Josué 1:8 - Bible in Tzeltal de Oxchuc y Tenejapa

⁸ Alulaya te bila ya yal ta libro yu'un te mandaliletique, na'ulaya me c'aal ajc'ubal. Ich'a ta muc' soc c'otesa ta pasel te bitic ya yalbat, jich me lec ya xc'oat ta loq'uel soc spisil te bitic ya apase.

Bible in Tzeltal Bachajón

⁸ Ma me ayuc bin ora ya xhil awu'un yalel bin ya yal ha'i hun ini yu'un te Ley, ya me ana'ulan ta c'ahc'al ahc'abal, scuenta yu'un yac apas spisil te bintic ts'ihbabil tey a; hich lec ya xc'ohat bayuc ya xbehenat soc lec ya xc'oht spisil bintic yac apas.

Josué 1:8 Referans Kwoze

Salmos 119:15

Ya me jnopilay ta co'tan te mandaliletic awu'un; ya me caiy stojol sc'oplal ta lec te be awu'une.

Salmos 19:14

Cajwal, lecuc me ya awilon yu'un te jc'op soc te bitic ay ta co'tane, ja'at jcanantaywanejat soc jcoltaywanejat cu'un.

Colosenses 3:16

Ja'uc me nojel ta awo'tanic spisil ora te sc'op te Cristoe. Ayuc me sp'ijil awo'tanic te ya ap'ijubtes abaic soc te ya atac'uy abaique. C'ajintayaic soc awo'tanic ta yalel wocol Dios ta salmoetic, c'ayojetic yu'un te Diose, soc c'ayojetic ta swenta Espíritu.

Proverbios 3:1

Jnich'an, ma me xch'ay ta awo'tan te p'ijubtesel cu'une; q'ueja me ta ajol, q'ueja me ta awo'tan te mandaliletic cu'une,

Deuteronomio 29:9

Ja' yu'un, pasaic me spisil te bila ya yal te trato, soc pasaic me bael, swenta yu'un lec me ya xc'oex soc spisil a te bitic ya apasique.

San Juan 14:21

Te mach'a yich'ojbon te jmandale, soc teme ya xch'uune, ja' me te mach'a c'uxon ta yo'tane. Te mach'a c'ux ya yaiyon ta yo'tane, c'ux me ya x'aiyot yu'un uuc te Jtate. C'ux me ya caiy ta co'tan uuc, soc ya me cac' sna'bonic jba ta lec —xi' te Jesuse.

San Lucas 11:28

La yal te Jesuse: —Ja' bin nax yutsil stuquelic te mach'atic ya yaiybeyic stojol sc'op te Diose soc te ya xch'uunic spasele —xi'.

San Mateo 7:24

“Jich yu'un te mach'a ya yaiybon stojol te jc'ope soc teme ya spas te bila caloje, jich c'oem te bit'il jtul winic te ay sp'ijil yo'tane. Te c'alal la spas sna, la sle p'ijom ton te banti la sjaches ta pasel te snae.

Salmos 119:11

Cac'oj ta co'tan te ac'ope swenta yu'un ma jta jmul ta atojol a.

Salmos 119:97

Ma p'isbiluc nax c'ux ta co'tan te p'ijubtesel awu'une; spisil c'aal ya calulay ta co'tan.

San Mateo 7:21

“Te mach'atic: “Cajwal, Cajwal”, ya yutonique, ma spisiluc ya x'ochic ta banti ay ta ajwalinel te Dios te ay ta ch'ulchane. Ja' nax ya x'ochic tey a te mach'atic ya spasbey sc'anjel yo'tan te Jtat te ay ta ch'ulchane.

San Juan 13:17

Teme c'ot ta awo'tanique, bin nax me awutsil teme jich ya apasique.

Josué 1:7

Ja' nax ya jc'anbat te ma xiwate, pasa me tulan, ch'uuna spasel spisil te mandaliletic te la yalbat te cabat Moisés. C'otesa ta pasel te bila ts'ibubil, jich me lec ya xc'oat ta loq'uel soc spisil a te bitic ya xjajch' apase.

