Josué 1:5 - Bible in Tzeltal de Oxchuc y Tenejapa

⁵ Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

Bible in Tzeltal Bachajón

⁵ Mayuc mach'a ya xhu' ya stsalat te jayeb c'ahc'al cuxulat. Hich te bin ut'il la joquin te Moisés, ha nix hich ya joquinat; ma ba ya quihquitayat soc ma ba ya jpihtesat.

Josué 1:5 Referans Kwoze

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Deuteronomio 20:4

melel te Cajwaltic te Dios cu'untic sjoinejex me. Ja' me stuquel te ya yac'bey guerra te acontroique, soc ya me yac'beyex awaiyic tsalaw stuquel”, xi' me.

2 Timoteo 4:17

Ja'uc me to, ja' teq'uel ta jts'eel te Cajwaltique soc la yac'bon yip co'tan. Jich ju' cu'un xcholel spisil te lec yach'il c'ope, soc la yaiyic stojol spisil te jyanlumetique. Jich la scoltayon loq'uel ta ye león-choj te Cajwaltique.

Salmos 46:11

Te Cajwaltic te Spisil ya xju' yu'une, ja' sjoinejotic stuquel. Ja' anjibal cu'untic stuquel te Dios yu'un Jacobe.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

Josué 3:7

Te Cajwaltic la yalbey te Josué: —Yo'tic ya me cac' te ya xmuc'ub ac'oplal ta sitic te israeletique. Tey me ya yilic a te joinejat, jich bit'il la join te Moisese.

Éxodo 3:12

La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

Romanos 8:37

Manchuc teme spisil ya jtatic ta q'uinal in to, jc'axel me ya caiytic tsalaw ta swenta te Mach'a bayal c'uxotic ta yo'tane.

Josué 1:17

Ya me jch'uuntic te ac'op jich bit'il la jch'uunbeytic sc'op Moisés. Ja' nax ya jc'antic te yacuc sjoinotic te Cajwaltic te Dios cu'untique, jich bit'il la sjoin Moisés.

Deuteronomio 7:24

Te Cajwaltic ya me yac'beyex ta ac'abic te muc' ajwaliletic yu'unique. Te ja'exe ya me alajinic, yu'un jich me ma'yuc mach'a ya sna'ic xan ta balumilal. Ma me ayuc ni jtuluc ya xju' yu'un tsalaw ta guerra ta atojolic. Ja' yu'un ya me xju' awu'unic, ya me xju' ya alajinic ta spisilic.

Josué 6:27

Te Cajwaltic la scoltay te Josué, jich pujc' bael sc'oplal ta spamal te q'uinale.

Deuteronomio 31:23

Te Josué te snich'an Nun, ac'bot yu'un Cajwaltic te mandal in to: —Ma me xiwat, ayuc me yip awo'tan. Melel ja'at me te ya awic' ochel te israeletic tey ta lumq'uinal te calojbeye. Jo'on me ya x'ainon ta ats'eel —xi' sc'oplal te Josué.

Deuteronomio 4:31

te bit'il mero lec yo'tan stuquel, ma me ba ya spijt'esex, soc ma me ba ya slajinex. Ma ba ya xch'ay ta yo'tan te trato la spas soc te antiguo ame'-atatic, te jc'axel yaloj te ya sc'otes ta pasele.

Josué 10:8

Te Cajwaltic la yalbey: —Ma me xiwat, melel jo'on ya cac'beyex ta ac'abic, ma me ayuc jtuluc ya stsalex —xi' te Cajwaltique.

Jueces 2:18

Te juez ya sle jujun buelta te Cajwaltique, ya xcoltayot yu'un te jayeb c'aal cuxule, soc ya xcoltayotic te israeletic ta sc'ab te scontroique. Te Cajwaltic ya sna'bey yo'bolil sbaic c'alal ya yaiybey stojol yajc'anic, yu'un ya xwoclajic bayal yu'un te uts'inele.

Jueces 6:16

Te Cajwaltic la sjac': —Ya xju' awu'un spasel, melel ya joinat. Ya me atsal te madianetic, jich nax me ya xc'ot ta awo'tan te bit'il jtul nax winic —xi' sc'oplal.

