Josué 10:6 - Bible in Tzeltal de Oxchuc y Tenejapa

⁶ Jich yu'un te mach'atic ayic ta Gabaón la sticunbeyic bael c'op te Josué ta scampamento spisil te israeletic ta Gilgal, jich la yalic bael: “Ma me wocoluc x'awaiyic te ya xtalex ta scoltayel te abatetic awu'une, la' coltayawotic ta ora, la' situya abaic soc ta jwentatic. Te ajwaliletic yu'un amorreoetic te ayic ta witstiquil, jun la stsobix sbaic tel spisilic ta guerra ta jtojoltic”, xi' bael sc'opic.

Bible in Tzeltal Bachajón

⁶ Ha yu'un te mach'atic nahinemic ta Gabaón la sticombeyic bahel c'op te Josué ta campamento ta Gilgal, hich la yalbeyic: Ma me wocoluc xawa'iyic te yac acoltay te a'batetic awu'un; mohan tal ta ora, coltayawotcotic, yu'un spisil te ajwaliletic yu'un te amorreohetic te nahinemic ta witsiltic jun yac'oj sbahic scontrahimbelotcotic, xchihic.

Josué 10:6 Referans Kwoze

Josué 9:6

C'alal c'otic ta Gilgal ta scampamento te israeletique, jich c'o yalbeyic te Josué soc te israeletique: —Talotic ta c'ubul q'uinal. Te jo'otic ya jc'antic ta atojolic te yacuc jchap jc'optic —xiic c'oel.

Josué 5:10

Te israeletic la spas scampamentoic ta Gilgal, soc ta xchanlajunebal c'aal yajtalul a te u, ta malc'aal la spasic te q'uin Pascua ta spamlej yu'un Jericó.

San Lucas 1:39

Ma ba jal c'aal ta patil, ora bajt' te María ta bay ch'in lum te ay ta witstiquil ta sq'uinal Judea.

Isaías 33:22

Te slazoil te muc'ul barcoetic ma xju' ya x'ipajic ta tec'lej tey a te ste'el spac'ul; ma xju' ta lich'el te spac'ule. Ya me xju' jpojbeytic bayal sc'ulejalic te jcontrotactique, asta te ma'site ya to me xc'ot ta swenta, soc te mach'atic sicuben yacan, ya me yat'elinic spojel. Melel te Cajwaltic ja' mero juez cu'untic, ja' jpas-mandalil cu'untic soc muc' ajwalil cu'untic, ya me scoltayotic stuquel.

Salmos 125:2

Jich bit'il Jerusalén joytaybil ta witsetic, yo'tic jich me ya sjoytay te lum yu'une te Cajwaltique; ta sbajt'el me q'uinal ya sjoytay te lum yu'une.

2 Reyes 4:24

La yal mandal ta chajbanel te burra. Jich la yalbey te yabate: —Ya xbootic ta ora. Ma me xawac' xjalajotic, chican ya calbat te banti ya jc'an ya jcom jba —xi'.

Josué 21:11

Ta witstiquil yu'un Judá, la yac'beyic te Quiriat-arba, ja' te lum Hebrón te muc' sc'oplal yu'un sts'umbal muc'ul najt'il winic Anac. La yac'beyic soc aquiltic yu'un te xchamsbalamique.

Josué 9:15

Jich yu'un te Josué la xchap sc'op soc te lamal nax yo'tan ya xc'ot soque, jich la yal ta jamal te ya yac' cuxinuque. Te yantic jwolwanej-israeletic jich nix la yalic ta jamal.

Deuteronomio 1:15

“Jich la quich' ta wenta ta juju-jchajp awu'unic te winiquetic ay sp'ijilic soc te yilojiquix spisil. La cac'bey swentainic jmil (1000) ta jtul winiquetic, ay yantic la cac'bey swentainic jo'winic (100) ta jtul, ay yantic la swentainic lajuneb yoxwinic (50) ta jtul, ay lajuntul winiquetic la swentainic, soc ay yantic la cac'bey yat'elic ta banti juju-jchajp te alumale.

Números 13:29

Ta sq'uinal Néguev nainemic te amalequetic, soc ta witstiquil nainemic te hititaetic, te jebuseoetic soc te amorreoetique. Ta nopol mar soc ta ti'ti'muc'ja' Jordán, nainemic te cananeoetique —xiic.

Josué 10:5

Jich yu'un ta yo'ebal te ajwaliletic yu'un te amorreoetic, ja' te ajwaliletic yu'un Jerusalén, Hebrón, Jarmut, Laquis soc Eglón, la stsob sbaic bael, jajch'ic ta beel soc te swinictaquique. Ba spas scampamentoic ta swenta guerra ta stojol te lum Gabaón.

Josué 10:7

Jich yu'un te Josué loc' tel ta Gilgal soc spisil te swinictac te tulanic te ma xiwique.

Josué 9:8

Ja'uc me to, la yalbeyic te Josué: —Te jo'otic ya cac' jbajtic ta abatinel awu'unic —xiic. La sjojc'obey: —¿Mach'aex a te ja'exe? ¿Banti talemex? —la yut.