Josué 10:12 - Bible in Tzeltal de Oxchuc y Tenejapa

¹² C'alal te Cajwaltic la yac'bey ta sc'ab israeletic te amorreoetique, te Josué la sc'opon Cajwaltic ta stojol te lume, jich la yalbey: —C'aal, coma aba ta beel ta bay Gabaón. U, coma aba ta beel ta stenlej xatal spamlej yu'un Ajalón —xi'.

Bible in Tzeltal Bachajón

¹² Ha yu'un ta yorahil te Jehová la ya'be te amorreohetic ta sc'ab te snich'nab Israel, te Josué hich la yalbe te Jehová ta stojol te snich'nab Israel: C'ahc'al, coma aba ta behel ta Gabaón, soc ha'at, u, coma aba ta spamlej yu'un Ajalón, xchi.

Josué 10:12 Referans Kwoze

Habacuc 3:11

Te c'aal soc te u ma ba ya xloq'uix tel ta bay yawilic ta scaj te mero muc' xojobil te at'ejibaletic yu'un at'im soc te xojobil te alanzae.

Isaías 38:8

“Te srelojil c'aal yu'un te Acaz ya jpas te ya cac' sujt'uc yaxinal c'aal lajuncaj”, te xie —xi'. Jich yu'un te yaxinal c'aal sujt' bael ta spat lajuneb ta caj te coemixe.

Isaías 60:20

Ja' c'aal c'oemon ma ba ya xtup'ix bael ta jyalel, ni ja'uc te u awu'une, ma xch'ayix bael xojobil. Melel jo'on Awajwalon, jo'on me luzon awu'un sbajt'el q'uinal; te jayeb c'aal te mel-o'tan awu'une, ya me xch'ay ta jc'axel.

Isaías 28:21

Te Cajwaltic jich me ya x'at'ej te bit'il la spas ta wits Perazim, jich bit'il la spas ta stenlej xatal q'uinal ta Gabaón, ta swenta spasel te yat'el te yan sba ta ilel a, ta swenta sju'tesel te yat'ele, ja' te yat'el te jchajp nax a.

Salmos 19:4

ja'uc me to, ay ta puquel ta spamal balumilal te sc'opic c'oeme, ja' to ta bay c'alal sti'il balumilal, ja' to c'alal ta bay ya xch'ay bael te c'aale.

Josué 10:13

Te c'aal soc te u la scom sbaic, ja' to c'alal ju' yu'unic stsalel scontroic te lume. Ja' in to ja' ya yal ta libro yu'un Jaser. Te c'aale la scom sba ta olil ch'ulchan, jteb ma junuc c'aal la scom sba ta beel.

Salmos 148:3

Albeyaic yutsilal, ja'ex c'aal soc u. Albeyaic yutsilal, ja'ex eq'uetic te bayal axojobilique.

Job 9:7

Ja' ya yalbey mandal te ma ba xloc' tel te c'aale, soc ya yalbey mandal te eq'uetic te ma ba ya yac' xojobilique.

Deuteronomio 4:19

Te c'alal ya awilic te ch'ulchan, te c'aal, u, eq'uetic, ja' spisil te bitic ayic ta toyole, ma me xamulanic xch'uunel, melel ja' me te Cajwaltic te Dios cu'untic te la spas te bitic ayic ta toyole, ja' yu'un te lumetic te ayic ta swolol te balumilale.

Zacarías 2:13

Spisil ants-winiquetic, ch'abanic me ta stojol te Cajwaltique. Melel ya xtal ta jtojoltic te Cajwaltique, tey to ya xjach tel ta ch'ul awilal ta banti naineme.

Habacuc 2:20

Yan te Cajwaltic ay ta ch'ul templo yu'un. Ch'abanic ta stojol ta apisilic te ayex ta spamal balumilal.

Salmos 74:16

Ja'at awu'un te c'aaleltic, ja'at awu'un te ajc'ubale; ja'at la awac' ainuc ta yawil te ue, ja'at la awac' ainuc ta yawil te c'aale;

Josué 19:42

Saalabín, Ajalón, Jetla,

Deuteronomio 17:3

ta swenta te bit'il ya xjajch' xch'uun yantic bitic cuybilic ta Diose, teme ya squejan sba ta stojolic, teme ja' ya squejan sba ta stojol te c'aal, u, eq'uetic, te ma ja'uc yaloj te Cajwaltique,

Amós 8:9

Jamal ya yal te Cajwaltique: —Te c'alal ya sta yorail, ya me x'ijc'ub q'uinal ta olil c'aal, ta c'aaleltic ya cac' x'ijc'ub q'uinal ta balumilal.

Jueces 12:12

Te c'alal laj, la smuquic ta bay Ajalón ta sq'uinal nix te sts'umbal Zabulón.

Jueces 5:20

C'alal ta ch'ulchan, c'alal ta sbeic, te eq'uetic la yac'beyic tulan guerra te Sísara;

1 Samuel 14:31

Te israeletic la stsalic te filisteoetic, jajch' yac'bey sbaic soc ta lum Micmas c'alal ta Ajalón. Pero te soldado-israeletic mero ma'yuquix yipic yu'un wi'nal.

2 Samuel 2:12

Te Abner loc' jajch'el ta Mahanaim, toj bael ta Gabaón soc te soldadoetic yu'un Is-boset.

2 Reyes 20:11

Te j'alwanej yu'un Dios Isaías la sc'opon te Cajwaltique. Te Cajwaltic la yac' sujt'uc ta spat te lajuncaj te beenem axinal ta reloj swenta te c'aale, te ja' yu'un te anima Acaz.

Jeremías 28:1

Ta yo'ebal u sjajch'el te xchanebal ja'wil yat'el ta ajwalil ta Judá te Sedequíase, la sc'opon te Jeremías te j'alwanej Hananías snich'an Azur te ay ta lum Gabaón. Tey ayic ta templo soc te sacerdoteetic soc ta spisil te lume. Jich la yalbey:

Amós 2:9

Yan te jo'on la jambeyex ochel abeic, la jin te amorreoetique; la jlajin ta jc'axel, manchuc me c'ax najt'ic jichuc cedroetic soc tulanic jichuc c'antulanetic.

Josué 21:24

Ajalón soc Gat-rimón, ja' xchanpamal lum soc aquiltic yu'un te xchamsbalamique.

1 Samuel 12:18

Jajch' ta sc'oponel Cajwaltic te Samuele. Ora la yac' tel buen tulan chawuquil ja'al te Cajwaltique. Jich jajch'ic ta buen xiwel te israeletic ta stojol te Cajwaltic soc ta stojol te Samuele.

2 Reyes 20:9

La sjac' te Isaías: —Ja' seña ya xc'ot ta atojol yu'un Cajwaltic te ya sc'otes ta pasel te bila yaloje: ¿Ya bal ac'an te ya xbeen lajuncaj ta neelal te axinale, o ya sujt' ta spat lajuncaj? —xi'.

2 Reyes 20:10

Jac'bot yu'un te Ezequías: —Teme ya xbeen ta neelal te axinale, ma ba wocol. Te bi wocole, ja' te ya sujt' ta spate —xi'.

1 Crónicas 8:13

soc Beriá soc Sema, ja' jwolwanejetic yu'un chajbalchajp sts'umbal te ainic ta Ajalón, te la snutsic loq'uel te yajwal Gat te ainemic tey a ta namey tele,

2 Crónicas 11:10

Zora, Ajalón soc Hebrón, ja'ic te lumetic te pasbil sts'ajc'ulic ta sq'uinal Judá soc Benjamín.