Josué 1:18 - Bible in Tzeltal de Oxchuc y Tenejapa

¹⁸ Spisil te mach'atic ya stoy sbaic ta swenta te mandal ya awalbotic, teme ma sc'an xch'uunic te bi ya awale, ac'a yich'ic milel. Ja' nax teme ma xiwate, soc teme ya apas tulane —xiic.

Bible in Tzeltal Bachajón

¹⁸ Mach'ayuc a ya stoy sba ta sc'axuntayel te mandar awu'un, te ma ba ya sch'uhun spasel spisil bintic yac awal, ac'a lajuc. Ha nax ac'a fuersa soc ayuc me yip awo'tan, xchihic.

Josué 1:18 Referans Kwoze

Efesios 6:10

Lec ay, quermanotac, ich'aic me yip awo'tanic ta swenta te Cajwaltique. Yu'un ja' nax ta swenta yip yu'el te ya xju' cu'untique.

1 Corintios 16:13

Wiq'uiluc me asitic spisil ora. Junuc me awo'tanic te ya awac' xch'uunjel te awo'tanique. Ayuc me stulanil awo'tanic soc yip awo'tanic.

Esdras 10:4

Jajch'an, melel ja'at ay ta awenta spasel, te jo'otique ya me jt'unticat. Ac'a puersa, ac'a jajch'uc te at'ele —xi' te Secanías.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Hebreos 12:25

Jich yu'un tsajtaya me abaic, ma me xap'ajic te mach'a yac ta c'ope. Melel teme ma ba colic te mach'atic la sp'ajic te c'alal c'oponotic ta tulan yu'un Dios li'to ta balumilale, ¿bit'il c'an colucotic jo'otic teme ya jp'ajtic ta comel yu'un te Mach'a yac ta c'op ta jtojoltic c'alal to ta ch'ulchane?

1 Samuel 11:12

Patil ay cha'oxtul te israeletic te jich la yalbeyic te Samuel: —¿Mach'atic a te la yalic te ma lecuc ta muc' ajwalil cu'untic te Saule? Ac'botic ta jc'abtic yu'un ya jmiltic —xiic.

San Lucas 19:27

Yan te mach'atic scontroinejone te ma la sc'anic te ya x'ochon ta muc' ajwalil ta swentaique, ic'bonic tel ta jtojol. C'ocbeyaic loq'uel sjol”, xi' te muc' ajwalile —xi' ta yalel te Jesuse.

Deuteronomio 17:12

Te mach'a capal soc stoybail ya xjajch' ta at'ele, te ya xc'axintay te bila la yalix ta jamal te sacerdote te yac yac'bel sba ta abatinel yu'un Cajwaltic tey a, o ja' te bila la yalix ta jamal te juece, ya me yich' milel yu'un. Jich me ya xlaj a te bila amen ta pasel ta sq'uinal Israel.

Josué 1:17

Ya me jch'uuntic te ac'op jich bit'il la jch'uunbeytic sc'op Moisés. Ja' nax ya jc'antic te yacuc sjoinotic te Cajwaltic te Dios cu'untique, jich bit'il la sjoin Moisés.

Josué 2:1

Te Josué, c'alal ayic ta Sitim la sticun bael cheb jtsajtaywanejetic ta muquen, jich la yalbey: —Baan ilawilic te lum Jericó soc spisil te sq'uinale —xi'. Jich bajt'ic, c'otic ta sna jtul jmulawil ants ta Jericó, Rahab sbiil. Tey c'ax ajc'ubal yu'unic a.