'bey ta sc'abic te Laquis. Te bit'il la spasbeyic Libna te israeletic, jich nix la smilic ta puñal spisil te ants-winiquetic soc te xchamsbalamic ta lum Laquis.

Josué 10:30

Te Cajwaltic ja' nix jich la yac'bey ta sc'abic te lum soc te ajwalil yu'une. Ma'yuc mach'a cuxul jilel, ni jtuluc. Jich nix la spasbeyic te muc' ajwalil yu'un Libna te bit'il la spasbeyic te muc' ajwalil yu'un Jericó.

Josué 10:28

Ja' nix ta sc'aalelal in to, te Josué la yu'unin te lum Maceda, la slajin ta milel ta puñal spisil te mach'atic nainemic tey a, ma'yuc mach'a cuxul la yijq'uitay. Te ajwalil yu'un Maceda jich la yich' pasel ta stojol te bit'il la spasbey te ajwalil yu'un Jericó.

Josué 9:24

La sjac'beyic sc'op te Josué: —Jich la jpastic, melel bayal xiwotic yu'un teme ya xba amilotique. Yu'un caiyojtic stojol te Ajwalil, te Dios awu'unique, la yalbey Moisés, te yabate, te ya yac'beyex spamal te q'uinale soc ya yich' milel spisil te mach'atic nainemic tey ae.

Josué 8:31

jich bit'il yaloj jilel mandal ta stojol israeletic te Moisés, te yabat Cajwaltic. Ja' te bit'il ts'ibubil ta libro yu'un Moisés: “Te scajtijib ta chiq'uel jmajt'ane ja' me te ma walubiluc tonetic”, te xie. Jich yu'un te israeletic la yac'beyic milbil smajt'an, la xchic'beyic ta sba scajtijib, soc la smilbeyic yantic majt'anil swenta seña lamal-o'tanil.

Josué 8:8

Te c'alal ayix ta ac'abic a, chic'aic me, jich bit'il yaloj mandal te Cajwaltic, melel ja' smandal stuquel —xi'.

Josué 11:13

Ja'uc me to, te israeletic ma la xchiq'uic ni jpamuc te lumetic te ayic ta ch'in tselel witsetic. Ja' nax la yich' chiq'uel yu'unic te Hazor.

Deuteronomio 9:3

“Ja' yu'un jich me ya ana'ic te ja' te Cajwaltic te Dios cu'untic te ya xneelaj awu'unique, te ja' pajal soc stuquel te c'ajc' ya xlajinwane. Ja' yu'un ta acomonsitic ya slajin soc ya yac'bey spejc'an sbaic te nacionetique. Ya me anutsic loq'uel soc ya me alajinic ta ora nax, jich nax me ya alajinic ta ora te bit'il ya jmuts' jsitic soc te ya jwic' jsitique, jich nix te bit'il yalojbeyex te Cajwaltique.

Josué 10:20

Te c'alal ju'ix ta tsalel yu'un a te Josué soc te israeletique, te melel la smiliquix jilel tsobol te amorreoetique, te jayeb te cuxulic xan jilel ochic xan bael ta slumalic ta snaq'uel sbaic.

Josué 13:6

Ya jloq'ues bael ta sq'uinal te sidonetic, yu'un ya x'ochic te israeletique, soc ya jloq'ues spisil mach'atic nainemic ta witstiquil, c'alal ta Líbano, ja' to ta Misrefot-maim. Yan te ja'ate at'elina spuquel sq'uinal te alumal israeletic, jich me te bit'il calojbat mandale.

Josué 21:44

Te Cajwaltic la sc'otes ta pasel te bila yaloj, soc la yac' lamajuc q'uinal ta sjoylejal. Te scontroique ma'yuc bay tsalotic yu'un, melel te Cajwaltic la yac'bey yaiyic tsalaw.