1 Samuel 10:7

Te c'alal jich c'otix ta pasel ta atojol spisil a te bitic la calbatixe, pasa spisil te bila ya sc'an awo'tan ya apase, ja' me ya scoltayat te Diose.

1 Reyes 1:37

Soc te bit'il la sjoinat ta at'el te Cajwaltic, jichuc nix me ya xjoinot te Salomón, soc te c'axemuc to xan jich ya xmuc'ub a te yat'el ta muc' ajwalil te bit'il ja'at, cajwal David —xi'.

1 Reyes 6:13

Ja' te ya me x'ainon ta yolil te israeletic, soc ma ba ya jpijt'es te Israel te lum cu'une —xi'.

1 Reyes 8:57

“Jich yu'un yo'tic te Cajwaltic te Dios cu'untique ac'a me sjoinotic, jich nix te bit'il ain soc te antiguo me'il-tatiletic cu'untique. Ma me xyijq'uitayotic soc ma me spijt'esotic.

1 Reyes 11:38

Teme ya ach'uunbon spisil te bila mandalil ya calbate, soc teme toj ta jsit te bitic ya apase, soc teme ya awac' c'otuc ta pasel te bila chapal cu'un soc te mandaliletic cu'une, jich te bit'il la spas te cabat David, ya me joinat. Soc ya me cac' te stalel ya xjil ta ajwalil te ats'umbale, jich te bit'il la jpasbey te sts'umbal David, soc ya me cac'bat te Israele.

1 Crónicas 28:20

Jich yu'un te David la yalbey te Salomón: —Ac'a me yip awo'tan soc junuc me awo'tan, ac'a ac'ab yu'un te at'ele. Ma me xapejc'an awo'tan, ni ma me xiwat xujt'uc, melel te Cajwaltic te Dios cu'untique ya me sjoinat. Ma ba ya yijq'uitayat stuquel, ma ba ya spijt'esat, ja' to me chican ya xlaj ta pasel spisil te bitic ya xtuun ta templo swenta xch'uunel te Diose.

Isaías 42:16

Ya me quic' bael te ma'sitetic ta bebetic soc ta bay ch'in be te ma xyilique. Ya me jc'atp'un ta saquil q'uinal ta stojolic te ijc' q'uinale, soc ya me jc'atp'un ta spamlej ta bay chujc'ulique. Te bitic la cale ya me xc'ot ta pasel cu'un ta puersa.

Jeremías 1:8

Ma me ayuc mach'a ya axi' jtuluc, joinejat me, ya me xc'opojon awu'un. Jo'on Ajwalilon te jich ya cale —xi'.

Daniel 11:16

Te mach'a ya yochintay te q'uinale, ya me spas te bila ya smulan spasbeyel ta stojolic te mach'atic ya yich'ic tsalel yu'unique. Ma'yuc mach'a ya xju' bi ya x'albot yu'un, ya me x'ain tey ta Lumq'uinal Mero T'ujbil te xi' sbiile. Spisil ya slajin tey a te bitic ya xchicnaj ta stojole.

Génesis 39:2

Ja'uc me to, te Cajwaltic sjoinej te José. Jich mero lec a c'ot ta loq'uel te ay ta sna te yajwal te egipcio-winique.

Deuteronomio 20:1

“Teme ya xloq'uex ta spasel guerra soc te acontroique, teme ya awilic ay bayal caballoetic soc carretaetic yu'un guerra yich'ojic, soc teme ja' mero bayal te soldadoetic yu'unique, teme c'axem jichic a te bit'il ja'ex, ma me x'axi'ic, melel te ja'exe ja' sjoinejex te Cajwaltic te Dios cu'untique. Ja' te la sloq'uesex tel ta sq'uinal Egipto.

Josué 21:44

Te Cajwaltic la sc'otes ta pasel te bila yaloj, soc la yac' lamajuc q'uinal ta sjoylejal. Te scontroique ma'yuc bay tsalotic yu'un, melel te Cajwaltic la yac'bey yaiyic tsalaw.