Josué 10:41 - Bible in Tzeltal de Oxchuc y Tenejapa

^41-42 Jun nax buelta la stsal ta spisil te muc' ajwaliletique soc la yu'uninbey spisil te sq'uinalique, c'alal ta lum Cades-barnea ja' to ta lum Gaza soc spisil te q'uinal ta Gosén ja' to ta lum Gabaón. Melel te Cajwaltic te Dios yu'un Israel la yac' guerra ta swenta xc'uxtayel te israeletique.

Bible in Tzeltal Bachajón

⁴¹ Te Josué la stsalticlan c'alal Cades-barnea ha to ta Gaza, soc spisil te q'uinal yu'un Gosén c'alal ta Gabaón.

Josué 10:41 Referans Kwoze

Josué 11:16

Te Josué ju' yu'un yich'el spamal te q'uinale: ja' te toyol witstiquil, spisil te Néguev, spisil te sq'uinal Gosén, te spamlejal soc stenlej xatal q'uinal yu'un Jordán, soc spisil te witstiquil soc spamlejal yu'un Israel.

Josué 15:51

Gosén, Holón soc Gilo, ay bulucheb lumetic soc te ch'in lumetic yu'unique.

Deuteronomio 9:23

C'alal la yal mandal te Cajwaltic te ya xloq'uex ta Cades-barnea swenta yu'un ya xba awich' ta awentaic te lumq'uinal ya yac'beyexe, ja' nix jich ma ba la ac'an ach'uunbeyic te smandale. Ma ba la awac' xch'uunjel awo'tanic ta stojol, la ac'axintaybeyic te sc'ope.

Génesis 10:19

Jich ay te sts'ajc' sjoyobal te cananeoetique: tey jajch' ta Sidón, c'ot ta yelaw sq'uinal Gerar, ta yelaw sq'uinal Gaza, ta stojol ta bay Sodoma soc ta Gomorra, c'ot ta yelaw sq'uinal Adma, c'ot ta yelaw sq'uinal Zeboim, jul ta loq'uel ta yelaw sq'uinal Lasa.

Hechos 8:26

Ay jtul ch'ul abat yu'un Cajwaltic, c'oponot yu'un te Felipe, jich albot: —Jajch'an, baan ta stojol sur ta banti be te ya xjajch' tel ta lum Jerusalén te coel ya xbajt' ta lum Gaza —xi'. Ja' in be to, ja' te ya xc'ax ta jochol taquin q'uinale.

Zacarías 9:5

“Te bi ora ya yil te lum Ascalón, ya me xtal xiwel ta yo'tan yu'un. Te lum Gaza ya me xc'ax bayal swocol; jc'axel me ya xpejc'aj te bila bayal sc'oplal ta yo'tan smaliyele. Te lum Gaza ma me ayuc muc' ajwalil ya xjil yu'un; te lum Ascalón ma me ayuquix yajwal ya xjil.

1 Reyes 3:5

Ay jun ajc'ubal ta Gabaón, te Salomón ta swaich chicnaj ta sit te Cajwaltique. Jich albot yu'un: —C'anbon te bi ya ac'ane, ya me cac'bat —xi' sc'oplal.

1 Samuel 6:17

Te jo'eb sijt'ubel pasbil ta oro te la yac' te filisteoetic swenta slectesjibal yo'tan te Cajwaltic, jujun c'oem ta swenta te lum Asdod, Gaza, Ascalón, Gad soc Ecrón.

Jueces 16:21

Jich yu'un te filisteoetic la stsaquic soc la sloq'uesbeyic te site, la yiq'uic bael ta Gaza. Tey la sc'olic ta cadena te pasbil ta bronce, la yaq'uic ta at'el ta muc'ul molino ta yutil cárcel.

Jueces 16:1

Ay jun c'aal bajt' ta lum Gaza te Sansón. La yil jtul jmulawil ants tey a, och bael ta sna te ya xc'ax ajc'ubal yu'un soque.

Josué 10:12

C'alal te Cajwaltic la yac'bey ta sc'ab israeletic te amorreoetique, te Josué la sc'opon Cajwaltic ta stojol te lume, jich la yalbey: —C'aal, coma aba ta beel ta bay Gabaón. U, coma aba ta beel ta stenlej xatal spamlej yu'un Ajalón —xi'.

Números 34:4

ya xbajt' xan ta stojol sur c'alal ta moel Acrabim, ya xc'ax bael ta Zin, soc ja' to ya xc'ot ta loq'uel c'alal ta Cades-barnea. Ya xcha'bajt' xan ta Hasar-adar c'alal ta Asmón,

Números 32:8

Jich nix la spasic te atatic te la jticun tel c'alal ta Cades-barnea ta stsajtayel te q'uinale.

Números 13:26

ta Cades ta jochol taquin q'uinal Parán. Tey ay a te Moisés, Aarón soc spisil te israeletique. La xcholbeyic sc'oplal te bitic la yilic, soc la yaq'uic ta ilel te sit awalts'unubil ta lumq'uinale.

Deuteronomio 1:19

“Te c'alal loc'otic tel ta Horeb, tojotic bael ta witsetic yu'un amorreoetic, jich la jch'uunbeytic a te smandal te Cajwaltic te Dios cu'untique. La jbeentaytic spisil te xiweltic sba jochol taquin q'uinal te la awilique, asta c'ootic ta Cades-barnea.

Deuteronomio 2:23

Jich nix pasbotic te heveoetique, tey nainemic ta nanatic ta nopol Gaza, jc'axel la yich'ic lajinel yu'un te filisteoetic, ja' te talic ta Creta, tey jilic ta nainel a.)

Josué 11:22

Jich ma'yuc a jil ni jtuluc sts'umbal te muc'ul najt'il winic Anac ta spisil sq'uinal Israel. Ja' nax a jil sts'umbal stuquel te muc'ul najt'il winic Anac ta lum Gaza, ta lum Gat soc ta lum Asdod.