Josué 10:8 - Bible in Tzeltal de Oxchuc y Tenejapa

⁸ Te Cajwaltic la yalbey: —Ma me xiwat, melel jo'on ya cac'beyex ta ac'abic, ma me ayuc jtuluc ya stsalex —xi' te Cajwaltique.

Bible in Tzeltal Bachajón

⁸ Te Jehová la yalbe te Josué: Ma me xiwat ta stojolic, como ho'on la jca'batix ta ac'ab, mayuc jtuhluc ya stsalat, xchi.

Josué 10:8 Referans Kwoze

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

Deuteronomio 3:2

“Te Cajwaltic jich la yalbon: “Ma me x'axi', melel cac'ojbatix ta ac'ab te Og, te soldadoetic yu'un soc te slum-sq'uinale, swenta yu'un jich nix ya apasbey te bit'il la apasbey te Sehón, te muc' ajwalil yu'un amorreoetic, te nain ta Hesbón”, xi'.

Josué 11:6

Ja'uc me to, te Cajwaltic la yalbey te Josué: —Ma me x'axi'ic, melel te pajel ta jich ora to, spisilic me ya xju' awu'unic smilel. Tuch'beyaic ta bojel xchial yacanic te scaballoic, soc chic'beyaic te scarretaic yu'un guerra —xi' te Cajwaltique.

Josué 8:1

Te Cajwaltic la yalbey te Josué: —Ma me xiwat, ma me xpejc'aj awo'tan. Tsoba spisil te soldadoetic awu'une; moanic bael, ac'beyaic guerra te lum Hai. Jo'on ya cac'bat atsal te ajwalil yu'un lum Hai soc te yajwale. Jich me ya awich'beyic te slumal soc spisil te sq'uinale.

Deuteronomio 7:24

Te Cajwaltic ya me yac'beyex ta ac'abic te muc' ajwaliletic yu'unique. Te ja'exe ya me alajinic, yu'un jich me ma'yuc mach'a ya sna'ic xan ta balumilal. Ma me ayuc ni jtuluc ya xju' yu'un tsalaw ta guerra ta atojolic. Ja' yu'un ya me xju' awu'unic, ya me xju' ya alajinic ta spisilic.

Josué 10:9

Jich loc' bael ta Gilgal te Josué, ajc'ubal a bajt'ic, jich muquen c'o slumtayic ta ora te amorreoetique.

Josué 10:25

Te Josué jich la yalbey xan: —Ma me x'axi'ic soc ma me xpejc'aj awo'tanic; ma me x'axi'ic, pasaic me tulan. Jich nix me ya spasbotic bael Cajwaltic ta stojol te jcontrotique —xi'.

Jueces 7:9

Ta ajc'ubal a, te Cajwaltic la yalbey mandal te Gedeón: —Jajch'an, coan bael ta yochintayel te madianetique, ya cac'beyex ta ac'abic.

Jueces 6:16

Te Cajwaltic la sjac': —Ya xju' awu'un spasel, melel ya joinat. Ya me atsal te madianetic, jich nax me ya xc'ot ta awo'tan te bit'il jtul nax winic —xi' sc'oplal.

1 Samuel 17:47

Spisil te mach'atic stsoboj sbaic, ya me sna'ic te bit'il te Cajwal ma xcoltaywan ta puñal ni ta lanza. Ja' in guerra to, ja' yu'un te Cajwal, ja' me ya yaq'uex ta jc'abtic —xi' te David.

1 Reyes 20:13

Ja' nix ta yorail a, te jtul j'alwanej yu'un Dios c'ot ta stojol Acab te muc' ajwalil yu'un Israel, jich albot: —Te Cajwaltic jich la yalix: “Manchuc me ya awil te mero bayal te acontro, jo'on me ya cac'bat ta ac'ab yo'tic, swenta yu'un jich me ya ana' a te jo'on te Awajwalone”, xi' me —xi' te j'alwaneje.