Deuteronomio 30:14

Melel te mandalile mero nopol ayex soc, ay ta aweic, ay ta awo'tanic, swenta yu'un ya xju' awu'unic spasel.

Deuteronomio 5:29

¡Bayal me yutsil teme spisil ora jich ay te yo'tanique, te yacuc yich'onic ta muc' soc te yacuc spasic spisil ora te bila ya yal te mandaliletic cu'une, swenta yu'un bin nax me yo'tanic ya x'ainic soc yal-snich'nab ta spisil ora!

Salmos 119:99

C'axem jich ya jna' a te bit'il ya sna'ic spisil te maestroetic cu'un, melel bayal ya jnop ta co'tan te mandaliletic awu'une.

Isaías 59:21

Te Cajwaltic ya yal: —Ya jpas jun trato soc te ja'exe, ya calbeyex ta jamal: Te cu'el soc te p'ijubtesel te la cac'beyexe jc'axel ma me xch'ay ta awo'tanic, soc ma me xch'ay ta yo'tanic te ats'umbal ta spisil bael ta sbajt'el q'uinal —xi' te Cajwaltique.

Deuteronomio 5:32

Ja' yu'un ch'uunaic spasel spisil ora te smandal Cajwaltic te Dios cu'untique, ma me xjowejex ta spasel ni jxujt'uc.

Deuteronomio 31:11

te c'alal stsoboj sbaic spisil te israeletic ta stojol te Cajwaltic Dios tey ta yawil te banti ya stsa stuquele, ya me yich' ilel ta stojolic te mandaliletique.

Efesios 4:29

Ma me xawalic bol c'op ta aweic. Ja' nax me xloc' ta aweic te lequil c'ope, swenta yu'un ya xmuc'ubic a soc ya staic bendición a te mach'atic ya yaiybeyex stojol te ac'ope.

San Mateo 12:35

Te mach'a lec yo'tane, lec ya xc'opoj, yu'un lec te bila nojel ta yo'tane. Yan te mach'a amen yo'tane, ma lecuc ya xc'opoj, yu'un nojel ta yo'tan te bila amene.

Salmos 40:10

Ma ba jquejch'anej yalel sc'oplal te toj-o'tanil awu'une, la calix te jun awo'tan ta jtojol soc te bit'il ya xcoltaywanate. Ma'yuc bi ora jmucoj ta co'tan te xc'uxul awo'tan soc te smelelil ac'op ta stojol te lum awu'un te c'ax bayale.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Apocalipsis 22:14

Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.

Génesis 24:63

Te Isaac loc' bael ta teq'uetel ta paxeal ta aquiltic ta mal c'aal. La stoy sit, la yil yac ta talel te camelloetique.

Deuteronomio 31:24

Te c'alal ju' yu'un sts'ibuyel ta libro te mandaliletic te Moisés,

Josué 8:34

Ta patil te Josué la stejc'an sba ta yalel juju-jp'al te mandaliletic te ay ta libro, pajal la yal te bitic swenta bendición soc te bitic swenta castigo ya xc'otic ta loq'uel yu'une.

Deuteronomio 5:1

Te Moisés la stsob spisil te lum Israel, jich la yalbey: —Aiya awaiyic, israeletic, te mandaliletic soc te bila chapal ya calbeyex awaiyic yo'tic, nopaic ta lec, soc jich me xapasic bael ta spisil ora.

Deuteronomio 29:8

la cu'uninbeytic te slum-sq'uinale. La cac'beytic yu'uninic te sts'umbal Rubén soc te sts'umbal Gad soc te olil sts'umbal Manasés.

2 Crónicas 26:5

La yat'elin yac'bel sba ta wentainel yu'un Dios te c'alal cuxul to a te Zacarías, te ja' la sp'ijtes ta yich'el ta muc' te Diose. Te c'alal yac'oj sba ta wentainel yu'un Dios, jich muc' c'ot ta loq'uel.