Josué 1:17 - Bible in Tzeltal de Oxchuc y Tenejapa

¹⁷ Ya me jch'uuntic te ac'op jich bit'il la jch'uunbeytic sc'op Moisés. Ja' nax ya jc'antic te yacuc sjoinotic te Cajwaltic te Dios cu'untique, jich bit'il la sjoin Moisés.

Bible in Tzeltal Bachajón

¹⁷ Ya jch'uhumbatcotic ac'op hich te bin ut'il la jch'uhumbecotic sc'op te Moisés; ha nax ac'a sjoquinat te Jehová te Dios awu'un hich te bin ut'il la sjoquin Moisés.

Josué 1:17 Referans Kwoze

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

1 Reyes 1:37

Soc te bit'il la sjoinat ta at'el te Cajwaltic, jichuc nix me ya xjoinot te Salomón, soc te c'axemuc to xan jich ya xmuc'ub a te yat'el ta muc' ajwalil te bit'il ja'at, cajwal David —xi'.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

San Mateo 21:9

Te ants-winiquetique te neel yacalic ta beel soc te patil ayique, la yawtayic: —¡Jelawen yutsil te sts'umbal David! ¡Bin nax yutsil te mach'a talem ta swenta te Cajwaltique! ¡Jelawen yutsil te Mach'a ay ta ch'ulchane! —xiic ta aw.

Salmos 20:9

Cajwal, ac'a yaiy tsalaw te muc' ajwalile. Jac'botic jc'optic te c'alal ya jc'oponticate.

Salmos 20:4

Ac'a yac'bat spisil te bila ya sc'an awo'tan, ac'a sc'otes ta pasel te bila chapalix awu'une.

Salmos 20:1

Ac'a yaiybat stojol ac'op te Cajwaltic te c'alal ayat ta wocole; ja' nix me ya scoltayat te Dios yu'un Jacob.

1 Crónicas 28:20

Jich yu'un te David la yalbey te Salomón: —Ac'a me yip awo'tan soc junuc me awo'tan, ac'a ac'ab yu'un te at'ele. Ma me xapejc'an awo'tan, ni ma me xiwat xujt'uc, melel te Cajwaltic te Dios cu'untique ya me sjoinat. Ma ba ya yijq'uitayat stuquel, ma ba ya spijt'esat, ja' to me chican ya xlaj ta pasel spisil te bitic ya xtuun ta templo swenta xch'uunel te Diose.

1 Samuel 20:13

Yan teme amen bi snopoj ya spasbat te jtate, ac'a me yac'bon buen tulan castigo te Cajwaltic teme ma ba ya calbate, soc teme ma ba ya jcoltayat swenta jun awo'tan ya xcolat baele. Ja' ac'a scoltayat te Cajwaltic, jich te bit'il coltayot yu'un te jtate.

Josué 1:16

La sjaq'uic ta spisilic: —Ya me jpastic spisil te bila mandal ya awalbotique, ya me xbootic ta bay ya aticunotique.

Josué 1:18

Spisil te mach'atic ya stoy sbaic ta swenta te mandal ya awalbotic, teme ma sc'an xch'uunic te bi ya awale, ac'a yich'ic milel. Ja' nax teme ma xiwate, soc teme ya apas tulane —xiic.

Números 27:18

Te Cajwaltic la sjac'bey sc'op te Moisese: —Ja' te Josué te snich'an Nun te yich'oj te espíritue, ja' x'awic' ta atojol, cajanbeya ac'ab ta sjol.

Números 27:20

Ac'beya ta stojol oliluc te awat'ele, swenta yu'un spisil te lum Israel ya me xch'uunbeyic sc'op.

Deuteronomio 34:9

Te Josué snich'an Nun la yich' sp'ijil yo'tan ta stojol te Moisés, yu'un la scajanbey sc'ab ta sjol Josué te Moisés. Ja' yu'un te israeletic la xch'uunbeyic smandal, jich nix la spasic te bit'il yaloj mandal ta stojol Moisés te Cajwaltique.

Josué 4:14

Ja' jich c'aal a te jajch' ta muc'ubel sc'oplal yu'un Cajwaltic te Josué, jich jajch' yich'ic ta muc' spisil te israeletic, jich bit'il la yich'ic ta muc' Moisés te jayeb c'aal cuxine.

1 Samuel 17:37

Te Cajwaltic te la scoltayon ta ye te león-choj soc ta ye te oso, ja' ni me jich ya scoltayon ta sc'ab te filisteo —xi'. Jich la yal yu'un te Saúl: —Baan jiche. Ac'a sjoinat te Cajwaltique —xi'.

2 Samuel 14:17

Jo'on te abaton awu'une ya jmaliy te sujt'ib ta atojol, swenta yu'un ja' me ya smuc'ubtesbon q'uinal caiy, melel te ja'ate ya ana' stsajtayel banti lec soc banti ma lecuc, jich te bit'il ch'ul abat yu'un te Diose. Ac'a sjoinat te Diose, ja' te Cajwaltique —xi' te antse.