Josué 10:1 - Bible in Tzeltal de Oxchuc y Tenejapa

^1-2 Te Adonisedec te ajwalil yu'un Jerusalén, bayal xiw yu'un te c'alal la yaiy stojol te la yu'uninix Josué te lum Hai soc te bi la spasbey te ajwalil yu'une, ja' nix jich te bi la spasbey ta neelal te Jericó soc te ajwalil yu'une, soc te bit'il lamal yo'tan sba c'ot soc te gabaonetic te israeletic, te sjoinej sbaiquix ta q'uinal soque. Ja' bayal ac'bot xiwel yu'un ta swenta te lum Gabaón, melel ja' te lum bayal sc'oplal stuquele. Ja' c'ax muc' stuquel a te bit'il lum Hai, soc ja' pajal c'oem soc lumetic te ay muc' ajwalil yu'unique.

Bible in Tzeltal Bachajón

¹ Te c'alal la ya'iy te Adonisedec te ajwalil yu'un Jerusalén te la yich'ix Hai te Josué soc te jc'axel la sjin (yu'un te bin la spasbe te Jericó soc te ajwalil yu'un, hich la spasbe Hai soc te ajwalil yu'une), soc te bin ut'il te mach'atic yu'un Gabaón lamal yo'tan sbahic soc te snich'nab Israel soc te ayic ta yohlilique,

Josué 10:1 Referans Kwoze

Hebreos 7:1

In te Melquisedeque, ja' namey q'uinal muc' ajwalil yu'un te lum Salem soc sacerdote yu'un te Ch'ul Dios te ay ta ch'ulchane. Te c'alal sujt' tel te Abrahame te xc'otuc stsal jilel ta guerra te muc' ajwaliletique, te Melquisedeque loc' sta ta be te Abrahame. Tey la yac'bey bendición a.

Josué 8:2

Lajina jilel ta milel te lum Hai soc te ajwalil yu'une, jich bit'il la alajin jilel te Jericó soc te ajwalil yu'une. Ta ora yo'tic ya me xju' ya awu'uninbeyiquix te sbiluquic soc xchamsbalamic te mach'atic ya xlajique. Chajbana te soldadoetic awu'un, muquen ya xba snac' sbaic ta bay spat bael te lume. Jich ma sna'ic te bila muquen ya xtal ta stojolique —xi' te Cajwaltique.

Josué 6:21

Jajch' smilic ta puñal te winiquetic, antsetic, muc'-biq'uitetic, soc te me'el-mamaletique. La smilic te wacaxetic, te chijetic soc te burroetique. Spisil la slajinic ta milel ta jc'axel.

Génesis 14:18

Te muc' ajwalil yu'un Salem, te Melquisedec sbiile, ja' te mach'a yich'oj yat'el ta sacerdoteil yu'un te Dios te toyol ay stuquele, la sloq'ues waj soc vino.

Josué 8:21

Te Josué soc spisil te israeletic la yilic te la yu'uniniquix te lum te mach'atic la snac' sbaic ta spate, soc te la yac'beyiquix sc'aal. Jich sujt'ic tel, ja' tal yac'beyiquix guerra soc te yajwal lum Hai.

Josué 10:3

Ja' swentail te Adonisedec la sticunbey c'op te ajwaliletic, ja' te Hohan yu'un lum Hebrón, Piream yu'un lum Jarmut, Jafía yu'un lum Laquis, soc Debir yu'un lum Eglón. Jich la yalbey:

Josué 9:3

Ja'uc me to, te heveoetic te nainemic ta Gabaón, la yaiyic stojol te bi la spasbey Josué te cha'pam lum, ja' te Jericó soc te Hai.