Josué 1:7 - Bible in Tzeltal de Oxchuc y Tenejapa

⁷ Ja' nax ya jc'anbat te ma xiwate, pasa me tulan, ch'uuna spasel spisil te mandaliletic te la yalbat te cabat Moisés. C'otesa ta pasel te bila ts'ibubil, jich me lec ya xc'oat ta loq'uel soc spisil a te bitic ya xjajch' apase.

Bible in Tzeltal Bachajón

⁷ Ha nax ac'a me fuersa soc ayuc me yip awo'tan, tsahtaya me ta spasel spisil te mandariletic te la yalbat te ca'bat Moisés; ma me xloc'at bahel ta wa'el o ta q'uexam, scuenta yu'un lec ya xc'oht ta pasel awu'un spisil bintic yac apas.

Josué 1:7 Referans Kwoze

1 Crónicas 22:13

Jich me lec ya xc'oat ta loq'uel ta spisil a, teme ya awac' puersa ta spasel te mandaliletic yaloj te Cajwaltic ta swenta Moisés, te la yac'bey te Israele. Pasa me tulan, soc ayuc me yip awo'tan spisil ora, ma me xpejc'aj awo'tan, ni ma me xiwat.

Deuteronomio 5:32

Ja' yu'un ch'uunaic spasel spisil ora te smandal Cajwaltic te Dios cu'untique, ma me xjowejex ta spasel ni jxujt'uc.

Josué 1:8

Alulaya te bila ya yal ta libro yu'un te mandaliletique, na'ulaya me c'aal ajc'ubal. Ich'a ta muc' soc c'otesa ta pasel te bitic ya yalbat, jich me lec ya xc'oat ta loq'uel soc spisil te bitic ya apase.

Proverbios 4:27

Ma me xjowejat ta beel; ch'aya me ta jc'axel te amen beele.

Josué 11:15

Te Cajwaltic la yalbey mandal te Moisés, te la yalbey jilel te Josué. Ts'acal la spasix spisil, ma'yuc c'ax jilel yu'un jp'aluc.

Deuteronomio 12:32

“Pasaic me bael spisil ora ta spisil te bitic la calbeyex apasique. Ma me xawac'beyic xan sjoy, soc ma me xach'ayic ni junuc.

Deuteronomio 31:7

Patil te Moisés la yic' tel te Josué, jich la yalbey ta comonsitil ta spisil te israeletique: —Ma me xiwat, ayuc me yip awo'tan. Melel ja'at me ya awic' bael te ants-winiquetic in to, tey ta banti lumq'uinal te banti albotic yu'un Cajwaltic te antiguo jme'-jtatic te ya x'ac'botique. Ja'at me ya awac'bey yich' ta swentaic te q'uinale.

Deuteronomio 29:9

Ja' yu'un, pasaic me spisil te bila ya yal te trato, soc pasaic me bael, swenta yu'un lec me ya xc'oex soc spisil a te bitic ya apasique.

Deuteronomio 28:14

Ma me ayuc bi ora ya awijq'uitay spasel spisil, ta scaj nax st'unel soc yich'el ta muc' yantic bitic cuybilic ta Dios.

Proverbios 8:20

Te jo'on ya xboon ta toj be, ja' te sbelal te toj-o'tanile.

1 Reyes 2:3

Ac'a me c'otuc ta pasel awu'un te bila ya yalbat te Cajwaltic te Dios cu'untique, pasbeya me sc'anjel yo'tan. Ja' me xapasbey te bila ya yal spisil ta jchajp te mandaliletic yu'une, jich te bit'il ts'ibubil ta mandaliletic yu'un te Moisés. Jich me ay yutsil ya xc'ot ta spisil a te bila ya apas soc ta bayuc ya xbaat.

Números 27:23

La scajanbey sc'ab ta sjol soc la yac'bey te yat'ele, jich bit'il pasot ta mandal te Moisés yu'un te Cajwaltique.

Josué 1:1

Te c'alal lajix a te Moisés te yabat Cajwaltique, te Cajwaltic la sc'opon te Josué te snich'an Nun te sjoy ta at'el Moisés, jich la yalbey:

Deuteronomio 11:8

“Ac'a c'otuc ta pasel awu'unic te mandaliletic yacon ta yalel ta atojolique, swenta yu'un jich me ya awich' xan awipic a, soc jich me ya awu'uninic te lumq'uinale,

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Josué 23:6

“Pasaic me tulan ta xch'uunel spisil te bila ya yal te mandaliletic ta libro yu'un Moisés. C'otesaic ta pasel te bila ya yal te ts'ibubile.

1 Reyes 2:2

—Ya xjajch'on xan ta beel swenta slajibal buelta, jich te bit'il ya xc'ot ta swenta spisil te mach'atic ayic ta balumilale. Ayuc me yip awo'tan, toj me xawac' aba, pasa aba ta lequil winiquil.

2 Reyes 22:2

Te yat'el Josías lec ta sit te Cajwaltique, melel ta spisil te bitic la spase, ja' la st'unbey te yat'el David, te ja' antiguo sme'-state. Mero ja' la st'unbey, ma'yuc banti jowej yu'un.

2 Crónicas 15:7

Yan te ja'exe pasaic me tulan, soc ma me xapejc'an awo'tanic, melel te awat'elic ya me awich' atojolic yu'un —xi' te Azarías.

Job 1:8

Jich albot yu'un te Cajwaltic: —¿La bal awilbon te cabat Job? Ma'yuc mach'a yan jich pajal soc ta balumilal te mero jun yo'tan yac'oj sba ta abatinel ta jtojole, soc te mero toj yo'tan cuxul ta q'uinale. Ma'yuc bila amen spasoj, soc stsajtayej sba te ma'yuc mach'a ya yuts'in ta q'uinal stuquele —xi'.

Daniel 10:19

Jich la yalbon: —Ma me xiwat, soc ma jc'axeluc tey ya xbajt' awo'tan a. C'uxat ta yo'tan te Diose. Ac'a xan puersa, ayuc me yip awo'tan —xi'. Te c'alal yac sc'oponbelon ae, yac yich'bel jajch'el yip jbaq'uetal, jich la calbey: —Cajwal, c'oponawon, melel la acha'ac'bonix xan quip ya caiy —xoon.

Deuteronomio 4:2

Ma me xach'ayic soc ma me xawac'beyic sjoy jxujt'uc te bila mandalil ya calbeyexe. Pasaic me te mandaliletic yu'un te Cajwaltic te Dios cu'untic, te yacon ta yalel ta atojolique.

Deuteronomio 29:8

la cu'uninbeytic te slum-sq'uinale. La cac'beytic yu'uninic te sts'umbal Rubén soc te sts'umbal Gad soc te olil sts'umbal Manasés.

2 Crónicas 26:5

La yat'elin yac'bel sba ta wentainel yu'un Dios te c'alal cuxul to a te Zacarías, te ja' la sp'ijtes ta yich'el ta muc' te Diose. Te c'alal yac'oj sba ta wentainel yu'un Dios, jich muc' c'ot ta loq'uel.

Salmos 80:19

Cajwal, Dios cu'un te Spisil ya xju' awu'une, jich nix xawac'otic te bit'il ayotic ta neelal to. Lecucotic me ta asit, jich me ya xcolotic.