Josué 1:6 - Bible in Tzeltal de Oxchuc y Tenejapa

⁶ Ma xiwat, pasa tulan, yu'un ja'at me ya x'och ta awenta spuquel sq'uinal te lume, ja' te la calbey ame'-atatic ta namey te ya cac'beye.

Bible in Tzeltal Bachajón

⁶ Ac'a me fuersa soc ayuc me yip awo'tan, yu'un ha'at yac awa'be yich'ic te q'uinal te pueblo ini te la jcalbe ta jamal te sme'static te ya ca'beye.

Josué 1:6 Referans Kwoze

Daniel 10:19

Jich la yalbon: —Ma me xiwat, soc ma jc'axeluc tey ya xbajt' awo'tan a. C'uxat ta yo'tan te Diose. Ac'a xan puersa, ayuc me yip awo'tan —xi'. Te c'alal yac sc'oponbelon ae, yac yich'bel jajch'el yip jbaq'uetal, jich la calbey: —Cajwal, c'oponawon, melel la acha'ac'bonix xan quip ya caiy —xoon.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Josué 1:7

Ja' nax ya jc'anbat te ma xiwate, pasa me tulan, ch'uuna spasel spisil te mandaliletic te la yalbat te cabat Moisés. C'otesa ta pasel te bila ts'ibubil, jich me lec ya xc'oat ta loq'uel soc spisil a te bitic ya xjajch' apase.

Efesios 6:10

Lec ay, quermanotac, ich'aic me yip awo'tanic ta swenta te Cajwaltique. Yu'un ja' nax ta swenta yip yu'el te ya xju' cu'untique.

1 Corintios 16:13

Wiq'uiluc me asitic spisil ora. Junuc me awo'tanic te ya awac' xch'uunjel te awo'tanique. Ayuc me stulanil awo'tanic soc yip awo'tanic.

2 Timoteo 2:1

Te ja'at Timoteo, te jnich'anat ta co'tane, ich'a me yip awo'tan ta swenta yutsil yo'tan te Jesucristoe.

1 Crónicas 28:10

Ma me xach'ay ta awo'tan te ja' stsaojat te Cajwaltic, te ja'at ya apasbey te ch'ul templo yu'une. Binuc nax me awo'tan te ya awac' ac'ab yu'un te at'ele —xi' te David.

1 Crónicas 22:13

Jich me lec ya xc'oat ta loq'uel ta spisil a, teme ya awac' puersa ta spasel te mandaliletic yaloj te Cajwaltic ta swenta Moisés, te la yac'bey te Israele. Pasa me tulan, soc ayuc me yip awo'tan spisil ora, ma me xpejc'aj awo'tan, ni ma me xiwat.

Hageo 2:4

Pero, ac'a puersa, Zorobabel. Ac'a puersa, Josué, te muc'ul sacerdoteat te awentainej te sacerdoteetique. Ac'aic puersa ta apisilic, ants-winiquetic te li' ayex ta lumq'uinale. At'ejanic me, jo'on me joinejex. Jo'on Ajwalilon te Spisil ya xju' cu'un ya cal ta jamal.

Salmos 27:14

Ayuc me smuc'ul co'tan yu'un te Cajwale; Ya me jpas tulan, ma me xpejc'aj te co'tane. Jc'axel me ya yac'bon smuc'ul co'tan te Cajwale.

Zacarías 8:9

Jich la yal xan te Cajwaltic te Spisil ya xju' yu'un: —Ac'aic puersa, ja'ex te ya awaiyic te c'opetic ya yalic te j'alwanejetic yu'un Dios ta ora in to, te ja' to nix jajch' yalic a te bi c'aalil la yich' aq'uel te sbabial yiptajib ta cha'pasel te templo cu'un, te Ajwalilon te Spisil ya xju' cu'une.

1 Reyes 2:2

—Ya xjajch'on xan ta beel swenta slajibal buelta, jich te bit'il ya xc'ot ta swenta spisil te mach'atic ayic ta balumilale. Ayuc me yip awo'tan, toj me xawac' aba, pasa aba ta lequil winiquil.

Génesis 26:3

Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

1 Samuel 4:9

Chajbana abaic soc te awat'ejibic, ayuc me yip awo'tanic, soldado-filisteoetic. Ac'aic puersa, ma me xawac' stsalex, soc ma me x'ochotic ta mozoinel yu'un te hebreoetic, jich te bit'il ayic ta mozoil cu'untic te jo'otique —xiic ta aw.

Deuteronomio 31:23

Te Josué te snich'an Nun, ac'bot yu'un Cajwaltic te mandal in to: —Ma me xiwat, ayuc me yip awo'tan. Melel ja'at me te ya awic' ochel te israeletic tey ta lumq'uinal te calojbeye. Jo'on me ya x'ainon ta ats'eel —xi' sc'oplal te Josué.

Deuteronomio 1:21

Ja' ya yac'beyex te lumq'uinale. Ja' yu'un ochanic me jiche, nainanic a, jich nix te bit'il yaloj te Cajwaltic, ja' te Dios yu'un te antiguo jme'-jtatique. Ma me xiwex soc ma me xpejc'aj awo'tanic”, xoon.

Deuteronomio 11:8

“Ac'a c'otuc ta pasel awu'unic te mandaliletic yacon ta yalel ta atojolique, swenta yu'un jich me ya awich' xan awipic a, soc jich me ya awu'uninic te lumq'uinale,

2 Samuel 10:12

Ma me xiwat. Ta spisil me co'tantic ya cac'tic puersa ta guerra ta swenta scoltayel te nación cu'untique, ja' te lumetic yu'un te Dios cu'untique. Ja' me ac'a spas te bi lec ta pasel ya yil te Cajwaltique —xi'.

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Números 26:53

—Ja' me ya yich'ic puquel q'uinal te winiquetic, jich nix me te bit'il yajtalul ochic ta censo.

Números 33:53

U'uninaic te lumq'uinal soc nainanic, melel jo'on ya cac'beyex, swenta yu'un ya x'ainex tey a.

Deuteronomio 1:8

Jo'on ya cac'beyexix awu'uninic te q'uinale. Baanic, ich'a ta awentaic, u'uninaic te q'uinal, te jo'on Ajwalilon awu'unic jc'axel la cal ta jamal te ya cac'bey te antiguo ame'-atatic, ja' te Abraham, Isaac soc Jacob, soc te patil alnich'anetic yu'unique”, xi' te Cajwaltique —xi' te Moisese.

Josué 1:18

Spisil te mach'atic ya stoy sbaic ta swenta te mandal ya awalbotic, teme ma sc'an xch'uunic te bi ya awale, ac'a yich'ic milel. Ja' nax teme ma xiwate, soc teme ya apas tulane —xiic.

Josué 5:6

Melel te israeletic beenic cha'winic (40) ja'wil ta muc'ul jochol taquin q'uinal. Lajemiquix jilel stuquelic a te mach'atic staojiquix lec ya'wilalic te loq'uic tel ta Egipto, ja' te winiquetic te ma la xch'uunbeyic smandal te Cajwaltique. Ja' swentail te la yal ta jamal te ma xyac'bey yilic te q'uinal te albil yaiy te antiguo sme'-statique, ja' te q'uinal ta bay ya x'oquin leche soc chab c'oeme.

Josué 10:25

Te Josué jich la yalbey xan: —Ma me x'axi'ic soc ma me xpejc'aj awo'tanic; ma me x'axi'ic, pasaic me tulan. Jich nix me ya spasbotic bael Cajwaltic ta stojol te jcontrotique —xi'.

Josué 13:6

Ya jloq'ues bael ta sq'uinal te sidonetic, yu'un ya x'ochic te israeletique, soc ya jloq'ues spisil mach'atic nainemic ta witstiquil, c'alal ta Líbano, ja' to ta Misrefot-maim. Yan te ja'ate at'elina spuquel sq'uinal te alumal israeletic, jich me te bit'il calojbat mandale.

Josué 18:3

Jich yu'un te Josué la yalbey te israeletic: —¿Bi ya amaliyic xan? Ochan, u'uninaic te q'uinal te yac'ojbotiquix te Cajwaltic te Dios yu'un te antiguo jme'-jtatique.

Josué 21:43

Awaiy bit'il te Cajwaltic la yac'bey israeletic spisil te q'uinal te yaloj ta jamal ta stojol te antiguo sme'-static, jich ainic ta cuxinel tey a.

1 Crónicas 28:20

Jich yu'un te David la yalbey te Salomón: —Ac'a me yip awo'tan soc junuc me awo'tan, ac'a ac'ab yu'un te at'ele. Ma me xapejc'an awo'tan, ni ma me xiwat xujt'uc, melel te Cajwaltic te Dios cu'untique ya me sjoinat. Ma ba ya yijq'uitayat stuquel, ma ba ya spijt'esat, ja' to me chican ya xlaj ta pasel spisil te bitic ya xtuun ta templo swenta xch'uunel te Diose.

2 Crónicas 15:7

Yan te ja'exe pasaic me tulan, soc ma me xapejc'an awo'tanic, melel te awat'elic ya me awich' atojolic yu'un —xi' te Azarías.

2 Crónicas 20:7

Dios cu'untic, ja'at la aticunbey loq'uel yajwal te lumq'uinal ta stojol te lum Israel, la awac'bey yu'unin sbajt'el q'uinal te sts'umbal Abraham te ajoye.

2 Crónicas 20:11

Ta ora yo'tic ja' ya yac'botic jtojtic yilel. Ya yac'botic guerra, swenta yu'un ya sticunotic loq'uel a te aq'uinale, ja' te q'uinal te la awac'botic cu'unintique.